ضحايا بلادي

الخامس والثلاثون

ضحايا بلادي
"مجزرة العشاق" انتقام لوز 🤍
احداث الرواية "2013 _ 2023"
بقلم يحيى إدريس ..
البارت الخامس والثلاثون..

غيث . انت كيف هانت عليك بس
اسلام . خذا الملف بتاعه هك احسن للجميع
غيث . كنت قلتلها ظروفك متأكد مش هتخلى عنك
اسلام .مانبيش نعلقها فيا ويصيرلها شي خايف عليها
غيث . من شن خايف تي سافر بيها
اسلام . وخايف منها يجي يوم وتعايرني
غيث . مزلت مش عارف قيمة جوهرة اللي بين يديك بكرة تاكل اصابيعك ندم
ولاء . اسلام انت مسيب جامعة
اسلام . هز براسه
ولاء . كيف هكي بس عليش
اسلام . ظروف
وكانو الكل يشوفو ل اسلام وملفه ف يده كل نظرات
عليه بس اول ماشافها هي خاف وبدا ندم ياكل فيه
شهد . شافت ل ولاء من هذي حبيبتك جديده
اسلام . ساكت ويشوفلها
شهد . بنقولك انا معش بنكمل معاك حاولت نتحملك بس معش نقدر طلعت عيل ..
كلهم انصدمو وفي اللي ضحكو ..
شهد ابتسمت. قصدي ماينعباش عليك مزلت صغير
اسلام . يغلي من الغضب
شهد . انا معش بنكمل معاك لذلك تعال خوذ حاجاتك عطت ب ضهرها ومشت وسيبت اسلام
واقف وناس كلها تهامس وتحكي عليهم واللي يضحك وهي تمشي بعيد كيف كانت تكلم بثقه
وراسها مرفوع والابتسامه ع وجهها ومشيتها ...
لعند مشت بعيد عنهم وقعمزت قدام شجرة
ياما شهدت على حبهم مكتوب اول حرفين من اسمهم خذت خيطه وبدت تخبش ع الاحرف لعند يدها وجعتها وانهارت بكاء دفنت راسها ف ركابها
وجسمها يهز كله وصل غيث فيها بعد لحقها شاف
حالتها حط جنبها كلينكس وشيشه اميه وهو متأسف لحالتها كان غيث دكتور اللي يعطي عليهم
ف جامعة شافلها بحزن ذكراته بحاله شافلها شوي
بعدين سيبها تفرغ مافي نفسها ..
....
بتول . صباح الخير
الحسن . يلبس ف كندرته وماردش عليها
بتول  . اسفه
الحسن . لما تعدلي من نفسك هذك الوقت نقبل اسفك
بتول . الحسن انت غالي عليا والله ومانبيش تزعلك انت كيف خو وقبل ماتكمل جملتها رد عليها بغضب
انا مش خوك تفهمي مش خوك ..
وهي قريب وتبكي ع طلعه رقيه شن في كنكم
الحسن . انا ماشي تبي حاجه يام
رقيه . سلامتك ولدي وشافت لبتول خير من عند صبح
بتول . ارويدا قاعده جايه بنراجع معاها
رقيه . ف دارها ع اساس انتي متعرفيش وين هي
بتول . فتحت الباب لقت ارويدا راقده ضربتها بالمخده نوضي ياخميره
ارويدا . كنك انتي متخلوش واحد يرقد يعني وحطت مخده ع وجهها
بتول . طبعا سي وليد مسهرك الليل بحاله
ارويدا . بتول خطيني بنرقد
بتول . مرقد جدي ايوااه وشافت صورة ل ارويدا وللحسن ع الكوميدينو قربت وخذت وتمشي ب اصابعها ع صورة الحسن كأنها ع ملامحه ابتسمت
بعدين قالت شن ندير انا بارد هذ خساره فيه الاعتذار اصلا انا لقاقه عليش نعتذرله من الاساس
...
