تسمع ف صوت زغاريت وتبكي
وهو يعض ف يده بكل قوة عيونه حمر من لبكاء
واقسم لك بالله مستعد نطلقها وناخذك نهربو بعيد
ردت عليه تأخرت واااجد سمعت صوت اختها تعيطلها
قال بصوت خانقته العبره بالله عليك ماتصكري
صكرت تليفون ودفنت راسها ف المخده وهي تبكي
شهد . بتول كنك حبيبتي ..
بتول . آااااااه
شهد تواسي فيها نصيب حبيبتي نصيب الله غالب
...
طارق واصحابه
بسم الله الفرح بدينا تمم يامولاي علينا دوري ياخيمة الافراح دوري ماتخلي مطراح يوم فراقه
كليت قلايه كانت لذيذه للغايه جعنك ياخوان
الحب شارق في جغمه سنتوب
كان حسبتونا تمينا راهو جزء تاني بدينا نبخر ف الفاسوخ بروحي نطير ف العين على روحي
واللي يقول كلام ورايا ان شاء الله نزوره في العنايه
العب ياوليد الشلالالا صغيرة ماهي هجاله وياعيني
ع المالالو هدا وين الجو احلو طق طق طربق وطرشق يالوشق شايشه شايشه نوضي كانك عايشه هيجو زيدوها هياجه هيجو راكم ف حواجه الشنطة مافيهاش اكتب الشنطة فيها رسايل حب وياللي مايصفقش معانا ان شاء الله يرقد في جبانه واشكرارارا واشكراري الليله نقيموها وصلو ع نبي
كان طارق بين يدين صحابه ينطرو فيه ف جو ويرقص ولا كأنه زواج عن ثار كان فرحان تقول فرحه حق واللي يشوفه يقول واخذ حب عمره
...
عدلولها مكياجها وتسريحتها ولبسنها الفيلو ..
كانت تحلم ب ه اليوم لكن فرحها ف حوش
مش ف صاله ولا بالجو اللي كانت تحلم بيه
صالحه عينك من روحك حبيبتي وحضنتها
بتول مبتش تحط يديها ع ضهر امها لانه شايفتهم كلهم سبب في اللي قاعد يصيرلها محمد عيونه
مدمعات بس مفنص عشان مينزلوش بتول كان
ماتبيش اهو نا قاعد والله مانك طلعتها ..
شهد . زغرتت ومنى حتى هي بس كانت فرحه ظاهريه انما من داخل عرفات انهن معش يشوفنها لأجل غير مسمى ..
طلعت بتول ب مساعده فارس شافت جمعه قريب من باب
سامحيني بنتي ..
بتول طلعني يافارس ..
مجرد ماطلعت
فارس شاف طارق هذي مش اختي هذي بنتي مربيها ع يدي عينك منها
طارق . شافله ببرود ومسكها من يدها وهي ترجف بكل مافيها
اصحاب طارق يفرغو ف جو ويصرخو ..
كان اسلام جنب فارس متخافش طارق راجل نعرفه
فارس . دموعه في عيونه
بتول . ركبت لمحت الحسن واقف يشوف لفرحه
طارق وعياط اصحابه وطارق يشير فرحانه الحسن نظرلها نظره كسرت قلبها حب لا هو يوم ولا هو
هو سنة حب سنين حب طفوله هي عرفت الحب ع يديه حاسه روحها بتنهار ..
طارق شافلها مسك يدها وباسها نورتي ..
وهي ترجف فكت يدها من يده وتحركت سيارة
على عيون الحسن اللي ندم كيف كانت ملكه صارت ملك لغيره ومايحقلش حتى انه يفكر فيها وفارس ومحمد اللي وجعتهم اختهم وجمعه وجعاته كيف حتى توديع ما ودعاتاش وصالحه تبكي من جدها
وجنبها ماجده وبناتها يهدن فيها ..
الاء . قعدت تبكي ومش فاهمه شي
شهد خذت لصغار هي واسماء وخشن لدار
اسماء . توجع لين خلاص
شهد . الله غالب هك الحياة فيها الحلو وفيها المر
منى . مارينا منها الا كل المر استغفر الله العظيم
اسماء . يعني خالد مر يامنى
منى . خالد فرحتي اللي ماكملتش
اسماء . وانتي ياشهد
شهد . الحمدلله ع كل شي اللي تجي من ربي يامحلاها
اسماء. كل حاجه صارتلنا فيها درس وعبره
منى . معاك حق دنيا علمتنا وفهمتنا
شهد . ان مرات حاجه تحسبها خير لك وتبقى متمنيها وين ربي يبعدها عنك تقول عليش تكتشف انها خير لك مثلا انتي يامنى لو خالد كان عايش كنتي مزلتي متكبره ومتجبره ومايهمك حد غير نفسك
منى . ابتسمت كنت تافهه
اسماء . بضحكه ومزلتي
...
