ضحايا بلادي

السادس والعشرون

ضحايا بلادي
بقلم يحيى إدريس
البارت السادس والعشرون
احداث رواية من 2013 لوقتنا الحالي ...
❄️❄️❄️❄️❄️❄️❄️❄️❄️❄️
تخنق فيها بكل قوة يامجرمه ياحقيره وعيون حنان يطقو شر عكس عيون ورده اللي بيطلعو من الخوف
اسماء واروى يفكن فيها وماجده تحز هيييه شن في
فكنها البنات بصعوبه وحنان على كلمه وحده مجرمه
اسماء . خذتها معاها لدارها وراهن اروى
ورده . تحسس ف رقبتها
وماجده مدتلها كبايه اميه تفضلي
ورده . من هذي بنت صالحه
ماجده . لا هذي صاحبه اسماء مكلوبه
ورده . تهز ف راسها وهيا خايفه
اسماء . فهميني توا شن في شن صاير
اروى . انتي من وين تعرفيها دارتلك حاجه
حنان . مجرمه مجرمه جت بتطلعلها
مسكنها اسماء واروى ..
اسماء . حنان شن في
حنان عيونها مليانات دموع. هذي هذي وتشير ب اصبعها وتبكي قتلت اختي خنقتها العبره ف جملة الاخيرة
اروى عقدت حواجبها وقعمزت ع طرف سرير كيف
اسماء . حاطه يديها ف وسطها ومش فاهمه شي
حنان وهي تبكي هذي حقيرة ضحكت ع اختي وقالتلها ف تقويه عند الاستاذ وبعد مااختي مشت
لمكان مالقتش حد الا ل استاذ واستغلها وبدتت تبكي جتنا الحقيره هذي ورده وقالت لبوي ناديه دايره موعد غرامي ف حوش الاستاذ بوي قتل اختي
قدامنا قدام عيوني رفعت يديها اللي يرتعدو وتخبط
ع راسها اسماء ع طول طبست حضنتها وتبكيمعاها
اروى.تشوفلهن وتبكي وتفكر لو صار فيها زي اخت حنان
حنان . مش هنسيبها انا وياها وزمان طويل
اسماء . حنان المسامح كريم ربك ياخذ الحق فوتيها
حنان فنصت فيهن محد حس فيني والله ثم والله
حق اختي ناخذه منها الحقيره هذي مش هنخليها ف حالها
واروى تشوف ل اسماء وتبادلن نظرات الخوف
...
ساعة 11:11PM
كانت منى واقفه ادير في سحلب سمعت صوت باب
شقه انفتح يسلح ف البوت بتاعه وخش لكوجينه
حط كيس البرتقال ع دولاب وباسها قال .. شن العشاء ردت عليه حساء بالزعتر واخذه شوية برد
خالد . ياعيني ع رومانسية وضحك
منى . ها انت ديما تبي المحمر والمشمر
خالد . نغزها من جنبها انت المحمر وانت المشمر
منى . صح شن معناها المشمر خاطري نعرفها
خالد . رفع كمامه هك معناها المشمر
منى  . ضحكت وقالت بليد
خالد . باه حطيلي جيعان
منى . شوي بس نحرك السحلب
خالد . توا نا نحركه وانتي حطيلي العشاء
منى . انت حر ومشت تحطله عشاه
وفي دور الاول
كامله . جت الخدامه بس درت روحي مريضه خذيتها انا ياك الا ياك هي عندها خدامه ونا لا
هند . هذ صح يما استمري
كامله . انتي شخبار وشخبار العويله
هند . الحمدلله كويسين
كامله . كان سقطو عويلك فكونا من فضايح كل سنة معانا وليه برانيه
هند . لوت فمها
كامله . صبي ديريلنا قهوة نقعدو راسنا
هند . والخدامه وين
كامله . الخدامه لتنظيف بس لكن مانخليش دير شي يوتكل ولا ينشرب عرفتيني ننقرف
هند . تنهدت بضيق ومشت لكوجينه
كامله.تنهدت ومسكت ريموت حطت ع مسلسل بدوي
ومن هم الناس الاثرياء لطبقه الكادحه ..
كانت صالحه دوبها خشت لملحق بعد يوم طويل
من تنظيف وكنس ومسح وطبخ عند هل جمعه
وبنتها شهد مقعمزه ادير ف البحث الخاص في دراستها وبتول تكتب واجباتها شافت امها جت
بتول . واخيرا جيتي يمي جيعانه
شهد . خلاص من كثر جوع بنموت
صالحه قعمزت تحاول تاخذ نفس مدت كرعيها
بتول فتحت طنجرة كان شوية رز بدون لحم ...