منى. تاكل ف جولاطي بالفراوله ومقعمزه ف بلكوني
خالد . بديتي هك خلاص وقفي شوي
منى . خاطري ف بحر ودلاع وشرموله بتن
خالد . ناس تسهف ع كباب لحم مش شرموله وتن
منى . هكي جا ف خاطري
خالد. حاضر ياحبي انتي ياسمحه انتي
منى . يحضرلك الخير ياوجه طير
رد الببغاء طير ..
منى . ه البارد هذ امتى نتفكه منه
خالد . لمًا تفتكي
منى . بعيد سو
خالد . نحجزو ف شاليه بس المره وحده نا وياك بس بس
منى . احسن العائلة تكمل مشاكل وماننسجموش
خالد . حي علينا من كامله لو تعلم بينا
منى . ضحكت تسود نهارنا
خالد . قولي معيشتنا
منى . هذ امي ترن الو
صالحه . عندك فرش يبي غسل حاجه هك
منى . لا عليش اصلا كله مزال جديد
صالحه . اختك نزلت عليها الحراره طلعت الفرش ولها ساعه تغسل وتحك بنيه وضمير لا ملت لا كلت
منى . من منهن
صالحه . من يعني شهد
منى. ضحكت توا نجيبها قبل جيبتي دير حمله معاي
صالحه . تمام وقعدت تشوف لبنتها ف عز شمس
مطبس وفاكه عصا وتحك ف الفرشه وقبلها 3 فرشات انفتح الباب وخشت بتول ..
بتول . ييي متقوليش بتغسلي فرش تعبانه من لقرايه
صالحه . بلا جميلتك سلم شهد رفعت الفرش كله
بتول . تشوف لأختها ومستغربه
ملامح وجهها متجهمات وتحك بقوة جهدها ..
بعدين شافتلهن بنظرة الاثنين خافن منها ..
شهد . تعالن ارفعن معاي ننشرو جت بتول ومعاها
صالحه حطن الفرش ع الحديد وبعدها الفرشه الاخرى بعد عصرتها شهد ..
وخشت تفك ف وجوه لمخاد وطراريح وبعدين ستائر وحطتهم ف الغساله فتحت التلاجه وفضتها
صالحه . ماشاء الله اختك متنشطه ماشاء الله
بتول . باهي كويس دوم هك
شهد . ولا كلمه قالتها من اول ماخشت وهي ع الحاله هذ عكس حاله اسلام استشاطته غضبا
هاناته وكسراته قدام اللي يسوى واللي مايسوى
وجعاته روحه وطول طريق يمسح دموعه والحب
ناحيتها تحول لكره وبغض ليش دارت هك فيه
مش متوقع ردة فعلها القاسيه وكلامها المهين ف
حق اي راجل فما بالك راجل حبها صح ...
وشهد ولا قالت نهدى بدت دولايب وتنظم وتنظف
وصالحه حطت الغداء ..
قعمزت ع صفره وهي تاكل بكل برود سيبت خطيبي
صالحه . كيف !
شهد . ف القهوة الكيف كان تبي وضحكت
محمد . السبب عليش سيبتو
شهد . حاجه تخصني نا هذي نا بلغتكم بس
جمعه . اهم حاجه راحتك يابنتي
شهد . طبعا اهم حاجه راحتي مالا شنو
بتول . حطت يدها ع ضهر شهد
شهد . تاكل وتمضغ وملامحها جامده خذت طرف مخلل من قدام بوها وهما يشوفولها مش عارفين
يزعلو ولا كيف يديرو معاها ..
منى . معرفتيش سبب
صالحه .تس وهي ساكته خبرتنا ولا كأنه صاير معاها شي
منى . قلتلها من الاول مش لها مغير هي ماتسمعش
صالحه . لكن اختك زادت نشاط منها فسخه جت ف صالحنا
منى . ضحكت هم يضحك وهم يبكي
صالحه . شخبار خالد
منى . كويس ف شغل توا
صالحه . كان قلتيله يجيبك
منى . حوشكم متوتر وفيه نظافه
صالحه . صدقتي صدقتي هي مع سلامه صوت قربيع نشوفها شن دير ..
