ضحايا بلادي

التاسع والعشرون

ضحايا بلادي
بقلم يحيى إدريس
التاسع والعشرون

كانت طفله بوها يدف بيها درجيحه ابتسمت وهي
تقول اقوى يابويا قويها وهو خايف عليها اطيح
بعدين اول مره خذاها لمدرسة كانت تبكي بس
حضنها وروح بيها للحوش ع خاطر متبكيش
ماجده . عيسى فكني من بنتك هذ جننتني
عيسى . مالكش علاقه بيها هذ دلوعه بوها
قربت وحضناته وهو يقول هذي بنتي طول مانا عايش محد يجي شورها ...
كل مواقف يمرو قدام عيونها فمها يرعش خذوه
من قدامها لمستشفى وهي مزالت مش مصدقه
انه خلاص معش تقول بابا بوي اوبيي دمعو عيونها
وامها تندب اطير وتنزل ع راجلها وعلى حظها
واسماء شبه مخدره دموعها ينزلو وخلاص ..
درست سيارة محمد قدام حوش عيسى كانو يركبو
خيمة العزاء ..
صالحه كرعيها رقدن مقدرتش تتحرك دمعو خنقتها
العبره وتذكرت لما يعزمها ف رمضان عند وكيف بيها لما تجيه ويستقبلها من عند الباب خطر عليها
اخر مره شافاته كيف تحسبت عليه ودعت دعوة
تمنت لسانها انقطع ومادعت عليه سمعت صوت بنتها
شهد . ماما هي ننزلو
فتحتلها الباب وصالحه تسمع ف عياط ماجده
الخيمه خوتها واقفين برا خلاص هذا عزاء خوها
واقع متقدرش تهرب منه رفعت يديها فوق عيسى
ياعيسى يخوياااا يانعلاي ياعازتي ياسندي ياباتي
ياعيسى وشهد تمشي ورا امها وكذلك بتول خشن
وشافن اسماء الي ناضت من مكانها وقت سمعت عمتها
اسماء . يانعلاي ياعمتي
وصالحه حضنتها وانهارن بكاء اثنينهم ..
اسماء . معش نقول باتي خلاص معش في معش يجي الغالي عدا عدا ياعمتي عدا سيبنا ياعمتي ينعلي
وصالحه تبكي معاها يالحنون يالطيب
اسماء . كسر ضهري كسرني يابويا
شهد . تأثرت معاهن وبدت تبكي
ماجده . مات عيسى ياصالحه مات مات
صالحه . بدت تبكي معاها

انفتح باب الشقه خش خالد ..
شاف منى مقعمزه تفرج ع مسلسل تركي ..
خالد.منى وتي روحك
منى . ليش وين ماشيين
خالد. خالك عيسى عطاك عمره
منى . انصدمت وصبت تقوله كيف مات
خالد. سكته
منى . نزلو دموعها مايستاهلش خالي كويس
خالد.هي نا كنت مخطم وشفتهم جيتك طول عيب
منى . حطت يدها ع فمها وبدت تبكي
خالد . حضنها خلاص ياعمري عشان خاطر اللي ف بطنك
منى . خالي كان هو بوي نلتمو عنده ويعطينا عيدية نص فرحي منه هو ياخالي يانعلي يالغالي
خالد . نزل تحت بيخليها تبكي على راحتها
كامله بفضول . من من مات
خالد . خالها توفى
كامله . هذ لولده داعشي
خالد . اسكتي ياامي متحكيش قدامها عيب
كامله . شن قلت دنيا كلها تعرف
خالد . حتى وكان
منى . نزلت لابسه كبوط اسود وشاح رصاصي ونازله ب صاكو صغير ف يدها شافت رحاب وكامله عند لدروج واقفات ..
