ضحايا بلادي

الثالث والثلاثون

ضحايا بلادي
البارت الثالث والثلاثون القسم 1
امه تعيطله خلاص خلاص خلاص سيبها
وهو ماسمع غير صوت معشوقته ارنوبي نبي بنات عرم بنات منك ونعيشو ف مكان بعيد عن كل ه العالم غمض عيونه بشده وسيب اخته تفرفش ركلها ب كراعه وهي تعيط من شده الم
اسلام قعد ف زاويه سرير دمرتينا كلبه دمرتينا خربتي عيشتنا وشوهتي سمعتنا وامه تبكي معاه
اسلام . معش بنشوف خلقتها بنتك هذ
وشير بصبعه تنسي ان كان عندك اخ امحيني ...
واروى تبكي ونعيمه تبكي من وجعها ع كسره عيالها
...
خالد . اطلعي قدامي ..
منى . خشت لدار خبطت باب مسحت مكياجها ولبست عبايه وشاح وخذت شنطه غرقتها دبش وطلعت
خالد . طلع بدون ولا كلمه ونزلت هي وراه
ركبت وقعدت تغلي طول طريق وكل ماتبي تقول كلمه يعلي المسجل قريب تبكي لعند شافت حوش هلها
منى . نبقى كلبه كان رديتلك وولدك احلم بيه مجرد مانزلت كانت بتنزل شنطه دبشها طلع يجري بسيارة
خزي ماهاني عليه يرجاني لين نخش حتى دبش ما معاي خذاه خزي خشت خبطت ع حوش هلها
فتحت شهد كانت تاكل ف مانجا منى وحضنتها ..
منى . شخباركم
شهد . تمام
منى . تحول ف وشاحها ضي طافي من امتى
شهد . ووووه من بعد فطور طول
منى . وين باتك
شهد . اكيد ف جامع معتكف الفترة هذ
منى . هزت راسها وقعمزن ف صاله امي وين
شهد . خشت لدارها رقدت تعاركت مع بتول
منى . وبتول وين
شهد . في الحاجر الوراني كنت معاها توا غير وعيت نا كسدت معاها شوي
منى . هي نطلعولها خير من كساد وظلام هنا
طلعن شافن بتول دايره درجيحه من حبل من حبال المنشر وحاطه مخده
منى . ضحكت ياعيني ع الافكار
بتول . شرايك الكساد ومايدير
منى . جتني فيها النيه حولي كذا
شهد . را طيحي
منى. صكري فمك قالتها بضحكه وقعدت تلعب
وبتول دف فيهن وشهد تضحك والقمر ضاوي عليهن ..
صوت ضحكهن طلعت عليه صالحه سمعت صوت
ضحكهن ابتسمت وخشت عليهن وين ع ضحك هذ
كله شن في هنا
منى ناضت تسلم ع امها وصالحه فرحت بيها
وقعدن يحكن لعند شعلت لامبه المعلوقه ف العريشه طول ...
بتول . عيطت هييي
شهد زغرتتتت وصالحه تضحك من جدها
منى . حمدلله ع سلامته باهي اللي جا
صالحه . نمشي مسخن السحور
شهد . توا نمشي نا
بتول . نخش نحضر اعادة مسلسل خشت ورا شهد
شهد . بشويش
صالحه . شافت لمنى كنك
منى . ماكني شي
صالحه . جيتك غريبه مش عوايدك
منى . رايفت عليكم شنو متبينيش نجي
صالحه . ضيقت عيونها صاير شي بينك وبين راجلك
منى . ابتسمت شن يبي يصير يعني لا غير مليت قلت نجي نغير جو عندكم
صالحه . رفعت حواجبها وباه
منى . نمشي نشوف شهد وخشت هربا من امها واسئلتها
صالحه . شافتها وقالت ان شاء الله ميبقاش اللي ف عقلي صح
شهد . ولعت ع الكوشه وشافت لمنى
منى  . نساعدك
شهد . لا ماعندك ف شن تساعديني صاير شي بينك وبين خالد
منى . شن يعني يبي يصير جايه نغير جو عندكم
شهد . رفعت حاجبها انا مش امك تكذبي علي
منى . قتلك مافي شي هي جيعانه سقدي
ثاني يوم ..
ساعة 1 ظهرا ...
صالحه صكرت قرآن وكانت ماشيه كوجينه سمعت باب يدق مشت وقالت من جاها صوت انا ياعمتي
فتحت الباب خير ياوليدي كيف حالك تفضل
خالد . يزيد فضلك وخش ومعاه خيرات الله ..
صالحه . خش مافي حد كلهم مرقدين
خالد . حط الحاجات ف كوجينه
صالحه . عليش متعب روحك ولدي مافيش داعي
خالد . ابتسم لا كيف عاد فطورنا عندكم اليوم ما قالتلكش منى هذي كبيرتكم
صالحه . اكيده نسيت
خالد . اكيد هي نا ماشي ماتبي
صالحه . سلامتك وصكرت وراه الباب وردت لكوجينه وهي تقول الحمدلله طلعت مش حرجانه
وع 2 وعن البنات وبدن يساعدن ف امهم ...
