ضحايا بلادي

الثاني والأربعون

ضحايا بلادي
"مجزرة العشاق"
بقلم يحيى إدريس  ..
البارت الثاني والأربعون ..

طول طريق ..
وخالد يغني ويشوف لمنى ..
هي ولدها ف حضنها وتسمعله بكل حب ..
اشتاقلك قد البحر وقد سحاب والمطر ..
منى . مجنوني وينك تعالى بحضني يامجنوني ..
الببغاء رد وراهم مجنوني ..
ومنى . ضحكت مع خالد كلها دقائق وصلو لحوش
اهل خالد نزلت منى بولدها وخالد وراهم بالببغاء
بعدين جاب شوكولاطه وعصير وخشو جميع ..
منى . كل عام وانت بخير عمو
اعمر. وانتي بخير بنتي وخذا منها اعمر مشت لكامله
منى . كل سنة وانتي طيبه اعميمه
كامله . وانتي طيبه شن حال هلك
منى . الحمدلله كويسين
خالد بدا يعايد عليهم وقعمزو مع طلعه رحاب
خالد . اووو دكتورة اخيرا شفناكي
قدمت وسلمت عليهم وعايدو بعضهم ورحاب بصفره العصير والحلوى خذت منها منى وقعمزت
جنبها ..
منى . وهي تشرب ف العصير شن سر تغيرات
رحاب . شي
منى . تقنعيني مافيش وراه واحد
رحاب . لا واحد لا اثنين هني عظامك
منى . ابتسمت هتجي وتحكيلي
رحاب . تضحك واكتفت بصمت
كامله . شن في قارنات الروس
منى . نحكيلها ع خوي فارس الطيار
كامله . رحاب عريسها قاعد ولد سميره
منى . تغير لون وجهها وشافت لرحاب
رحاب . مرت بوي توج من راسها نا مش حاطه ف بالي حد
منى . من داخلها خايفه العريس يطير من يدين شهد
...
مغطيه وجهها بالفوطه مع انه جو حمو صيف ..
بس معندهاش نيه هي هك من يوم ماقطع عنها
وهي ف الحاله هذي مش ارويدا القديمه ..
رن تليفونها خشت يدها تحت مخده فتحت عيونها
شافت اسمه وليد جنبه ايموجي قلب احمر قعمزت
من مرقدها بدت تواسي ف شعرها وردت الو ...
وليد . شخبارك
بلعت ريقها وقالت تمام ..
وليد . كل سنة وانتي طيبه وصكر الخط ف وجهها ..
ارويدا . شافت لتليفون بعدين ضحكت وصفقت رن عليا نا والله رايف هههه اكيد متحملش غيابي حتى وهو زعلان اتصل بي طلعت من دارها ..
شافت امها وخواتها وخوها قدام تلفزيون ..
طلعت عيدت عليهم وتعلق ع المسرحيه ..
الحسن كان لاهي ف رساله يبعت فيها لمعشوقته
كل عام وانتي معايا ❤️
...
وهي مقعمزه ع الكرسي ف كوجينه وتقرا ف مسج ومرفقها ع طاوله ابتسمت وردت عليه وانت معايا
كانت اختها شهد قدام الغاز اطيب ف قهوة وتحكي
شهد . ياحنه طلعت هي قتلت بوها اصلا هي عشق يعني مش ملك وعندها مرض فهمتي الحلقه حزينه
بتول . تؤتؤ عليك نهايه مش متوقعه
شهد . لما قريت الاسم نحسابه حاله عشق يعني حب وكذا
بتول . فرقت الحب
فارس . تي وين القهوة وسكر والحلويات انا جيعان جدا جدا نبي حلويات وسكر والقهوة والحلويات ..
شهد . تي باهي وانت تقول طالع من فم غوله ..