وصلت اخر درجه وتاخذها كامله بالحضن
ومنى . انهارت بكاء
وكامله بكت معاها بعدها رحاب عزتها ومشت لدارها
كامله . جايتكم بكرة
منى . هزت راسها وطلعت ركبت حذا خالد
خالد . كلنا لها
ثاني يوم في المربوعه اسماء قدام بوها دموعها مجرى ع خدودها حنوني كيف تمشي وتسيبني
بروحي كيف يابوي تخليني وحدي ماعنديش غيرك
يابوي اااه يابوي
طاهر . استغفري ربك واقري قرآن
محمد . خليها تعيط ياراجل بوها كنك
محمود . يشوفلها وساكت
صالحه . قربت وباست راس عيسى مسامحتك ياغالي مسامحتك دنيا واخرة الله يرحمك ياعيسى
طاهر . خلاص اطلعن بناخذوه توا وبيغطي صندوق
اسماء . حطت راسها ع صندوق لالالاا متاخذش
طاهر . حولي ياخرا خوذيها ياعمتي
صالحه . اسماء بنيتي هي نوضي خليهم يدفنوه الله يرحمه
اسماء بصوت مخنوق. لا ياعمتي لا لا بويا هذا بويا
كيف تاخذوه كيف تحطو عليه تراب يانا يابويوتعيط
خذوه بسرعه وصالحه تكتف ف اسماء وطلعو بيه ركبوه سيارة واسماء تعيط مع سلامه مع سلامه يابوي مع سلامه ياباتي مع سلامه ياسندي مع سلامه
وصالحه تحضن فيها وتبكي من جد جدها ...
نفس منى اللي كانت تبكي لين نفسيتها تعبت
وبتول تبكي من بكاء اسماء وتبكي على خالها اللي
يجيها وينشد عنها ويلعب فيها ويجيبلها اللي تبيها
وشهد اللي تفكر لو بوها مات هل هتبكي عليه بس
بسرعه ماانطردت الفكرة من راسها لأن مافيش مقارنه بين جمعة وعيسى عيسى كان اب حنون خال
حنون جار حنون كان طيب ولسانه كويس وعمره
مارفع يده على حد كان نقيض لجمعه تمام ...
ونمشو من هنا لكوجينة ..
كانو فيها عقارب لفاعي مش بشر بكل ..
ابتهاج . تستاهلها الله نسمع ف بكاها زي الموسيقى
سليمه . بس عمي مسكين حرام وجعني
ابتهاج . مايوجعك غالي ياحنه توا الحوش ينباع وكل واحد ياخذ حصته ونتمتعو ..
سليمه . زعمك كم يطلعلنا نحنا
ابتهاج . هو الحوش يطلعله ب 500 الف اصبري نخش ع الحاسبه ونشوف كل واحد كم ياخذ
سليمه . اسماء مش كيف لذكوره تاخذ
ابتهاج . اسماء مصيرها واخذها براني عليش تاخذ م الاساس
سليمه . والله صدقتي
خشن كامله وهند وحنان وريما ..
صبت صالحه وبدت تبكي معاهن بعدين سلمو ع منى وقعدن ف مكان معاهن صالحه ومنى ..
كامله . كيف توفى المرحوم
صالحه . سكته قلبيه
هند . مش منه من ولده
ريما . فنصت وقعدت ساكته محرجه من امها واختها
كامله . ولده هذا الكبير ولا لصغير
صالحه . شهد جيبي قهوة لهل دار اختك
شهد . حاضر
ومنى على اعصابها
كامله . متزوج ولا لا عند عويلة
هند . يغشو ف بنات مسكينات
صالحه : مش متزوج المتزوجين قاعدين هنا
كامله . والله حرام وجعني خوك مسيكين توفى من القهر
صالحه . غمضت عيونها بنفاذ صبر لعند ماشافت نعيمه واروى قالت نستاذنكم ..
كامله . كنها امك
منى . جو هل دار اختي حتى نا نسلم عليهم ونجي
هند . شوفي شوفي شلتت كيفهم فرق بيناتنا
ريما . هذ وقته ياهند وعيب ياامي احترمو الميت
كامله . كنك شفتينا رقصنا ولا غنينا
على جية شهد شافت نعيمه واروى يسلمو ع امها واختها هي مشت وزعت قهوة ع هل خالد ..
كامله . وهي تاخذ فنجال قهوة صحيتي ياقمر
شهد . ابتسمت مجامله
كامله . خطيبك شن يشتغل
شهد . يقرا مزال مهندس
كامله . ماشاء الله كتاكيت
هند . والله حرام ه زول يتمرمط مفروض تاخذي وزير سفير ..
