ضحايا بلادي

86 ضحايا دانيال

ضحايا بلادي 2
بقلم يحيى ادريس
‏86
بث مباشر
ياهو افزعو الله واكبر الله واكبر قال بصوت باكي ياهو
الله واكبر يارب يارب يامنجي
كان اصوات بنات طالعات متبحتنش يابنات متبحتنش متبحتوش ياهو
وقف ل اميه ياربي ياربي ارحمنا ياربي
الله اكبر الله اكبر
شن يعيطو كنهم هضو
شايل بنت اخته ع ضهره متخافيش
خايفه
متخافيش ياميلا متخافيش متخافيش متخافيش
متخافيش ياميلا
راك اطيحني
منيش مطيحك معاك متخافيش
غمضي عيونك وضبطيني
متخافيش نحطك هنا ونمشي نجيب اجديده باهي
لالا
متخافيش قاعده مع منصور هنا
خلاص طلعنا منا
الحمدلله الحمدلله

طلع من عند صاحبه من البيضاء فتح تليفونه بعد شحنه ف سيارة
جاه مسج من شهد كان بيتجاهلها بس شاف 40
مكالمة من هله امه وبوه واخته و 10 من شهد
عاود ع شهد الرقم المطلوب مقفل قلبه انقبض
رن على هله كلهم مقفل وخارج تغطيه النت اخر
ظهور لهم 10.9.2023 ساعة 12 في الليل بدا
يجري ب سيارة وصل عند بوابه درنه مصكره ..
نزل يبي يخش طريق مكسره كلها تذكر تحذير اللي
نزل ع نت ومحد عار بالاهتمام طول ركب سيارته
وخش من ع الضهر الحمر يجري وسيارة تدعدع
من قوة طريق مكسره ويدعي ياربي احفظهم ياربي
شوارع مكسرات وجسر طايح نزل بسرعه جثث ع
الارض وجامع صحابة شارعه معرفش يدور على
عمارته مباني طايحات ودمار وريحه الموت يدور
بعيونه عليها على عمارتهم على حبيبته على صغاره
اللي كان يوم في الايام نادم ع نعمه هذي توا لا عنده
وليه ولا صغار عيونه يتجولو حول مكان ويدعي ياربي يكونو عايشين ياربي حتى عمارته مش ف مكانها
يدور ع مرته وعياله يبحت تحت ركام وكان الاغلب
بين مصدوم وبين الموتى طايحين تحت الارض يدور
في كل مكان وعيونه حمر ودموعه يصبو وهو يقول
عايشين مايسيبونيش عايشين عايشين ..
..
مشا ل امبخ كان حواشين نفس ماهما مافي شي
خش لحوش هله ع امل ان شهد جتهم فتح الباب
شاف امه
نعيمه . الحمدلله بالي مشغول عليكم وين شهد ولعيال
اسلام . كيف شهد مش هنا
نعيمه . لا
اسلام . اءء
نعيمه . كنه وجك هك ومتبهدل
اسلام . شهد وعيالي مالقيتهمش نحسبهم هنا
نعيمه . بالك كلمت حد من هلها
اسلام . هاه
نعيمه . وبالك عند وحده من صحباتها
اسلام . امي امي مالقيتهش عمارتنا مش قاعده
نعيمه . دمعو عيونها
اسلام . شهد وعيالي يمي عيالي وشهد
نعيمه . حضناته وتبكي
اروى . دموعها ينزلو وهي تسمع فيهم
وعبد الله في قرآن ويبكي بقهر وحسره
..

بعد يوم ونص جا ضي وبدت تروح تغطيه
صالحه فتحت تليفونها مكالمات من شهد
بدت ترن عليها الرقم المطلوب مقفل
صالحه . شهد متصله علينا 7 مكالمات
بتول . حتى نا تو لقيته
جمعه . رنو عليها
صالحه . مقفل مقفل
جمعه . شوفو اسلام
واسلام خارج تغطية ..
وخشت ف بعضها ولعو تلفزيون ويشوفو الاخبار
صالحه 6 ف صبح وهي تشوف ف الاخبار قالت بنتي وجسمها قشعر ناضت توعي في جمعه جمعه ياجمعه
جمعه . هاه
صالحه . شهد حي علينا بنتنا حي علينا شهد حي
جمعه . كنها
صالحه . يديها ع راسها وتبكي ااااه ااااااه
جمعه . كنك ياوليه
صالحه . درنه خذاها سيل وشارع شارعهم مدمر فيها موتى فيها موتى
جمعه . مافي الا الخير متخافيش
صالحه . وين ماشي
نزل . فارس من شقته وراه رحمه تبكي
جمعه . فارس
فارس. بنمشي توا لدرنه
جمعه. معاك
صالحه . حتى نا
جمعه . وين بتمشي ياوليه
صالحه . مش شوري بنمشي
رحمه . دموعها طاحو
صالحه . متبكيش شهد كويسه خشت تلبس جلبابها ومحرمتها
ورحمه قعمزت ف صاله تبكي وتدعي ياربي شهد لا ياربي ..