ضحايا بلادي
بقلم يحيى ادريس
البارت الثامن والستون "68"
حط يديه ع راسه وهو منصدم ومشا يجري ركب
سيارته وهو يجري درسها في مكان فاضي ونزل
خش في شوارع شعبية مكان مهجور زي الخرابه
كل مافيه يرجف قعمز ف زاوية المكان وبدا يبكي
شن درت في روحي نا شن درت نا اه اه ع رغم جو
صقع حس روحه مخنوق مكبوت هاه ها اصوات الكلاب حشاكم خوفنه قعد يتذكر في هله ياريتني
معاهم ياريتني ماسيبتهم ..
"وايش ينفع ندم بعد فوات الاوآن"
طارق مقعمز يلعب بلاستيشن خيره طول هدا ..
وماقالها الا وتليفونه يرن ها يابوت تي وينك ...
من معاي شني تقول انت ناض من مكانه وعيونه
مفنصين فمه يرجف تمام اني جاي خذا جاكته
وطلع يجري شاف السواق وقاله وصلني ع مستشفى
ريماس واقفه عند قزاز بلكوني تشرب ف شاهي خيره طارق طلع توا بعدين علاش مش ف سيارته
جبران . وانتي شني دخلك بيه ارقدي
ريماس . ياربي ليكون قصي واخد سيارته
جبران . قصي غدوة عنده مدرسة ..
ريماس .. قلقت عليه نمشي نشبحه طلعت من دار
متجهه لدار قصي فتحتها ضي والع سرير فاضي حطت يدها ع قلبها ياربي وينه هدا ..
...
ناضت شهد من نومها حطت يدها ع ذات المكان وتنهدت بضيق
اسلام فتح عيونه لوز كنك فيك حاجه ..
شهد . منشغله ع هلي ..
اسلام . شاف لساعة 3 الفجر ..
شهد . مش قادره يااسلام خذت تليفونها وطلعت من حذاه اتصلت ع امها ماتردش ع بوها لا رد
خوتها مافيش حد رد بتول نفس شي
شهد . حي عليا يااسلام هلي هلي
اسلام . حبي اهدي انتي حامل واخرى مكالمه محمد رقدتي وانتي تفكري فيه
شهد . محد فيهم رد
اسلام . راقدين طبيعي مايردوش وراهم شغل صبح
شهد . نجرب اخرى اتصلت ع منى
منى . اوفف خذت تليفون بدون ماتشوف ايوا
شهد . وعيتك
منى . اصلا هك هك كنت بنوعى نراجع امتحاني في حاجه غريبه متصله توا ..
شهد . شخباركم انتو ..
منى . كويسين الحمدلله ..
شهد . شخبار امي وبوي وخوتي وبتول
منى . الحمدلله كويسين
شهد . الاء وعموري
منى .ضحكت كنك يابنت تودعي انتي ولا شن قصتك
شهد . وعيت منشغله عليكم
منى . ماتنشغلي ع غالي كلنا كويسين
شهد . زياد ترنو عليه
منى . فكيني من سيرته نذل خزي
شهد . تباعدت عن اسلام وطلعت لمربوعه لا يامنى خونا مهما كان متقوليش عنه هكي هذا زيزو لصغير
منى . تعرفي لو عموري يدير معاي ما يدير زياد مع امي معش نبحت ف وجهه ..
شهد . مغير كلام الحن ف دنيا ونحنا لكبار نوعوه زياد مزال طايش
منى . ان شاء الله
شهد . هنرن نشوفه
منى . باهي مع سلامه
شهد . اوكي صكرت منها وضربت ع رقم زياد
اللي كان يرن ع كرسي سيارة عمه ومايردش
مره اثنين ثلاثه غمضت عيونها يارب يكون بخير
استودعتك عائلتي يارب احميهم يارب
اسلام . ونا مش من عائلتك
ابتسمت . شهد وقالتله انت دنيتي
ضحك اسلام وقال هي نرقدو ..
ناضت شهد ومشت حذاه ..
...
ريماس حي مايردش ياجبران حي ولدي حي
جبران . وطي حسك خيرك هبلتي ..
ريماس . ولدي ولدي جيبهولي ولدي كله منك الولد هج ..
طلعو لميس والمهدي ع صوت عياط ريماس ..
خيركم صوتكم لأخر الشارع ..
ريماس . ولدي ولدي قصي ..
لميس . خيره قصي
ريماس . مش قاعد ياعمتي
لميس . اكيد مع اصحابه جديد عليك ولدك
ريماس . لالا 3 الفجر لا لا بروحك تعرفي وضع طرابلس حاليا ياعمتي
لميس . متخافيش هيجي تلقاه قاعد اهني ولا اهني
ريماس . ياربي ياربي ..
المهدي اتصل ع طارق ..
طارق . نعم يابوي ..
المهدي . وينك انت
طارق . من حداك
المهدي . تكلم وينك
طارق . قصي مداير حادت متخافش
المهدي . شني تقول انت
طارق . بوي متخوفهمش قصي هيولي بخير
المهدي . شافلهم بريبه ونزل تليفون من ع وذنه
لميس . اكيد مايعرفش طارق ك العاده
ريماس . لاحظت نظرات عمها طول مشتله مسكت ماليته تربح ياعمي ولدي ياعمي لقيتوه ريح قلبي ..