شهد . شن هذا ياامي
بتول . وين لحم
صالحه . هذ ماعطتني عمتكم
شهد . كيف انتي من صبح تخدمي عندهم وانتي اللي مسويه كيف هي اللي تعطيك مفروض تاخذيبروحك
صالحه . واقفه حذاي وبعدين حقهم همًا مش مجبورين فينا ساد انهم ماسكين خوتك مدلعينهم
شهد . شن هذا معقوله ياامي هذي نهايتنا
صالحه . قولو الحمدلله غيركم مش لاقيها النعمه
بتول . لا مش الحمدلله هذ ظلم را ظلم
صالحه . حطت يدها عفمها اسس اسس
شهد . مسحت دموعها منى عندها علم باللي صاير
صالحه . اختك اللي فيها مكفيها بعدين بعد يوم جمعة لا عد ريتها لا عد اتصلت
شهد . كل واحد همه ف روحه نحنا طز
صالحه . كان عرفت شن تبي ادير غير تخمم فينا
شهد . قلبت وجهها وهي مضايقه
بتول . تشوف لطنجرة بحزن قدمت بتاكل
شهد . خذت طنجرة وصبت
صالحه . شهد وين ماشيه
...
منيره . شخبار امك
مروان . الحمدلله كويسه هذ القفطان اللي طلبتيه
منيره . سلمك جياب تعيش وتجيبلي
انفتح باب كوجينه بكل قوة
مروان  يشوفلها ويشوف لبستها توته عاديه سروال وردي وماليه كم رصاصيه ورابطه شعرها وشخشير ع سباط نايلو وردي كبير واقفه وف يدها طنجره
شهد . هذ شنو
منيره . عشاكم
شهد . عشانا باهي تعالي كولي منه تعالي
منيره . لا شبعانه
شهد . طبعا امي تكرت من صبح تطبخ وتخدم وتنظف وف نهاية تفضلي علينا حضرتك ب طنجرة
رز حاف هذ اخره تعزقه لقطاطيس ترضي تاكليه
منيره . نعمه ربك القطاطيس اقل مافيها يثمر فيهم
شهد دموعها ف عيونها . حسبي الله ونعم الوكيل
مروان رفع حواجبه . وشافلها بصدمه
صالحه . معلش امسحوها ف وجهي هي ياشهد
منيره . ربي بنتك ياصالحه
صالحه . اسمحيلي ياخيتي
شهد فكت يدها من امها ومشت وسيبتها
صالحه . شهد ياشهد
شهد خشت لفراشها وعطتهم ب ظهر
بتول ، وين رز
صالحه حطت يدها ع وجهها وتبكي
شهد . مغمضه عيونها ودموعها ينزلو رغما عنها
_________________
ثاني يوم صبح ع صفرة الفطور
مروان . لو تشوفي يمي كيف وقفت ف وجه عمتي
رنده   . ريت ريت مش ساهله البنت
مروان . عجبتني يمي
رنده . ابتسمت لو تشبه صالحه ناخذها لك
مروان . اسمح منها بواجد
رنده . تشرب ف القهوة وتهز ف راسها ومبتسمه
شيماء . كيف بتاخذوها البنت سمعت انها مخطوبه
رنده . الحاج عبد رحمن كلمته تمشي ع جميع
مروان . شفتي ذكاء امي
شيماء . داهيه والله افرض بنت رفضت
مروان . غمزلها ف وحده تقدر ترفضني
رنده . تحمد ربي وتشكره اللي ولدي يبي ياخذها
مروان . شرب عصير فمره وحده وقال بننزل انا
كانت شهد ف يدها البحث وهي طالعه ..
شافها انس اللي كان بيد يدخن بيها وحاط كراعه ع ساس ولابس لبس اللي يسوقو في المورتوات ...