وصلو للفندق خشت لجناح كان جناح ملكي
قعمزت ع سرير وهي ساكته
طارق . خيرك ساكته
بتول . بلعت ريقها مبتش ترد عليه
طارق . بكوشه في جامعه هداك اليوم لسانك اطول منك
بتول . خليني ف حالي
طارق . شني نخليك نسيتي انه اليوم عرسنا
بتول . دمعو عيونها حولت برنوس وطرحه انا تزوجتك اجباري لعند ماتلقو خوي حاجه اخرى
ماتحلمش بيها ..
طارق . ابتسم وشافلها بخبث
بتول . توخر وهي تشوفله بخوف كنك
طارق . احليلي من شراقه كرر كلمتها كنك كنيش
بتول . خاف الله مافيش حاجه بالغصب
طارق . حلالي ويحقلي
توخر لعند لصقت ع ساس وهو قرب منها مبتسم
...
الحسن كله منكم منكم انتو خربتولي حياتي
رقيه . تبكي خلاص ياولدي انت متزوج وعندك عيله
الحسن . مانبيها مانبيها نبي بتول حرمتيني منها يام حرمتيني منها شاف ل ارويدا بغضب انسوني خلاص
معش عندكم ولد ..
رقيه . لا ولدي لالا
الحسن دف يدها شاف وسن تبكي
الحسن . انتي طالق وخش لداره
يضم في دبشه وين جا بيطلع عمري في حياتي ما حنسامحكم وخبط باب وراه
ارويدا . حي علينا
رقيه . الله لا تربحك يابتول يابنت صالحه وجمعه
ارويدا . انا لازم نمشي طلعت ركبت سيارتها
وين وصلت لحوش كان حوش فاضي ركبت
دارها فتحت باب كان وليد منسجم لأنه عارف مرته بايته عند هلها ومافي حد ف الحوش هند عند امها كامله ع اساس هك فتحت دار شافاته ف سريرها مع عشيقته عزقت شنطتها عيطت مش مصدقه
اللي تشوفه فيه
وليد ناض يلبس ف ماليته اصبري خليني نشرحلك
ارويدا وخرت ورفعت يديها ماتقربش مني
وليد لالا ارويدا انا انحبك اسف اسف غلطان نا
ارويدا . شافتله ببرود هنفضحك وناخذ حقوقي كامله حتى ولدك او بنتك مش هتشوفهم
وليد . اصبري بس
ارويدا . ابعد عني ماتقربنيش والله نفضحك يامعفن يامقزززز حقير
وليد ارويدا
ارويدا طلع في دبشها انا نربيك كان هلك معرفوش يربوك معفن وسخ
وليد تطلع منك كلمه تندمي يرد ف دبشها مافيش مشي
ارويدا دفاته راني ساكته ومتحمله خطاني خيرلك
نسونجي معفن خطاني خلاص معش نبيك
وليد طبس عند كرعيها لالا وراسك لا لا
ارويدا تصكر ف شنطه دبشها انا معش نبيك نتزوج راجل يعرف قيمتي وقدري كيف جت بتمشي هنفضحك في كل مكان صايع نجس صورتك اهي كل حاجه بالاثبات هنطلق وناخذ اللي وراك وقدامك
خذا كرسي اللي قدام زيانه وخبطها ع راسها اسكتي
اسكتي وكم خبطه على راسها وجهها وليد نزل ع
الارض ارويدا ارويدا خبط ع خدودها ارويدا ردي
عليا مش قصدي نا حط راسها ف حضنه سامحيني
مش قصدي صبي ارويدا صبي بس لالا ارويدااااااا
...
اسلام . بتباتي
شهد . اها نقعد كم يوم الحوش حايس من الفرح
اسلام . مرايف عليك بكل
شهد . حتى نا مرايفه ياقلبي
اسلام . باسها
شهد . حي يشوفنا حد
اسلام . عادي عادي
شهد . هاك عبد رحمن من بدري يبكي
اسلام . جيبيه حبيب باته
طلع بيه ومشا لمربوعه
اسماء . وين ياحنه
شهد . ابتسمت مبردك
..
كان زياد يمشي وحط طربوش على راسه وهو يمشي
لمح سيارات شرطه قعد يجري وسيارات في جرته
وهو يجري وهما وراه نط من سور وخش ف زناقي
لعند خش ف شارع مسدود وسيارة شرطه وراه
رفع يديه فوق
واخيرا يازياد دهشتنا ركبو ف سيارة
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