منى . طمنيني عنها
شهد . حطت تنظف ف الحمام وتخبط ف دولاب الحمام وهي اطلع ف منظفات شافت لأمها تبحت
شهد . كنك
صالحه . ابتسمت شي كملي كملي ومشت وسيبتها
شهد . عرمت منظفات وفشت غلها ف تنظيف
بتول . ريحتهم قوية
صالحه . خليها خليها مبرك علينا فسخه
بتول . شن تقولي حرام ياامي
صالحه . اسكتي كان اللي تفسخ يصيرلها هك نخطبلك حتى انتي وتفسخي
بتول . بعيد سو كنك يمي
صالحه . مش ديما هك تفطن لروحها ماعد دير شي
...
منيره . متريحه يمي اخر دلع واخر راحه
عتيقه . دوم مش يوم
منيره . سلمك شخبار بوي
عتيقه . ف خيار خيره
منيره.شفتي صالحه وبناتها كيف انقهرن اما شافني اجوزت
عتيقه . حرام ساد اللي فيهم
منيره . عليش شن فيهم يمي
عتيقه . شهد سيبت
منيره . قرايتها
عتيقه . لا خطيبها
منيره . مع انها جالطه وقليلة ادب بس وجعتني
عتيقه . لازم نمشولهم
منيره . نقولك شن رايك يجو الجمعه نلتمو كلنا زي زمان
عتيقه . والله فكرة
منيره . خلاص قولي لجمعه حتى لمنى تجي
عتيقه . عاد منى متزوجة اكيد هل راجلها
منيره . هزت راسها او راجل جا هي مع سلامه يمي
عتيقه . سلمي عليه وصكرت الخط
زياد . حني
عتيقه . نعم ياحني
زياد . نبي بلاستيشن اثري
عتيقه . ايسما
زياد . بلاستيشن اثري نفس اللي عند عماد
عتيقه . حاضر نقول لجدك يجيبلك بس ارقد بكرة عندك مدرسة
زياد . باسها وخش لداره اللي كانت دار منيره
...
ساعة 12 في الليل يديها مورمات ولونهم موڤ من كثر مااستعملت منظفات خشت لدارها طلعت هدايا اللي جابهم لها الورد اليوم صور كل شي يخصه
طلعاته ف بوكس وطلعت بيه برا شافته بتول وقفت
عند روشن تباوع ف اختها شن ادير بالحاجات عزقتهم ف تنور مسكت القلوني وبدت تصب فالقاز
ع صورهم ع هدايا ع ضحكهم ع ذكرياتها معاه نار
ولعت وبدت تكبر وبوء بوء عينها فيه نار شاعله ..
حطت بتول يدها ع فمها بصدمه وشهقت ..
طلعو صالحه وجمعه ومحمد بعد شمو ريحه
شافو حالتها كيف واقفه قدام نار ولا كأنه ...
....
بعد مرور اسبوع ..
كانت منى تاكل ف دلاع وتضحك ..
خالد . دوم ياحبي ..
منى . سلمك ياحبي .. فرحانه بكل انت راجلي
خالد . فرحان بكل انتي مرتي
منى . تعال نتمشو بحر نكيد العزال
خالد . كيف
منى . شي شي تعال ياقلبي انت
خالد . مشا معاها وخشت يدها ف ذراعه وتمشي حذاه شافت شلة بنات يشوفو لخالد وخالد خافي
عيونه بنظرات ابتسم انه محاوط بالاعجاب ..
منى . لا والله ..
خالد . كنك
منى . نجيبلك رقمها
خالد . اسكتي خلاص وامشي
منى . بحتت ف البنت وقالت تعالي غمسي
البنت خافت ومشت تجري ..