شهد . اول ماشافاته عقدت حواجبها وتمشي بسرعه
مروان . اوي فراولة انتي ياكرز ياجالطه
شهد . نعم تفضل شن تبي
مروان . هي نوصلك
شهد . لا شكرا ف غنى عن خدماتك
مروان. كنك والعه فيا نبصر معاك بس
شهد . متبصرش متحبش لقطاف زايد
مروان . انتي لما تبدي تعصبي تبقي اسمح
شهد . اللي بلا يشفي ومشت وسيباته
مروان . لحظة لحظة شن قصدك
شهد.ماقصدي شي اسمع انا مرا ع ذمة راجل ابعد عني
مروان  .مزلتي ماقعدتي ع ذمته نقدر ناخذك را
شهد . تاخذ عينك ياقليل ادب تحسابها سايبه
مروان بجرأة . نحبك وبنتزوجك يابنت عمي
شهد . حبك كلب يامريض ومشت تجري وسيباته
اسلام .حط يده ع شعره من الخلف قوية بسسمحه
شهد . تمشي وهي تبربر ناقصني شكالات معفنه ركبت ف الحافله وسندت راسها ع روشن وهي مضايقه لعند ماوصلت جامعة عطاته جنيه حديد ونزلت خشت بوابه جامعة شافت اسلام مبتسم
اسلام . وين وين من امس نرن عليك مقفل
شهد . ماعنديش شحن ولهيت بالبحث
اسلام . وف يده بحث حتى نا قبل بنتشاركو ونديرو مع بعضنا
شهد . هزت راسها وهي ساكته
اسلام . حط يدها ع خدها حبي 
شهد حست بذنب مجرد ماخذت وعطت مع ولد عمها قالتله عادي ديما تقولي حبي
اسلام . ابتسم ديما
شهد ابتسمت وهزت راسها
اسلام . غالي وطلب رخيص حبي حبي
شهد ، طبست راسها والفرحه ف عيونها
اسلام . انتي حبي وقلبي وعمري وعيوني
شهد . لمعو عيونها بحب
وهذ كله كان على عيون ولاء اللي كانت تموت ف اسلام قلبها وجعها ولفت ومشت وسيبتهم ..
❄️❄️❄️❄️❄️❄️❄️
عيسى . هاكي الخبزة معاك
اسماء . خذت شكاره الخبزة وشكاره البرتقال ونزلت
عيسى . تحرك ب سيارة
اسماء وقفت قدام الباب كان مردود خشت
وكان صوت تلفزيون عالي ع احدى قنوات دينية
مخذتش ف بالها حطت الحاجات ف كوجينه
ماجده . وين بوك
اسماء . مشا يصلي ظهر ولعت الغاز ع شاهي وطلعت منها لدارها حولت طاقيه الصوف من
على راسها وغيرت الزي لبست توته شتويه دافيه
وطلعت لكوجينه شن الغداء يام
ماجده : بازين
اسماء . دارت سندوتش دحي وصبت طاسة شاهي
وطلعت قعمزت ف صاله خذت ريموت وغيرت ع رقم معين من قنوات لقت لاتوجد قناة استغربت
وبدت ادور كانو 20 قناة بزبط وكلهم دينية ..
اسماء . ياامي شن دايرين ف تلفزيون مع طلعة ايمن اللي لابس جلابيه بيضه وطالق لحيته رسمي
اسماء . رفعت حواجبها
ايمن . انا حذفت قنوات الفسق والفجور
اسماء . فسق وفجور شن الله يرحم ايام الحشيش
ايمن . لعنة الله عليك والله لو ماكنتي اختي كنت قمت عليك الحد
ماجده فنصت نهار اسود لالا وسع بالك ولدي
اسماء . شن يحسبها سايبه هو
ايمن . يدعك ف سواك ف سنونه
ماجده . يستر الله منه ه العيل
....
شهد . خشت شافت زياد يلعب معدلتش عليه ملامح وجهها حاده ونفس شي محمد اللي طلع
من مربوعه بعد الغداء وكان يضحك مع انس اما
شاف اخته استاذن ومشالها شهد شخبارك كنك
شهد . لا سلامتك ياخوي ياولد امي وبوي جونا من الاخير
محمد . كنك احكي كويس
شهد . اللي يده ف ال اميه مش زي اللي يده ف نار
محمد . شن تقولي
شهد.قلبت وجهها وقالت منيش فاضيه اسئل امك بدال زمزكه برا ومشت وسيباته
محمد . خش لحقها ماردتش عليه مشا لكوجينه
شاف امه تغسل ف عوايز ..
محمد . امي
صالحه . مسحت يديها ها ياامي
محمد . مضايقه ناقصتك حاجه
صالحه . سلامتك ولدي الحمدلله
منيره . حمادي انت هنا قبل نبيك تشيلني لعياده
محمد . هي توا
منيره . واتيه نا
محمد . تبي حاجه يام
صالحه ، سلامتك
وطلع محمد ومنيره من كوجينه
صالحه . ردت تمصمص ف العوايز
شهد . سلحت شنطتها شافت اختها راقده
شهد . بتول بتول كليتي حاجه
بتول . هزت راسها بالنفي
شهد فتحت شنطتها وطلعت سندوتش قسماته
هاكي قولي بسم الله بتول الله همبورغر
شهد . ابتسمت وبدت تاكل
وبتول ، تضحك معاها
❄️❄️❄️❄️❄️❄️❄️❄️
خالد . منى كنك راقده توا مزال بدري
منى . ااممم
خالد . شن فيك
منى . مش عارفه
خالد . قرب عليها امس جبينها كانت نار حراره
منى . خايفه وعيونها مليانات دموع
خالد. متخافيش حول من عليها بطانيه وبعدين جاب كمادات وخل وحطهم ع جبينها ...