شهد . لا كويس متريحه معاه
هند . رفعت حاجبها
منى. شهد ابله نعيمه تنشد عليك
شهد . مشت من حذاها
هند . اختك مش طلعتلك بكل هاديه وطيبه
منى.اها نختلفو ف طبع زي انتي ورحاب عكس بعضكن
هند . قلبت عيونها امتى نمشو
كامله . شوي
منى . الغداء ع نار
هند . مستعجلين
اروى . وين اسماء
شهد . بعد طلعو ب خالي عيسى رقدت ف دارها
اروى . عادي نخش
شهد ، تعالي
وصالحه تحكي مع نعيمه شهد تمشي وراها اروى
فتحن باب دار كانت حنان صحبتهم مقعمزه ع تليفونها واسماء راقده
شهد . انا طالعه تمام
اروى . حنان
حنان . سلمت عليها
اروى. شخبارها
حنان . من بدري وهي تبكي رقدت قبل شوي
اروى. مصيبتها كبيرة
حنان . مافيش اصعب من الفقد
اروى . صح
...
محمد . كنها يدك
اسلام . عركه
محمد . شكلك بتاع مشاكل يابونسيب
اسلام . واحد تمادي شوي خذا اللي فيه نصيب
محمد . تبيني نأمن عندك اختي لسانها اطول منها
اسلام . ع قلبي كيف العسل
محمد . احم احم
اسلام . سامحنا ياغالي نسيت
محمد . لا متنساش يابو نسيب حتى بعد تاخذها بصاره هك لا
اسلام . وسع بالك
محمد . زياد وين القهوة
زياد . شوي بس
اسلام . وين الحاج
محمد . حاج من
اسلام . باتك
محمد . مش عارف
اسلام . حاول يشد ضحكته
...
ف احدى المستشفيات
الممرضه الحمدلله ع سلامتك
جمعه . شاف ليده مجبسه ناض ولبس جاكته وطاقيته صوف ويمشي لعند وقف ع سيارة شاف وجهه كله مخربش والوان خطوط خطوط ع وجهه
بدا يتحسب ع اللي دار فيه هك ويسب فيه ب اقبح
شتائم وصل عند حوشه يخبط محد رد عليه ..
طلع مفتاح من جيبه مباش ينفتح اوفف زاد خبط
ع الباب انفتح الباب واحد طول ب عرض
جمعه . خاف وخر من انت
عبد الحميد . نا خوها لورده كنك لا حر لا شر
جمعه . خاف وخر هذا هذ حوشي
عبد الحميد . واللهي
جمعه . بلع ريقه وهز راسه
عبد الحميد . ابلط من هنا احسن مانكمل ع باقي وجهك
جمعه . صار سوء تفاهم بيني وبين مرتي
ورده . بصوت عالي عبد الحميد قوله يدزلي ورقتي
عبد الحميد سمعت وبدا يدف فيه اقلب وجهك
جمعه . اصكرت ف وجهه خلاص
عبد الحميد . اسمعي روحتيني من شغلي ف سرت مانطلعش من المولد بلا حمص
ورده . متخافش يالغالي غير نتخلص من زفت هذ وتاخذ حقك وفوقه بوسه ..
.....
