ضحايا بلادي

#ضحايا_بلادي
الحلقة الاولى
احمد . ابتسم وحط تليفون ف جيبه
بلقاسم . شن ياعمي بتزوجها
احمد . خذا تفاحة نتش منها نتزوج من هذي تبي تهرب معاي من ورا هلها نقضي معاها يومين ونعزقها
بلقاسم . نحسابك تحبها
احمد . كانت عجبتني وكنت بنتزوجها لكن لما قالت نهرب معاك عرفت انها رخيصه نا نبي بنت ناس نطلع من الحوش ونا مطمن مش تهرب مع حد تجيبلي العار وهلي مستحيل يرضو بوحده هاربه
بلقاسم . امرك عجيب ياراجل
احمد . بلا فلسفه ومدلي مفتاح الاستراحه

منى . حطت تليفون ع سرير يارب كون معاي يارب
بعد العصر جو هل خالد وعجبتهم منى ع الاخير
وكانو جايبين كل خير حلويات وعصائر ..
طلعو ركبو سيارة خالد
خالد . هاه شن صار
كامله . طحت واقف ماشاء الله جمال واخلاق
هند . وصغيرة
خالد . ابتسم ان شاء الله لو وافقت الفرح نهاية شهر
كامله . ان شاء الله ع خير
خالد تحرك بالسيارة
طلعت منى بعد غيرت دبشها وقعمزت ف صاله
شافت بوها ياكل ف تورته وحلويات
جمعة . ريتي العز مزال لما ياخذك كل يوم تاكلي حلويات وفواكه
منى . تشوفله بملامح جامده مافيش فايده
جمعة يعايب ع كلامها مافيش فايده وج فقر
خشت لدارها لحقتها صالحه ..
صالحه . الله غالب يابنتي هذا نصيبك ارضي بيه
منى . مانبيش يمي نتزوج مانبيش
صالحه . حضنتها خلاص خلاص مايصير الا اللي تبيه
منى كانت عارفه ان امها مش ه ادير شي تقول ف كلام تسكت بيه بنتها وخلاص لذلك نوت تنفذ اللي
ف بالها
منى زادت حضنت امها سامحيني
صالحه . عليش
منى . مسحت دموعها شي هك عشان زعلتك عليا
صالحه . ربي يسعدك ويكتبلك كل خير
منى . ابتسمت
شهد . سمح شعور خطوبة
منى . كذا خاطيني
بتول . ماسكه كتابها وتقرا
منى . ارقدي انتي توا تقري ف صبح
بتول . صح ورقدت
شهد . كنك تبيها ترقد خليها تقرا
منى . حتى انت ارقدي بكرة مش عندك محاضرات من صبح
شهد . اممم صح تصبحو ع خير
منى . تلقي الخير

خشت عليهم رحاب السلام عليكم
خالد  . وعليكم السلام
اعمر اب خالد . وعليكم سلام وين هذا كله تقري ف دارك
رحاب. كله لعيونك ياغالي بنبقى دكتورة ونرفع راسك
اعمر ابتسم . واحسن دكتورة
رحاب . ضحكت باست راسه
رحاب هاديه ومسالمه تحب بوها وخوتها مش بتاع علاقات ودير ف كل شي بيش ترفع راس هلها .. وتكسب حبهم ..

وبين اللي بترفع راس هلها وتعززهم وبين اللي بتغرق روس هلها ف الوحل مافكرتش ف خوتها ف امها ف خواتها شن يصير بعد الفضيحة اللي تبي اديرها همها روحها تنقذ نفسها وتهرب مع حب حياتها
ضمنت ان خواتها رقدن ومشت تسحب فتحت دولاب طلعت دبشها وحطاته ف شنطة كبيرة
خذت خمار تلبسه لما تمشي الافراح لبست عبايتها

بينما احمد ..
كان لبس سوريته زرقه فتح البطم فوقيات
ويبخ ف عطره ومشط شعره ويغني ...
وصلاته رساله انا واتيه تعال ..
ابتسم عليك مستعجله اول مره نشوف وحده خفيفه هك اللهم استر على ولايانا وطلع متجه شورها
وقف قدام عمارتها ودارلها رنة
فتحت الباب شافت بوها طالع يقترب
نزلت الخمار وهربت تجري وسيبت الباب مفتوح
جمعة منى يابنت وطلع يجري وراها وهيا تجري تنزل بسرعه وتدعي انه مايمسكهش شافت ل احمد مدرس بعيد شوي عرفت سيارته تجري وبوها
نزل وراها حفيان يسب فيها تعالي ويسب ويلعن
ف اقبح شتائم وهيا تجري وصلت ف باب سياره فتحاته
احمد . شيخه شيخات ياعيني ع الجمال لما يمشي شمال
منى . اقفل سيارة اقفل
احمد قفل بيبان
وجمعة يخبط افتحو افتحو
احمد من هذا
منى اجري هذا بوي
احمد ولع سيارة وحرق العجل
ومتى تتلفت وجمعة يجري وراها لين طاح ع الارض يبكي بقهر وكسرة
منى تنهدت حمدلله ورفعت الخمار ابتسمت شن كنت تقول جمال وشمال وضرباته ع كتفه
احمد . نبصر معاك ياحبي
منى . معش تعودها را حساسه نا
احمد . حاضر شن تحبي تسمعي
منى . حماقي
احمد. حماقي حماقي ولع مسجل وصلو للاستراحه
احمد . هيا انزلي
منى . عليش جبتنا هنا
احمد . مالا وين تحسابي بنجيبك
منى . لحوشكم
احمد . وشن بنقوللهم جايب مع صاحبتي معلش اصلا هاربه من هلها
منى. تعاير فيا يااحمد
احمد . انزلي انزلي
نزلت منى وتشوف لمكان بريبه احمد انت بتتزوجني صح
احمد . اها هيا بس خشي
منى. خشت
احمد صكر باب وراه وفتح شيشة سكير
منى . طيح سعدك شنو هذا حرام
احمد . لا مؤمنه يابنت ع اساس قعدتنا مع بعضنا حلال
منى  . خلاص روح بيا
احمد . ضحك شنو نروح بيك ومحلق ومكلف نفسي ومعطر وقطعت مسافة 10 كيلو عشان تقوليلي روح بيا تي مش مروح قبل ماتاخذ اللي نبيه
منى . لا احمد مااتفقنش ع هك
احمد . نا مااتفقتش على شي انتي قلتي نهرب معاك
منى . اها بس بعدها في زواج مش هك يااحمد حرام عليك
احمد . اوووو متعصبينيش
منى . وراس اغلى ماعندك روح بيا ومعش تشوف وجهي
احمد . معش نشوف وجهك بعد ناخذ اللي نبيه
منى . لالا انت راجل يااحمد ورجاله ميديروش هك
احمد . نا عيل نااا عيللل وهجم عليها
منى . تخبط فيه وهو كتفها و
منى تعيط واحمد مستمتع

يتبع

مع تحياتي
يحيى إدريس ❤️❤️❤️❤️