ضحايا بلادي

ضحايا بلادي "مجزرة العشاق"

الحلقة السادسة
شهد  . زعما من هذا
اسماء . وهيا تغني شافت محمد واقف
محمد . هيا يافرخه منك لها اطلعن هيا عدن
اسماء . عليك اسلوب
محمد . خير منك
شهد   . هيا اسميوا هذ بصارته ثقيله
محمد . من قالك اني نبصر
شهد   . محمد خلاص عاد
محمد . قعد يبحت فيهن
اسماء  . طلعت وفاتته
محمد . ابتسم
شهد   . عيب الخبر اللي دير فيه هذ والله عيب
محمد . رفع حاجبه تستاهل مايجيها خليها تتربى
شهد مشت وهيا متنرفزه من محمد  ...
اسماء . خوك قليل ادب او وقح
شهد   . خلاص خلاص را يسمعنا
اسماء . طزززز فيه
محمد . فتح الروشن في من
اسماء . غمضت عيونها بنفاذ صبر محدد
محمد . محمد
اسماء . قلت محد
محمد . كنك تحكي هك
اسماء . انا حره
محمد . طلع سبسي هاك واهدي
اسماء ، فنصت فيه ومشت وتخبط ب كرعيها
شهد . زودتها
محمد. ماعندهاش احساس هذ
اسماء . خشت لدار تلم ف دبشها وتبكي
شهد  . كنك حلك ماخذيتي ع طبعه من يومه هك
اسماء . قال ماعنديش احساس ويعاير فيا اخرى
شهد . فوتيه تجاهليه
اسماء تمسح ف دموعها بنروح لحوشنا ..
خشت ماجده كنك اسماء ..
اسماء . نبي نروح خلاص مليت
ماجده . عليش كنك
اسماء . خلاص بنمشي لنا فترة قاعدين الفرح كمل
ماجده . توا نتصل ب ايمن
اسماء . اتصلي بيه خلينا نروحو
شهد . نزعل منك يااسماء را
اسماء . لنا اسبوع عندكم خلاص
شهد . طلعت وهي مضايقه
ماجده . بلا طروح وقولي كنك
اسماء . شي يمي خلاص بنروح لحوشنا
ماجده . تجداي شهد لك مش بالبلاش
اسماء . يعني عليش البنت مكسده اختها تزوجت
ماجده . هزت راسها وطلعت
صالحه . مع سلامه سلمكم جاييين
عيسى . طلع كمشه فلوس مبروك عليها
صالحه . ربي يخليك لي يالغالي عقبال عويلتك
عيسى . ان شاء الله
صالحه . اوكي ياسميوه سلمك صبايه نردو ف فرحك
اسماء . ابتسمت مجامله وطلعت ركبت ف سيارة
شهد . تباوع فيهم وزعلانه ع اسماء
ف سيارة
ماجده . وين ايمن كنه ما جا
عيسى . قتله نا بناخذكم مرايف عليكم يانوارت حوشي
ماجده . ابتسمت
واسماء . تفرج من عند روشن وساكته
عيسى. شكله اسماء في خاطرها تبات غادي
ماجده . هيا اللي تبي تزن تروح ماني عارفه ايش لاقيه في الكساد
عيسى . بوها غادي صح ولالا
اسماء . اها اصلا الواحد مايتريح غير ف حوشه ومع هله وف فراشه
ماجده . ف هذي صدقتي
طلعو منى وخالد من صبح خطمو على هلهم شوي شوي ودعوهم وتوكلو لشهر العسل ف تركيا ..
مكالمه هاتفية
هند . تركيا مره وحده اسملا علي حتى اثار شحات ماريتها
حنان . كان نقولك نا خلوني ندير الغداء من ضحى صباحيتي
هند . معلش خليها تفرحلها يومين بنت الخادم واللهي نوريها
حنان . هيا تفرهد ف عزنا ونحنا محرومات
هند . اي والله واخيرا لقيت حد يفهم عليا
.....
وعند صالحه مقعمزه تبكي وجنبها شهد تواسي فيها
جمعة هو ياكل ف موز قعمز حذاهن عليش تبكي بدال ماتفرحي لبنتك ماشيه تدهور وتعيشلها يومين
صالحه . وقفت بكاء وفنصت فيه
جمعة . امشي امشي ديريلنا غداء بلا بكاء وطروح
صالحه . ناضت راقيلها
جمعة . ان شاء الله حظك زي حظ اختك بس ماتنسيش بوك من تفتوفه
شهد . شافتله ب إزدراء ولحقت امها