حنان . سلام
شهد . وعليكم سلام
حنان . نساعدك ف حاجه
شهد . لا غير راسي وجعني من البكاء قعدت هنا
حنان . سيبت اروى مع اسماء
شهد . هزت راسها
حنان . بنسألك سؤال خاص عادي ولا
شهد . سؤال شنو
حنان . مرت بوك
شهد . بالله عليك فكينا من سيرة
حنان . نعرفها من قبل
شهد . قريبك
حنان . حشانا منها هذي بتاعت رجاله
شهد . مايهمنيش امرها صراحه
حنان . شوهت سمعة اختي تبلت عليها لعند ماتت
شهد . انصدمت وجمدت من اللي سمعاته
حنان . نبي نعرف كيف نقدر نوصل فيها انا نعرف عنوان الحوش اللي هي فيه بس نبي نرد حق اختي
شهد . ابتسمت لما خطرت ع بالها فكرة
حنان . ضيقت عيونها ب ابتسامه
شهد . عندي لك حد يقدر يساعدك بس هاه نا ماليش علاقه عباره عن نعطيك رقمه
حنان . تمام
شهد . سيرتي متنجابش
حنان . ماعليك
ونطلعو من هنا لدار اللي فيها اسماء
فتحت عيونها تحساب روحها كانت ف كابوس راسها صداع عدلت قعدتها وشافت اروى اروى
اروى . دمعو عيونها عظم الله اجرك ياقلبي
اسماء . بوي مات صح مش كذبه مات يااروى خلاص خلاص معش عندي بات نا وبدت تندب
خشت شهد عليها اسميوا استهدي يالله وسعي بالك
اسماء ، باتي اللي مات باتي را باتي متعرفوش انتو لأن بوكم عايش محد حاس بيا وبدت تخبط وتندب
شهد . استغفري ربك نا عايش صح لكن قعدته كي قلته وجوده وعدمه واحد بوي كسرلي يدي ياريته
هو مات الا ماندير فرح ونزغرت عليه بوك انتي الله يرحمه محد دايم الا وجه الله يااسماء كنك انتي وحدي الله
اسماء بصوت متقطع . قلبي يوجع فيا وتحاول تلقط نفسها
شهد . تعالي معاي تعالي خذتها وطلعت بيها للحاجر الوراني ..
ع جية محمد كنها شن في
شهد . قريب خوخمت محد يقدر عليها الا انت
اسماء حاطه يدها ع صدرها وتحاول تلقط نفسها
محمد . شافلها وهو خايف عليها اسماء 
اسماء . نبي نموت نبي نموت مش قادره
محمد . الله يرحمه خالي ف جنه ادعيله
اسماء يصوت مخنوق . سيبني بروحي
محمد . كيف بروحك نا وين يااسماء وامك وخوتك
اسماء . مش كيفه محد يجي مكان بوي وبدت تبكي
محمد تأثر عليها ع الاخر كان بوده يحضنها بس
اسماء تمسح ف دموعها وتشوف لشجر رشفت
محمد بوده يحضنها ويحبسها ف قلبه ومايخلي شي
يبكيها سمع حد ينادي عليه كلم منى طلعت قعدت حذاها اسماء تبكي ومنى حضنتها وتقوللها ابكي طلعي اللي ف خاطرك واسماء ما صدقت انهارت بكاء ع كتف منى بروحها بدت تبكي .....
ومن ه اليوم 3 ايام
جت فيه نعيمه واروى جابو عصريه
وكامله وبناتها جو بعد الاسبوع بعشاء
وكان العشاء كله عزق ادواس على ايمن هذ عند صبايا
اما عند رجاله ف كان عن اوضاع الحرب والي يطبل لحفتر واللي ضده وتعشو على ضي طافي واعمر
وهو يسب ف المسؤولين ..
اسماء تحسن وضعها شوي عن قبل ..
روحت منى ف نفس اليوم بتاع العشاء مع خالد وهله
وشهد باتت مع اسماء بعد ماستاذنت من اسلام
اما صالحه اضطرت تروح لان خوات ماجده يناشبن فيها سيبتهم وروحت هي وبتول ..
..
طق الباب
وردة  . من ورا الباب منن
مروان . عمي جمعه قاعد
وردة . حطت الوشاح حط ع راسها وطبعا ك عادتها ب زينتها كامله مكياجها وشعري ملويته وعطرها ..