فارس . هي عيد را عيد عيد عيد
شهد . اول عيد محمد مش فيه معانا
بتول . اكيد فرحان ومهيج ف اليونان
فارس . نا مش معبي عينكم
شهد . يالله قهوة وحلويات هي هي وطلعو كلهم للحاجر تحت عريشة العنب حتى من صالحه وجمعه والخراريف لسماح والقعده وضحكه سمحه
ماتكمل الا بلمة العيلة ..
...
كانت اسماء تشوف لفايزه وبناتها ..
عيونها دمعو وهي تذكر ف زمن البعيد ماضي ذهب
ولا يعود ..🍃
كانت طفله لم تبلغ 10 سنوات من عمرها
لابسه فستان ابيض وشعرها ذهبي نازل عليها
عيسى . وهذ عيديه طاهر
طاهر . باس يده بوه وخذا 10 جنيه جديده من بوه
وتكررت لقطه مع محمود وبعدين ايمن اخر شي
كانت هي باست يده بوها وعطاها 10 جنيه وطلعت
ماجده ب صونيه الحلوى هي خلاص عاد فلوس ..
عيسى . خليهم نبي ولادي عيونهم مليانه وشبعانه
اسماء . حضنت بوها
ماجده . هي ياولاد كلكم قربو من بوكم خليني ناخذكم صورة قربو كلهم ولقطتلهم ماجده صورة
عيسى . كل سنة ونحنا ملتمين زايدين مانا ناقصين
فاطمه . اسماء هي تعالي غداء ..
اسماء . مسحت دمعتها وقربت قعمزت معاهم
فايزه . هذي طبيخه درناويه طبيخه قرعه
اسماء . ابتسمت
ايناس . اللي تغسل عوايز الغداء العيد جاي مع راجلها
فاطمه . محد يغسلهم غيري
اسماء . مبتسمه ع حديثهن ومناباشتهن
...
منى . عمتي بعد الغداء اتكيت ورحاب ف دارها تقرا
خالد . عينك من عموري نا طالع نصلي العصر ونبرم ع خوالي واعمامي
منى . حاضر
خالد . متبيش نحطك عند هلك
منى . خايفه من عمتي تزعل اول يوم نقعد هنا بكرة نمشيلهم هلي
خالد . قرصها من خدها نجيها العاقله
ابتسمت وهي خشت بولدها رقداته هي بروحها غفت حذاه ..
...
ف العشيه
منيره . ترقد ف بنتها وتشوف لصالحه شخبار منى
صالحه . كويسه
شهد . طلعت بصفره سفنز وشاهي
عتيقه . الحاج كل مايشوف شهد يطلب منها ف لسفنز
منيره . لنقنها مبدعه فيه هي
صالحه . مبتسمه ع كلامهم ع بنتها
شهد . حطت صفره قدام جدها وبتخش
عبد رحمن . وين ماشيه قعمزي معاي
شهد . نحطلهن
عبد الرحمن . يحطن بروحهن تعالي سهريلي
شهد . شن نسهريلك
عبد الرحمن . كساد زمان حوش جدك هذ مايفضاش
شهد . ابتسمت
عبد الرحمن . كانو الاحفاد كلهم يلتمو ماعداكم انتو طبعا من اول ماسمعت بوكم قعد ينظف ف مكاتب
تبريت منه هو كان يبي يحرقلي دمي يبي ناس تقول بفلوسه ومخلي ولده ينظف جمعه ماخلاني حد ناس كلها طلعتني غلطان يابنتي ..
شهد . معلش ياجدو مدورش حد
عبد الرحمن . نكدنا عليك ع العيد قوليلي سمعت انك تبيعي ف حلويات
شهد . امم جبت معاي اللي حطيناهن مع قهوة شغلي نا وصاحبتي
عبد الرحمن . ماشاء الله صاحبتك متزوجة
شهد . عليش
عبد الرحمن . نفكر نجدد شبابي
ضحكت شهد بتفنيصه جدووو ..
...
وجا ثاني يوم ..
