ضحايا بلادي

ضحايا بلادي "مجزرة العشاق"

‏‎#ضحايا_بلادي "مجزرة العشاق"
#الحلقة_الخامسة
روحو لحوش خشت شهد تغير ف دبشها
قعمزت ع سرير شافت لسرير اختها بدت تبكي
اسماء قعمزت ع الارض مقابل شهد تواسي فيها
اسماء . تزوجت مفروض تفرحيلها عليش تبكي
شهد . كنا قبل مانرقدو نسهرو ونكسدو مع بعضنا وتحكيلي شن صار معاها ونا نحكيلها المكان شين بلاها
اسماء . انتي قصدك مطوله ف القعده سنة سنتين وتزوجي تسهري مع راجلك
بدت شهد تضحك واسماء تضحك معاها ع خشة بتول عيونها مغمضات وهيا تمشي تثاوبت نعسانه
شهد . مش منك من رقيص ماقعمزتي بكل
اسماء . بتول غيري قفطانك البسي توته
بتول . باهي باه ورقدت بالفيلو بكل
شهد رفعت حواجبها كساد صح
اسماء . بكل زعمك شن ادير منى توا
شهد . اكيد راقده
اسماء . ياك الا راقده
شهد ضحكت خلاص عاد تحشمي خذيتي راحتك واجد
اسماء . عندي فضول نعرف شعورها
شهد . ع الحال هذ منخليش خوي ياخذك
اسماء قلبت عيونها ع اساس ميته عليه خوك
شهد . بس هو ميت فيك
اسماء . فنصت كذابه
شهد ضحكت . والله
اسماء . كيف عرفتي
شهد . مش مانكش ميته عليه عليش تبي تعرفي
اسماء . فضول بنعرف بس
شهد . تصبحي ع خير

طلعت منى لابسه روب ابيض وخالد مسهم فيها
شعرها طويل ومطلوق بدا يقرب عليها ويتلمس فيها ومنى تضحك عاجبها الجو
خالد . ينعلي منك وخلاص
منى . احم نتعشو
خالد . نبي نتعشا توا نا حط يده ع خدودها وباسها وهيا ذابت معاه ومشو ف عالم غير ه العالم

حنان . قلناله ندزولك عشاء قال لا موصي ع مطعم
هند . اممممم من توا مطاعم
ريما . هذا وقت المطاعم اصلا
هند . كذا بلا مدافعه انتي الاخرى
حنان .اختكن الاخرى وين حتى ف الفرح تقول ضيفه
هند . هذ دلوعه بوها تقرا مش شايله الهم كيفنا
حنان . نحنا حرمونا من قرايه وزوجونا بدري وهي كل حاجه ديرها
ف دار اللي حذاهم  ...
تقوى . دير ف شعرها
ابتسام . كنك مزلتي ماغيريتيش
تقوى . مرات يشوفني مؤيد
ابتسام. حي علمك يفطلك جدي ولا واحد من خوالي
تقوى . اسكتي بس عادي ولد خالتي
ابتسام . ولد خالتك تطلعي عليه بقفطان وشعرك هك
تقوى . مزلت صغيره
ابتسام . واضح الصغر من عند تفكيرك
تقوى مواليد 2000 بنت هند را نحكو ف فترة 2013
وابتسام بنت ريما مواليد 1998
ومؤيد ولد حنان مواليد 1996
عيط مؤيد وقال ياناس اللي جوا
تقوى سمعت صوته فاتتها وطلعت بقفطانها الوردي لمبوج نعم تبي حاجه
مؤيد طبس راسه معلش كلميلي امي
تقوى تلعب ف شعرها وتبتسم
مؤيد بسرعه
تقوى حاضر وبدت ترخي ف صوتها اخويله
مؤيد استغفر الله ياربي

ثاني يوم
مع ضي شمس فتحت عيونها اللي لونهم من لون القهوة ابتسمت وهيا شافت خالد جاي بصفرة فطور
منى وهيا تتكاسل بيديها . صباح الخير ليش متعب روحك
خالد ابتسم . اليوم بس صباح الورد والياسمين
منى  . ناخذ ع دلع نتعود بعدها نا
خالد . هيا افطري
صفره فيها اجبان وعصير وزيتون وتن وشوكولاطات ونسكافي وكبايه فيها ورد ..
منى . مخلط دنيا ع بعضها
خالد . معرفتش ع شن تحبي افطري
منى . اي حاجه عادي
خالد . نتغدو هنا وفي الليل العشاء عند هلي
منى . تمام 
خالد . عشاء عائلي بسيط لا كوافيرة لا شي
منى . فاهمه فاهمه