مروان . وين عمي جمعه 
ورده بدلع . مش قاعد
مروان ، هز راسه لما يجي قوليلي تبي حاجه
ورده .  استنى
مروان . وقف مكانه وهي تمشي بدلع
طلعت جزدان فيه فلوس مدت لفلوس قاصده تلمس يده  تقدر تجيبلي عشاء من مطعم
مروان . هاه نقدر خليهن
ورده . لا متجيش
مروان . مغير خوذي معاي فلوس
ورده . جيبلي كنتاكي وبيبسي
مروان . تمام
ورده صكرت باب وقفت وراه وعضت شاربها اللي تحت حولت الوشاح وحطاته ع خصرها وترقص
اما مروان يخطر عليه ع نص شعرها اللي طالع
ويديها البيض ومكياجها وعطرها الراجل والع فيها
استغفر ربه وحاول يطردها من مخيلته بس مقدرش
طق الباب اخرى
وطلعت ورده وكان الوشاح طايح اخرى ومكياج زايد
والعطر اقوى مروان تفضلي مرت عمي طبس راسه
ورده . كان خاطري نقولك خش بس منقدرش عمك مش عارفه وين مختفي له فترة
مروان . لو حصلت عليه معلومه هنقولك
ورده . ياريت نا بروحي خايفه كل يوم نرجى فيه
مروان . متخافيش انا قاعد هنا
ورده . وووه عليا بتقعد ف صقع خش لمربوعه اقل شي
مروان . مرات عمي يضايق نقعد ف سيارة
ورده . كيف عاد خش خش
خش مروان سلح كندرته ..
ورده . خشت جوا حطت صفره فيها كبايه وشوي من العشاء وحطتله ف مربوعه وهي خشت ف صاله
مروان . كل ماله يستغفر ويلعن ف شيطان ويحاول يضبط نفسه ..
...
والدك توفاه الله ...
ايمن قعمز وتذكر اخر مره قلبي وربي غضبانين عليك دمعته نزلت على خده وقال بوي ...
ابو هجام . انت رجل لا تبكي ..
ايمن . بنمشي نشوفه ندفنه نبيه يسامحني
ابو هجام . وصلتنا معلومات انه توفى الاسبوع الماضي
ايمن . كيف هكي محد قالي كيف باتي وبدا يبكي
ابو هجام . انت تبكي مثل نساء
ايمن . عض ع يده بقوة
ابو هجام . هل تريد والدك ف الحنه
ايمن . شافله
ابو هجام . تفعل ما نأمرك به ستفوز انت وعائلتك بالجنه ونعيمها
ايمن . هز راسه
من جهة اخرى
ابو حاتم
انتشر الفساد في ليبيا اصبحنا ف زمن لا تعرف الذكر من الانثى والنصف الاخرى الفتيات ونساء يخرجن من بيوتهن كاشفات عن وجوههن اصبحنا ف زمن
العار والخزي يجب ان نقضي عليهم جميعا حتى يصبحو عبرة للاجيال القادمين ..
انني رأيت ع الفيسبوك مجموعات فيها بنات وشباب
وبدو يستغفرو بصوت عالي ..
انهم يريدون يقضو ع الاسلام ويتجهو الى فكر غربي
على نهج الحضاره وتطور ولكن سوف نقضي على جميع
الله واكبر الله واكبر ..
.....
منى . حطتله مكرونه
خالد . بدا ياكل وشافلها شن تفكري
منى . ف هلي لو تشوفهم كيف عايشين ف الملحق
خالد . تبي ناخذلهم حوش يقعدو فيه
منى . مش هيرضو هلي وعرفتهم
خالد . نقوللهم بعد تحصلو سلكوني ع مهلكم مش مستعجل
منى . ابتسمت خالد تحكي جد
خالد . جد الجد ياقلبي هذول خوال ولدي او بنتي مش هنخليهم ف ملحق
منى . نجك لي وقربت حضناته وعضت خده
خالد . ريتك انتي اللي تنابشي
منى . ضحكت
وخذاها لعالمهم الخاص
...
ورده . خذت صفره صحه
مروان . هنرن عليه عمي
ورده . مش هيرد متعبش روحك
مروان . غريبه
ورده . نديرلك شاهي
مروان . باه
خشت ورده وتتله طاسه وطلعت علبه دواء حطاته ف طاسه شاهي وخلطاته زين وطلعت حطاته قدامه
مروان . صحيتي تعبناك
ورده . مافيهش تعب كيف امك نا
مروان . لا انتي اصغر
ورده . ضحكت
مروان . كم عمرك صح
ورده بكذب . 29
مروان . العمر كله تعرفي انك اكبر من بنته الكبيرة ب 5 سنين عليش خذيتي عمي
ورده . تنهدت الله غالب يعني ماعنديش حد بوي متوفي وخوي لمدة شهور يخدم ف سرت ونا وحدانيه مع امي وكبرت مالقيتش الا جمعه
مروان . مزال شباب ماشاء الله
ورده . ابتسمت وانت
مروان . 26
ورده . صغيور وضحكت مزلت كتكوت
مروان ابتسم وشرب من شاهي
ورده . وين خليك مزال بدري
مروان . لازم نمشي
ورده . اقعد نا خايفه يجي شي سراق ولا حاجه عارفني بروحي
مروان . قعد ساكت
ورده خشت طلعت فراش ومخده وبطانيه فرشتله وحولت جاكته وهو غط ف نوم قربت عليه ومشت
يدها على شعره وابتسمت حطت يدها ع فمها
...