خالد . كل عام وانت بخير عمي
جمعه . وانت بخير ولدي وخذا حفيده ف حضنه اهلا بالبطل
منى . شن رايكم
شهد . كل يطلع عليك تحفه انتي سمحه بكل
منى . عيونك لسمحات ياقلبي
صالحه . خير ياولدي كل سنة وانت طيب
قدم خالد كب ع راسها وانتي طيبه ياعمتي
صالحه . شخبار هلك
ومشا نص اليوم هدرزة ..
ف كوجينه شهد وبتول ومنى ..
شهد . سمتها لمار
منى . باهي جابت بنت ع حالها كويس
شهد . انتي فمك فيه كلام انطقي جوهره
منى . عمتي امس قالت ان رحاب عريسها قاعد عونها لولد سميره
شهد . ابتسمت مبروك عليها فرحتلها
منى . بلاش عباطه هو يبيك انتي
شهد . ونا مانبيش
منى . عليش اللي عابيه عليه خطب غيرك وعايش حياته
شهد . مش عشانه هو نتجوز بش نقهره نقهر روحي
منى . شن فيها من قهره تي هذا راقد ع الملايين
شهد . بتقنعيني الملايين حلال مصفي ..
منى . شدخلنا المهم فلوس تقعدي الليدي شهد
بتول . ليدي غاغا
شهد . ضحكت عليك تفكير تفكيرك يامنى سطحيه
منى . انا سطحيه عشان نبي مصلحتك يااختي نبقى سطحيه
شهد. منى بالجو انا رافضه موضوع الراجل منزليش من هن
منى . على كيفك وخذت رضاعه ولدها
وبتول تقلي ف البذنجال وشهد تغسل ف سلاطه
بتول . وافقي ياشهوده جربي خاطري ف فرح
شهد . جربيه انتي دام خاطرك
بتول . لا ياحنه
...
تمشي سنة هذي بدون احداث تذكر ..
نهاية سنة 2015 ..
كان يوم خميس
ارويدا . وهي طالعه مع بتول لسوق
وليد . واخذه راحتك
ارويدا . واللهي انت ماعد دورتني
وليد . رايفت عليك
ارويدا . واضح بعد عيد الفطر معش دزيتلي
وليد . نطمن عليك من بعيد
ارويدا . عيونها دمعو وفمها يرجف
وليد . بس متبكيش يابنيه منتحملش دموعك
ارويدا . خلاص صاحبنا
ضحك . وليد وعطاها خاتم كل عام وانتي معايا
ارويدا . قلبها يدلف
وليد . امي وافقت نهاية الاسبوع جاي هلي بيزوركم
ارويدا زغرتت وليد انصدم واللي ف محل يشوفو
بتول كانت تشوف ف جاكه انصدمت ف صحبتها
وليد . يامهبوله يامهبوله مش هكي قدام ناس
ارويدا . نحبك وحق الله
وليد . ابتسم
..
شهد كانت مقعمزه ع ال mbc 1 تفرج ع مسلسل
خليجي اسمه الحب الحلال ..
بتول . امتى يبدا حال مناير ..
شهد . مايجيش اليوم خميس هو من سبت الاربعاء ساعة 10
بتول . اها مالا نحكيلك شن صار
شهد . شن صار
بتول . شفنا وليد ف سوق وخطب ارويدا وقاللها نهاية الاسبوع يجيب هله
شهد ابتسمت بفرحه باهي الحمدلله
بتول . عقبال نفرحو بيك
شقلبت عيونها شهد وقالت ل اختها تفرجي تفرجي
ف الليل خش عليهم فارس ومعاه شجرة ميلاد
شهد . طيح سعدك تحتفل انت
فارس . من دار تورته اليوم
شهد . مش قصدي نا جت صدفه بس
فارس . هي بس نحتفلو بنهاية سنة تعالو بس
شهد . فكنا يافارس حرام
فارس . بلا نكد والله جو ع خاطر نبدو سنة جديده
بتول . هي شهد بلا كئابه