منى مش جايبه ع دنيًا علم وصالحه حاسيه بين طناجر لعند المغرب منى تخلط ف العصير وشهد
تشوف لبطاطا وبتول دير ف كنافه سمعن صوت
محمد يقول خش ياخالد ..
منى . خافت ومقدرتش تكلم تقول حاجه
شهد . ونا نقول عليش امي دايره هذ كله اليوم فاطرين عندنا انتو
منى . ساكته وخلاص لعند هزت راسها بمعنى اها
حطن صفرتين صفره لصبايا وصفره لرجاله ..
طلع محمد بصفره لمربوعه وقعدن ف صاله يفطرن
وبعدين سمعن صوت خالد وهو متجه لحمام مربوعه سلمك سوايه ياعمتي ..
صالحه بصوت مسموع سلمك كبر مقدارك سلمك جياب كل سنة وانتو طيبين ..
شهد . اها قصدك هو جايب حاجات هذين
صالحه . ماشاء الله ماقصر دواره بالكبد ونص حولي وخضره ومشاريب وفواكه ماسيب ماجاب عينك منه راجلك هذ
منى . ان شاء الله
وبعدين مشن لكوجينه يغسلن ف عوايز بعد كملن
بتول تسيق وشهد تمسح ف عوايز ومنى تمسح ف غاز
محمد . منى يبيك الراجل
شهد . بضحكه ماشاء الله ع محمد تقول لاختك يبيك راجل لمع لقرون لمع
محمد . صكري فمك بلا ثقاله
منى . طلعت ع خالد قالت سلام عليكم
كيف جا بيرد عليها اول ماشافها طربق ضحك
منى قعمزت ف نهاية صالون مبتش تبحت فيه
وهو يضحك عشان لابسه ملايه صلاه ...
خالد . انت ياسمح عبرنا يامدمرنا
منى . خطاني ياخالد خطااني وين الورقه بتاع طلاق
خالد . تبي طلاق يعني
منى . مدت شواربها ع اساس زعلانه
خالد . فكينا من جو قطاطيس ديري فيه
خالد . مرايف عليك ياسمح
منى . مش قتلي امشي لهلك وشلتني خلاص انساني
خالد . شلتك عشان اليوم فاطرين عندهم نبيك تغيري جو
منى . ماغيرتش جو نكدت علي انت
خالد . بدا يمسح ع ضهرها ماهو ياقلبي ضروري عقاب
منى . مش ف مدرسة نحنا
خالد . باهي ياواثقه بالله هي نمشو
منى . خالد خطاني بعدين انا حرجانه منك معش تلمسني
خالد. ياعبيطه مزلت راجلك را وحولي اللي ع شعرك
منى . خطاني
خالد . نموت فيك ايمانك واخلاقك
منى . تمسح ف ضحكتها
خالد . نعلي منك هي بسرعه يابت ف هديه نرجى فيك
منى . شنو
خالد . ما تنقال بس هديه سمحه بكل
منى . شقلبت عيونها
خالد .نجيها البمبله الخاربه
فنصت فيه وهو يضحك
منى . مش ماشيه معاك
خالد . ع كيفك مالا الهديه من نصيب غيرك سامحيني يابنت ناس لعند هنا وخلاص ورقتك
هتوصلك ان شاء الله مع كامل حقوقك وشنطة
دبشك اللي ف سيارة مخليتكش تنزليها عشان
عارف اني بنرد ناخدك اليوم لكن توا نزلها لك هي نستاذن وناض طلع من المربوعه كانت ترجى فيه يزيد يمسك فيها ويقوللها غصبا عنك تروحي بس الباين ماصدق انها سيباته خلاص ثقلها وغرورها اللي متصنعتهم انهارو وبدت تبكي حست انها بلا قيمه
ف وسط بكاها تسمع ف صوت ضحك التفتت شافته مزرق راسه من روشن مربوعه ويضحك خش عليها وين وين هاربه وارتميت ف حضنه قالت متسيبنيش وخالد ضحك وباس راسها ...
...
في حوش الحاج عبد الرحمن
كانن الجارات ملتمات عند عتيقه ..
منيره وهي تحط موالح ف تباسي خشت جاراتهم
انتصار . شن حالك يامنيره
منيره . الحمدلله كويسه 
انتصار . تعرفي يامنيره حرام قعدتك هك
منيره . الله غالب شن ندير نصيب
انتصار . عندي سلفي مطلق له شهرين ويدور ع عروس
منيره . لا فكيني بعدها يجيني وجع راس
انتصار . يالهبله اجوزي قريب تخشي ل50 راك الحقي جيبيلك عيل واربطيه فيك
منيره . ومرته القديمه كنها ماربطاته
انتصار . ديرله ف مشاكل وهي هبله وطايشه
منيره . كم عمره هو
انتصار . 55 سنة
منيره . هذ اكبر مني ب 11 سنة
انتصار . وشن فيها راجل بعدين انتي بروحك مش صغيره خلاص
منيره . نفكر
انتصار . على كيفك عاد
منيره . خلاص قوليله موافقه
انتصار . ايوا هك
....