منى  . اممم
خالد . سلامتك ياقلبي
منى . تعبانه
خالد . نقول ماتمشيش حفيانه متسمعيش ف كلام
منى . كبدي زاعمه
خالد . ضحك عليها
منى  . شافتله بنص عين وقت ضحك توا
خالد . خلاص نمشي مالا
منى . مسكت ف يده لا متسيبنيش بروحي احكيلي
خالد . شن نحكيلك
منى . احكيلي
خالد . ياسيدك بن سيد وبدا يحكيلها من قصة لقصة لعند لقاها غارقه ف نوم باسها وخذاها
ف حضنه ..
❄️❄️❄️❄️❄️❄️❄️
محمد انا قريب منك اصلا
اسماء . لا فكني يامحمد
محمد . عادي توا نقول نسيتي حاجه عندنا وجبتها لك
اسماء . فكرة ضحكت
محمد . هي بسرعه عمتي مزال نص ساعة وتطلع
اسماء . هي اني طالعه ثواني لبست كبوطها الاحمر وعلى راسها طاقيه صوف بيضاء فتحت الباب ماهناك حد طلعت من دار وهي تسلس شوي شوي
فتحت باب وهي تلفت يمين يسار لعند ماحست بيد خذتها من ذراعها بقوة شهقت بصوت عالي حط يده
ع فمها هي ضحكت وبعدين سبابته ع فمه بمعنى اسس
اسماء . فجعتني كيف خشيت
محمد . رايفتلك
اسماء . ابتسمت وكانت لاصقه ف ساس
محمد . ماسك روحي بالغصب عشان مانبوسكش
اسماء . رفعت حواجبها اصحك
محمد . نحبك يالهبله
اسماء . نموت فيك يالهبل
محمد . تنهد
اسماء . كنك حمادي زعلان
محمد . شهد قالبه وجهها عليا نا مش عارف سبب
اسماء . ماعليك فيها شهد متزعلش روحك عشاني
محمد . ابتسملها انتي الوحيده الحاجه تفرح ف حياتي
اسماء . الله ع كلام سمح محمد متخذلنيش فيوم
محمد . انتي قمر حياتي دنيا تقدر تبقى بدون قمر
اسماء . هئه
محمد . عض على فمه ريحينا عاد
اسماء . صوت ايمن يكح
محمد . خليك ريلاكس
اسماء . قربت باساته من خده وخشت تجري
محمد . حط يده ع خده وابتسم
❄️❄️❄️❄️❄️❄️❄️❄️❄️❄️
صالحه . اليوم مكرونة وحتى لحم زاد شوفو
شهد . شقلبت عيونها
صالحه . محمد سئل عنا اليوم قالي مضايقه ناقصتك حاجه وليدي يفكر فيا يامينتي
شهد ، ابتسمت بتهكم
صالحه . شن يضحك فيك
شهد . ربي يخليه لك
بتول . ماما ليش زياد ومحمد قاعدين معاهم ونحنا هنا
صالحه . هذم رجاله ميقعدوش هنا
شهد . شافت ل امها بحده
لعند م صالحه خافت من شهد كنك تبحتي في هك
شهد . هزت راسها بأسف حمدلله وناضت وسيبتهم
بتول . عادي ناخذ لحمتك
شهد . خوذيها
❄️❄️❄️❄️❄️❄️❄️❄️❄️
بعد صلاة الفجر
في احدى المساجد ...
كان ايمن طالع وهو يستغفر جا حذاه واحد ملتحي ولابس ابيض وقاله حرما رد عليه ايمن جمعا ان شاء الله
نبوك في كلمتين ياايمن ..
ايمن تفضلو خير ان شاء الله..
الشيخ ****** يسلم عليك
ايمن شير على نفسه يعرفني نا
انعم ويبي منك خدمه لو درتها ربي ربي هيكافئك أعظم مكافأة
ايمن بفضول خدمه شنو ..
تعرف ليش بلادنا توخر لان انتشر فيها الفسق وربا والعياذ بالله شوف التبرج والانترنت كله لهو وحرام
ايمن . يوزع ف نظره بيناتهم
ربي يهدي المسلمين جميعا .
للحديث بقيه ..