ثاني يوم
شهد . بحت فيا هنا يعني مش انت
اسلام . هز راسه بالنفي
شهد . اسلام يدك مزال فيه العلامه وبوي شفته
اسلام . جاكم سامحتوه
شهد . لا طبعا جا طلب سماح من امي وشفت منظره عرفت انك انت
اسلام . خلاص نا تريحتي
شهد . انت كيف تضرب بوي فهمني بس كيف
اسلام. ماهو ضربك ليش دافعي عنه وخايفه عليه
شهد . مهما كان هذ بوي يااسلام هو يضربني بس انت متضربش نا شكيتلك همي ماقتلكش اضربه
اسلام . رفع حواجبه شهد انتي ملاحظه نفسك
شهد . كني
اسلام . باقيه نكديه وتبي مشكله وخلاص
شهد .انا نكديه حرام عليك يااسلام وين درت مشكله
اسلام . وهذ شنو جايه تحاسبيني وبوك ضاربك بدال ماتحاسبيه هو
شهد . مش مصدقه اللي نسمع فيه انت ترضى نمد يدي على امك
اسلام.انتي كيف تقارني بوك ب امي نا ضربته عشانك
شهد . اخر مره نشكيلك من هلي يااسلام
اسلام . استغفر الله العظيم يابنت الناس بلا نكد
شهد . طبست راسها
اسلام . باهي تعالي
مشو قدام البحر كان كرسي كبير كتب حرفه وحرفها
وهي دارت نفس شي عند شجره اللي ورا الكرسي
اسلام . هذين الاماكن الخاصه بينا احنا كل مانجو نشوفو اسمائنا هنا ...
شهد . ابتسمت
اسلام . طلع ورده من جيبه هذي لك
شهد . شكرا
اسلام . عفوا
شهد . هي طولنا روح بيا ..
اسلام . تمام
...
منى.زي ماقتلك ياامي تفتكي من منيره والخدمه هنا
صالحه . ابتسمت يابنتي مانبيش نثقلو على راجلك
منى . على قلبه كيف العسل بعدين هو بروحه قال بعد تحصلو تسلكوه ع مهلكم ..
صالحه . نشوف خوك ونرد عليك
خشت شهد سلحت شنطتها اه منى عندنا
منى . انتي روحتي من حوش خالي
شهد . اووه لي وين روحت حولت وشاحها وبالطوها
منى . تعالي احضرينا ياستي
شهد . شن في
منى . خالد جابلكم حوش وقال ع مهلكم تسلكو حقه وامك مزالت بتشاور خوك اللي مش موجود اساسا
شهد ، ياامي بلا هبال تشاوري من محمد اللي من لما جابنا هنا وهو ف حوش متريح وجوه سمح ونحنا ف ملحق مسئلش علينا مقالش هلي ف ملحق كيف نا قاعد ندبرلهم مكان احسن وبعدها لاهي ف اسماء وامها محمد ولدك هذ اكبر اناني و
صالحه . خلاص تحشمي ع وجهك هذ خوك
شهد . ب إزدراء مالا خو الصراحه
منى . على كيفكم اللي عليا درتها نا
صالحه . نتصل بمحمد اصبرن
...
نزيهه . عارفه ياماجده الكلام هذ مش وقته بس رايده اسماء بنتك ل إبراهيم ولدي شن رايك ف ه القول
ماجده رغم حزنها تذكرت إبراهيم وفلوسه فرصه لا تعوض ع طبق من ذهب وقالت بدون تفكير موافقه ...