ضحايا بلادي

السابع والثلاثون

ضحايا بلادي
بقلم يحيى إدريس 

وقف عند الباب ييي نسيت مفتاح كيف ندير طلع تليفونه واتصل ع اخته اللي كانت مقعمزه تفرج
ع فيلم مصري اسمه الأنسه مامي ع روتانا سينما
شافت تليفونها خذت حبة سبول وردت الو ..
محمد . اختي العزيزه
شهد . شقلبت عيونها شن تبي
محمد . افتحيلي الباب
شهد . كل يوم كل يوم وين مفتاحك
محمد . نسيته
شهد . عدي روح دور من يفتحلك
محمد . تمت هكي
شهد . اها وصكرت وكملت تفرج ع فيلم شوي لعند حست بتأنيب ضمير لبست سباطها وطلعت فتحت
الباب وينه هذا ويطلع مره وحده يقول بخخخخ
شهد . حطت يدها ع قلبها افجع درايزك
محمد . عارفك مانهونش عليك نقعد ف شارع
شهد . رفعت اصبعها بتحذير اخرلك مره تنسي مفتاح
محمد. حوسلها شعرها مش ماشي معاك جو هذا
شهد . يابارد
محمد . شن قلتي
ابتسمت وقالت شي وخشت تجري وهو وراها
لعند خشت لدارها قفلت بالمفتاح هو يقول باهي
توا يبانلك اووو فيلم وسبول عليك جو قعمز وهي
قريب تخوخم خشت ف سريرها وغطت ف النوم

منى اللي كانت راقده مع خالد فاقو ع صوت عيطه
ولدهم وقفت تعاني فيه ولا قال نسكت ربع ساعه
يعيط بعدين خالد طلع بملل خذا منها مجرد ماخذاه ف حضنه سكت ومنى ردت لسريرها ترقد
خالد . ضحك سكت شفتي
منى . ابتسمت وشيرتله ورقدت
خالد.  يعاني فيه لصبح
خالد . يغفى دقيقه العيل يرد يصرخ من جديد
وكملها يبرم ويهز بيه ..
لعند ثاني يوم خشت كامله لقت خالد يلبس ف كندرته بصوت واطي صباح الخير ..
خالد . صباح النور
كامله . تاخذ العيل اطهره وتسجله
خالد . قصدك كله اليوم
كامله . بيش تفتك
خالد. تمام
ناضت منى صباح الخير عمتي
كامله . صباح النور وشافت لحفيدها نجلي راقد
منى . ابتسمت وناضت للحمام
كامله . توا نطهروه ونسجلو اعمر قبل ما العقرب تفطن
خالد . عيب ياامي
كامله . دارت حركه بيدها بمعنى فوتني
منى . تمسح ف وجهها بتطلع
خالد . بنسجل الفارس هذا وشوية حاجات
منى . بطهروه توا
كامله لوت فمها ..
خالد . ان شاء الله
منى بملامح موجوعه  . مزال صغير
كامله . ها تبيه لما يكبر يطهروه توا مايحسهاش
منى . مطت شواربها للاسفل
كامله . ها ياباتي خذت حفيدتها ف حضنها وطلعت
خالد . باس راس منى وطبطب ع كتوفها وطلع
...
الضي طافي وبتول تقرا ماهو شهادة سنة
وكانت كل يوم تقرا ع ضي لامبه شحن وتسهر
وشهد تجيبلها سندوتشات وتساعدها بذات في
مادة جغرافيا والقارات وكانت تسهر معاها لصبح
بتول . خايفه ياشهد بكل
شهد . متوتريش بس هذي اميه مرقيه اشربيها وادعي وشدي ف اذكار صباح والصلاة الابراهيميه
بتول . ابتسمت صايمه انتي
شهد . اها ضروري كل اثنين وخميس ومنهن لهن اجر
بتول . لوما الامتحانات را حتى نا صمت معاك
شهد .امشي لامتحانك بس وماتفكري ف شي غيرهن
بتول . حاضر
وطلعت بتول وشهد بعد صكرت الباب بدت تستغفر
وتضم ف الحوش ..
بعد ساعتين
طلعت بتول من الامتحان تلاقت ب ارويدا
ارويدا . نص ونص وانتي
بتول . بدت تشوف ورقة الاسئلة ف يدها وكتاب جغرافيا وهي تراجع عيطت بفرحه درجة نهائية
ارويدا . حضنتها وهي فرحانه
ارويدا . هي مالا واحد اثنين ثلاثه
عزقن كتاب جغرافيا ف الهواء ..
ويغنن ويرقصن بيديهن لعند جا الحسن وروح بيهن
خشت بتول تسلح كندرتها
شهد . شن صار معاك
بتول . قعمزت وبدت تقول لشهد ع الاجابات
وشهد تصفق بحماس وتضحك تقول هي اللي مجاوبه ماهو حتى هي سهرت وتعبت معاها ع مدار اسابيع معاها وكانت فرحتهم مالها مثيل ...