جمعة . رفع يديه فوق شن داير ف دنيتي ربي يرزقني ببنات وعيال ووليه مش محترمين وقليلين ادب انا
لي جنة والله من ه العيلة اللي درتها ..
بتول . طلعت من دار وماشيه برا
جمعة . انتي يابنت وين طالعه هك
بتول . لشارع
جمعة . شارع شنو خشي جوا يافرخه
بتول . بنطلع انا
جمعة . كبرتي ع طلوع شوارع بالك تحسابي روحك ذكر
بتول . لا مش كبيرة انا صغيره وبنطلع هك ونا حره محد يجبرني على شي ..
جمعة . شن قلتي را نجي نخبطك كفين على وجهك
بتول . هيييه بتضرب من يابابا اسمع را نا عارفه عليك كل حاجه لكن نمشي بمزاجي لأني نحترم في عمرك الكبير منبيش نرقدك ف العنايه عرفتك دس فلوس عرم عند عمي
وجا جمعه يجري حط يده ع فمها اص اص
بتول . امممم
جمعة . انتي من وين عرفتي معلومات هذين
بتول . ضحكت بخبث كم تعطيني عشان منقولها
جمعة . كذب مافيش منه كلام هذ
بتول . خلاص نقولو ل امي وامي تسأل عمي وعمي حاج بيت الله مايقدرش يكذب ولا يقدر
جمعة . انتي عقرب عقرببب
بتول رقصت حواجبها بضحكه طلعتلك يجوجو
جمعة . طلع من جيبه جنيهات ويدها ترتعد بيمدلها جنيه
هيا خذت لجنيهات كلهن يلا باي وطلعت تجري
جمعة . والله داهيه ه البنت داهيه وبلوه يارب صبر
بتول . طلعت تجري لشارع وهيا فرحانه بالفلوس
مشت لمحل سلام عليكم ...
صاحب المحل يتبع فيها بعيونه كان ف نهاية العشرينات عيونه ملونات طويل عريض ..
وكانت بتول البنت المرحه القوية بس سمحه
مع انه شعرها مجعد وعيونها قهويات عادي
بيضه تمشي وتختار خذت 5 لوسي ب جنيه
وجولاطي طربوش وسنتوب جت عند صاحب محل
شريف . خشيتي مندعبه لا سلام ولا كلام
بتول . بفلوسي جايه يابابا ايش دخلك نطلق سلام ولالا
الحسن ضحك . عيب ياجالطه مترديش ع الاكبر منك
بتول وجكككككك يابارد يالقاق ايش دخلك انت الاخر
الحسن عقد حواجبه . قلة ادب انتي كنك بليده هك
بتول . بليده ياااااي حل سلم ولدي عن وجهي
الحسن . تبيلك تربية من اول وجديد
بتول . غير ربي روحك واضرب اللي من ندك مش جاي تشطر ع لصغار
الحسن . وين لصغار انتي صغار
شريف . خلاص تمام وسعو بالكم
الحسن . نلقاك مع اختي نوريك
بتول . نقعد معاها مدخلكش هيا سقدنا انت الثاني بكم هذين
شريف . 3 ونص
بتول . وين الباقي
شريف . هاك وضحك
بتول . ثقاله دم وطلعت وسيبتهم
الحسن . تقول مش خوها محمد بكللل
شريف . حتى خواتها الاكبر منها هاديات
الحسن . هذي قلة ادب وتربية ديما يقولك اخر عنقود ينسو يربوه
شريف . بس تهيالي زياد اصغر منها
الحسن . ممكن يرا نستني عليش جيت نا هنا
شريف . ذهبت شيرتك حط عقلك من عقل لصغار
الحسن . ضحك والله جد حسيت روحي هبل

ايمن هو ياكل ف دلاع . تركيا صار
ماجده . لكن دارلها فرح وعز ييي ان شاء الله حظ اسماء كي حظ منى
ايمن   . يهز ف راسه وهو ياكل ف دلاع وتنزل عليه كيف الجمره
ماجده . اسمااءءء
اسماء . نعم
ماجده . جيبي البطيخ
اسماء . باه
فتحت باب تلاجه وطلعت البطيخه شوي رن تليفونها
اسماء . شافت الرقم غريب مبتش ترد ومباش يفصل رن اخرى من زعما الووو
المتصل  لا رد
اسماء . الو من معاي الووو شكله عيل صغير يلعب ب تليفون هله حطت تليفون ع الرخامه وطلعت
بالبطيخه