ضحايا بلادي

الحادي والخمسون "51"

ضحايا بلادي
"مجزرة العشاق"
بقلم يحيى ادريس
البارت الحادي والخمسون "51"

ف النص الأم وعلى يمينها بنتها الكبيرة ويسارها
بنتها الوسطيه وبنتها لصغيره متكيه عند كرعيهن
وتشرب ف سحلب ..
شهد . احكيلنا كيف تعرفتي على بابا ..
صالحه . ضحكت بعد خذت رشفه من سحلب
ومنى . مبتسمه وهي تشوف ل امها
صالحه . بوك وقتها ف ثمانينات كان طول وعرض
ضحكت بتول متأكده تحكي عن جمعه ..
ضحكت معاها منى شكله الحب اعمى صح ..
صالحه.يامسخات بوكن سمح غير عمله هو الل شين
شهد . اكسكيوزمي كان عمله شين توا عمله سمح
صالحه . المهم كان هذك الولد قالب شارع ع راسه
بتول . ضحكت وباهي
صالحه . ونا كنت وقتها هايمه فيه هو وين يطلع طرحات ولبس وشخصية سمح وحانط ..
منى . حانط نقولو بس سماحه وين جت ..
صالحه . بوك كبر روحه بالهم والقعده ف الحوش
لكن هو اغلبكم تشبهوله عيونه خضر وابيض واشقر
بتول . وشعره مكرونه مكرونه 😂
منى . خطرت عليا هذك الاغنية
شهد . شيرت براسها
وقفن منى وشهد وبعدهن بتول يغنن ف هذك الاغنية ويرقصن ف رقصه شهيرة
أحلى عيون ماكرين ماكارينا
كدا برضه مع الأحلام تسيبينا
أحلى عيون ماكرين ماكارينا
هيييه ماكارينا
ماكارينا دابوا فيها ناس ياما ناس ياما بيقولوا
ويعيدوا واللي دابوا فيها قالوا لما شافوا
غير عيون ماكارينا

ماكارينا آه يا شاغلة عينينا
ليه دايماً بتعاندينا
دا أنا قلبي إشتاق وناداكي
ليه كدا بتنسين

دقة قلبي تقول ماكارينا
والأشواق سكنت ليالينا
دقة قلبي تقول ماكارينا
هيييه ماكارينا
وضحكت صالحه وبدت تصفقلهن
شهد مسكت ف يدين خواتها وطبسن وخبطن ع صدرهن ع اساس تحية لجمهور وصالحه تضحك
وصوت ضحكاتهن مع صوت المطر غير وغير ..
..
ياسمين . كنك حبيبي
اسلام . مش قادر ناض لبس ماليته وطلع
ياسمين . قعمزت وتغطي ف روحها ب الرغان وعيونها مليانات دموع ..
اسلام فتح الفيرندا وقعمز ع الكرسي يدخن
كان جو مصقع ومطر فجأة ذاكرة خذاته لمكان بعيد
في الماضي ..
قاللها .. لوز
ابتسمتله نعم ارنوبي
زعما يجي يوم وتملي مني !؟
شافتله بخلعه وانتفضت لا مستحيل منك مستحيل نتخيل يومي بدونك
ابتسم اسلام
شهد صقع صح ..
اسلام لا يالوز وانتي جنبي نا دافي
شهد تحبني
اسلام كيف منحبكش وانتي ف قلبي ديما
شهد انت الحاجه الحلوه في حياتي متخذلنيش
اسلام مستحيل
حطت راسها ع كتفه لعند امتى تحبني
طول مافي نفس وانتي
حتى وانا ميته نحبك رد بالك نموت تزوج غيري بعدها نطلعلك من قبر
في الحاضر ..
عيونه امتليو دموع ابتسم بألم ويضحك
ومرته واقفه تربط ف طرف روبها تشوفله ..
رما دخان شافلها وقال كنك تلحقي فيا ..
ياسمين . خفت عليك انت كويس
اسلام . خش وماردش عليها صكر باب دار
ياسمين انتفضت من خبطة باب تنهدت بضيق ..
..
خش غيث ويده مربوطه
حطت سميره يدها ع فمها وين شافته وشهقت
غيث . اس مافيا شي يام ..
سميره . يانعلي ياوليدي شن صايرلك بس ..
غيث . بسيطه بسيطه
سميره . شن بسيطه يدك كنها
غيث .‎ ماكنها شي عادي هذ حاجه بسيطه من اللي شفته ف حياتي
سميره . غير شن تبي ف شغله الوسخه هذ ابعد ع شر وغنيله ياولدي الحمدلله انت عندك شغلك ...
ومنصبك..
غيث . الي يمشي ف طريقي ماعندش خيار العوده
سميره . متخوفنيش عليك
غيث . طبطب ع كتف امه ورقا لداره ..
...
شهد . شافت بتول مقعمزه ف الحاجر ..
شهد . بتول شن ديري ف صقع هذ ..
بتول . نفكر نغير مدرستي ..
شهد . وعليش
بتول . المدرسة كلها تبدا تحكي عليا
شهد . الناس هذي شغلتهم يحكو ف موضوع يوم يومين وينسو بعدها انتي متخليكش ضعيفه وجبانه
متهربيش واجهي خليكي شجاعه وقد روحك مش تهربي من اول موقف
بتول . نا مش كيفك نا حساسه ياشهد
شهد فنصت . لا حساسه لا شي بلا نوطره وخوذي حقك ماتقعديش نيه
بتول . ناس مترحمش
شهد . الناس مترحمش الذلال اللي يمشي جنب الحيط انما القوي اللي ياخذ حقه يحسبونه الف حساب
بتول . مش هنقدر ندير شي
شهد . حضنتها وقالت تقدريها انا نقولك تقدريها