المهدي . قصي مداير حادث
جبران . وخر وطلع بسرعه من الحوش حفيان
ريماس . عيطت حي عليا خودوني لولدي
لميس . اهدي حبيبتي هناخذوك
طول طريق مسموع غير صوت بكاها لعند وصلو
المستشفى خشو قسم العمليات قعدو يرجو برا
طارق . علاش بس النساوين يابوي
المهدي . اسكت انت كيف حاله ولد خوك
طارق. مانندريش محد طلع
جبران . مقعمز ع الارض
طارق . حط يده ع كتف خوه نوض ناس تشبحلك
وارضيه مجمده نوض ياخوي
جبران . دف يد خوه
ريماس . خيرهم طولو
لميس . متخافيش قصي صغير هيطلع منها
ريماس غمضت عيونها بألم . يارب
طلع دكاترة وكانو ساكتين
ناضت ريماس وهي تجري داهشه وصلت فيهم
ولدي شصارله مليح صح ..
الدكتور اللي في جهدنا درناه بس مش معنى هك تجاوز مرحله الخطر ولدكم عنده نزيف ف المخ
ريماس . يعني حيعيش
الدكتور . نقولو ان شاء الله
طارق . نزيف ف المخ كان فاهم معنى كلامهم بس يصبر في نفسه هي طمنتو عليه روحو لحوش .
ريماس . هزت راسها بنفي لالا اني هنبقى اهني
طارق مسح يده ع فمه وشاف لأمه وبوه روحو انتو
لميس . لا هنبقو اهني احنى ..
طارق . قعادكم ماليش فايده
لميس . قعمزت جنب ريماس وماردتش عليه
...
صبح ثاني يوم ..
شهد واسلام في سيارة مع بعضهم ..
درسو قدام حوش هله وهي شافتله مبتسمه
شنو ماتبيش تنزل انت ..
اسلام . عندي شغل ياحبي مضغوط نروح ع الغداء
شهد . باه خذت طبق الحلو وقالت نقوللهم نا
اسلام . ها مالا بنقول نا انزلي انزلي
ضحكت شهد ونزلت كان باب الخارجي مردود
خشت وقالت سلام عليكم ..
طلعت نعيمه من كوجينه تمسح ف يديها وعليكم
سلام قربت شهد وسلمت عليها بالخد كيف حالك
نعيمه . الحمدلله كيف حالك انتي وين اسلام
شهد . كالعاده ف شغل لكن جاي ع الغداء
نعيمه . ليش متعبين روحكم
شهد . مش من قيمتكم ومدتلها طبق حلويات
خذاته نعيمه ولحقتها شهد لكوجينه ..
شهد . نساعدك في حاجه ..
نعيمه . لا تريحي فطرتي ولا مزال
شهد . الحق مزال ميته من جوعي
نعيمه . حتى نا مافطرتش اروى مشت جامعه قعدت نا ماجتني نيه ..
شهد حولت الوشاح والبالطو ورفعت كمام ماليتها صوف العسليه انا ندير الفطور
نعيمه . باهي ع راحتك
شهد . وهي ادير شنو الغداء
نعيمه . تفكر ف رز امبوخ شن رايك
شهد . عادي سمح غالي عليا نا
نعيمه . قوليلنا سر حلويات شن قصتهن
شهد برمت وحطت يديها ع حواف الخامه ابتسمت بخجل وطبست راسها
نعيمه رفعت حواجبها وقالت بابتسامه حامل ..
هزت شهد راسها بضحكه نعيمه تصفق مبارك مبارك الحمدلله وناضت حضنتها وتبوس فيها
مبروك الف مبروك تفتحي عيونك ع خير
شهد . ان شاء الله
نعيمه . زغرتت
وشهد تضحك
نعيمه . ايوا يابنت ديما خليك هكي وفرحيني ب كومة عيال دمعو عيونها ان شاء الله يبقو ذرية صالحه وينفعوك وماتذوقي وجعهم وهمهم
شهد . ربي يطمنكم عليه عميمه
نعيمه . امين يارب
شهد . قربت حضنتها انا بنيتك صح
نعيمه . نجكليا واعز والله
شهد . حتى انتي اعز واللهي
وضحكن هي ونعيمه
وشهد حلفت حتى الغداء ديره هي ..
ونعيمه فرحانه بيها ..
....
الجو برا مطر وبقوة
خش طارق وكانو دكاترة والممرضين يجرو
وريماس ناضت معاها لميس
طلع الدكتور مجرد ما شاف ريماس طبس راسه
ريماس . ولدي قصي شني صارله هاه
الدكتور . عظم الله اجركم
ريماس . دموعها ف محجر عيونها هزت راسها بنفي وطاحت ع الارض تعيط بعلو حسها وحضنتها لميس
تبكي معاها ..
ريماس وليدي وليدييييييييي هاااعع وليدي وتخبط كرعيها ع الارض وراسها ف ساس ولميس تحاول تمسكها
طارق لالا لا لا لا طلع برا حس بالخنقة
وجبران يتذكر في كل حاجه اول ماانخلق ولده ع دنيا اول كلمه قالها وبعدين اما كبر الفجوه بينهم
كل يوم تكبر عن اللي قبله
انت فاشل فاشل اني نكرهك انت مش ولدي مستحيل ولدي يكون بالغباء هدا ..
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
