ضحايا بلادي

ضحايا بلادي "مجزرة العشاق"

بقلم يحيى إدريس
الحلقة الثامنة
صالحه . ياماجده لبنيه مزالت تقرا والحق مزلت ماقدرت نتخطى طلعة منى ..
ماجده . كلمه بس وبعد تخرج الفرح
صالحه . الراي رايها تروح من جامعة بس ونشوفها
ماجده . باهي عاد مطوليش
صالحه . ان شاء الله
ماجده . هيا بسلامه تو
صالحه . سلمي عليهم كلهم اسماء وايمن وعيسى
ماجده . سلمك سلممممكك سلمك يصل هي عاد
صالحه . وهي تفكر ضبطت المخده
ع فتحة الباب خشت منه شهد ...
شهد . خير
صالحه . وين تأخير هذ كله
شهد . عطونا محاظرة اضافيه
صالحه . نحطلك غداء
شهد . تعبانه بنرقد
صالحه . باهي باهي
شهد . فتحت باب دار لقت بتول متشحطه وراقده
حطت شنطتها ع سرير وقعدت تفكر ف اللي صار
قبل نص ساعة
شهد . انت ايش تبي
اسلام . شي بنات دفعتي وحبيت نساعدكن
شهد . مانبوش منك مساعده طلعت ال 20 هاك
اسلام . بس نا دفعت 60
شهد . هنردهن لك غير هذين توا معاي
اسلام. عطيني رقمك وصحيحه عليك وكل يوم غداك وعشاك وفطورك ع حسابي
شهد . شقلبت عيونها هاها تحساب روحك نزيك
اسلام . انتي نزيكه ساد
شهد . انت الكلام معاك عبث
اسلام . من عبث هذا
عيطت شهد بغيظ وجت بتمشي
اسلام . ارجو الحلو
شهد . هيا يابلقيس احسن مانرتكب جريمه
الان
شهد تضحك حطت يدها ع جبينها انا كني شن نحس

كامله . هاكي بسومه وزعي شاهي ع رجاله
ابتسام . حاضر خذت صفره
هند . شخبار تركيا انسجمتي
منى . سمحه لكن مافيش خير من ليبيا
كامله . اكيد مهما لفيت ودرت مافيش كيف الوطن
تقوى . شفتي كريم ومهند
منى ضحكت . لالا
ريما . هذ اللي شاغلك كريم ومهند
تقوى . لو نمشي غادي ندور عليهم لين نلقاهم
كامله . سلم راجلها ماعندها ماتريد ف كريم ومهند
حنان . حي امي حمقت تقوى تبصر
كامله . بدال ماتلعب مع لصغار قاعده وسط صبايا وادك ف الحنك
تقوى . دام نلعب مع لصغار معناها معش نسوي ولا نغسل عوايز
هند . غصبا عن خشمك ديريهن هذين
ريما . بسيمه قالتلي اختك تقرا معاها نفس لمدرسة
منى . بتول اها قريب من عمر ابتسام صح
ابتسام . عطيتهم
حنان . مؤيد قاعد
تقوى . لالا خوالي وجدي ف مربوعه
كامله . وانتي ايش عرفك من فيها وانتي ماتحركتي
تقوى . وليد قالي بنطلعو شباب بعد غداء
ابتسام قعمزت جنب منى
ابتسام . بتول اختك تقرا معاي
منى . اها قالتها لي ريما توا
ابتسام . هيا اصغر مني ب سنة لكن تجي تكسد معانا تعرفنا ف الفرح
منى . حي عليك صدف
ابتسام . اممم انتن الاثنين عسل
منى . شكرا
هند . مافيش حاجه ع طريق
منى . تخزرطت معرفتش شن ترد
كامله . مزال ماحلهمش عرسان
هند . بنفرح ب ولد خوي استعجلي راكم مش صغار نا ف سنك كان عندي تقوى ووليد ..
منى . ان شاء الله
ريما . هيا منى تعالي نديرو قهيوة
كامله . خلي الوليه مقعمزه عروس
ربما . بنسهري مع مرت خوي خليها تساعدني
منى . نستاذنكم
ابتسام . نجي معاكن
ريما . خليك هنا محد يلحقنا
هند . نعنكن ماتردن وشافت ل ابتسام لقتها تخزر فيها شربت شاهي ف مره وحده وغيرت نظرها لحنان
ف كوجينه
ريما . متعدليش عليها
منى . مش عارفه كنها معاي مادرتلها شي نا
ريما . هند هك شطشاطه ولسانها متبري منها بس ماعندهاش نيه
منى . منحبش ناس المؤذيه هك لسانها سليط
ريما . تحمليها انتي اهم خالد وامي وبوي هذول اكسبيهم عامليهم كي هلك تلقي القدر كله
منى . تعرفي انك طيبه
ريما . لا حتى نا عند عيالي وامي وبوي ونقلب ع الوجه ثاني
منى . لا حتى انتي صاحبتي
ريما ضحكت ...
شربو قهوتهم
منى . عن اذنكم نا بنمشي نرقد نتريح شوي
كامله. خوذي راحتك
مشو منى وخالد رقو لشقتهم