خالد يضحك ع تصرفات منى الطايشه عيب معقوله ديري هك انتي وليه محترمه ومرت خالد اعمر ال**
ادير هك معقول
منى . اها ندير
خالد . هز راسه بأسف
منى . نقولك نكته
خالد . قولي
منى . مره في نملة دارت حلوه طارن كرعيها نيهاهاهاهاا
خالد . ياحانطه
منى . شرايك بس حناطتي متلقاهاش ف مكان ثاني
...
ف حوش الحاج عبد الرحمن
كانت منيره تقلي ف لسفنز ..
جنبها . شهد تقطع ف الخبزة
منيره . الخبزه بايته
شهد . لا لا شويه ومروحهه
منيره . ضحكت وهزت راسها يمين ويسار شخبار منى
شهد . كويسه قاعده ف البحر زايطه
منيره . عقبال مانفرحو بيك
شهد . سلمك ان شاء الله وهي مستغربه ف منيره
منيره . عرفتك زعلانه ومقهوره بس ديري ف روحك فرحانه ع خاطر متكدريش هلك مش كويس يابنتي
الكمد يضرك هيجي وقت وتنفجري فيه بعدين تبدي حقوده وشخصيتك تغير نا كنت كيفك لما
سيبني خطيبي زمان سكتت وكمدت ف روحي عشان امي ماتزعل بس كليتها ف روحي انا مابكيتش لاني هذ كله ضرني نفسيا وبديت نحقد ونحسد حتى وكان عطيب بيش ابكي على روحك ضروري
شهد بكبر . بس مش هو اللي سيبني انا اللي سيبته
منيره . راك تندمي بعدين افطني لروحك
شهد . وقت فلسفتك اصلا ..
صالحه . منيره شكلها متريحه
عتيقه . ايوااه الحمدلله تريحت عليها
صالحه . رنده كنها ماجت
عتيقه . من ميته ولدها وهي حابسه روحها ف الحوش لا طلعه لا خشه
صالحه . ربي يربط على قلبها فقد الكبد واعره
عتيقه . اي والله ربي مايذوقها للصاحب ولا للعدو
خشت شهد بصفرة العصور اوراها شهد ..
منيره . بتول كنها ماجت ياصالحه
صالحه . تقرا عند صاحبتها امتحانات
منيره . موفقه
صالحه . ان شاء الله يارب
عتيقه . شهيده
صالحه . انقبض قلبها من الاسم اللي نطقت بيه عتيقه اسم بنتها ع انها دلع
شهد . نعم
عتيقه . عطي لجدك تلقيه في المربوعه
شهد . خذت طرفين سفنز ف تبسي وطاسة شاهي
مدتله
عبد الرحمن . شنو حالك يابنتي
شهد . الحمدلله شخبار صحتك
عبد الرحمن . الحمدلله شنو حال قرايتك
شهد . تمام مزالي سنة ونتخرج ..
عبدالرحمن . ماشاء الله عليك ماشاء الله
شهد . سلمك ياجدي تبي حاجه
عبد الرحمن . تباتي عندنا
شهد استغربت من طلب وتحشمت ترفض حاضر نشوف امي بس
عبد الرحمن . تمام
وهي طالعه لمحت زياد دوبه خاش ومنظره كان يلعب ف كوره وقفت قدامه وهي تشوفله
هو بيتخطاها ويخش جت قدامه من جديد
زياد . كنك شن تبي
شهد . بوس راس امك واطلب منها سماح
زياد . مانبيش
شهد . ماتبيش قتلي لو يجي يوم وماتت شن تكون ردة فعلك
زياد ، شن تقولي انتي حولي
شهد . امي اللي ضحت عشانا وتعبت وهدرت عمرها وبالأصح والاكثر ع خاطرك كنت صغير
كانت ادافع عليك وين مانتو فيك لما تغلط وتهزبنا
ومرات تضربنا ع خاطر سواد عيونك هذي امك عارف شن يعني تعرف يازياد لو مااعتذرت منها وبطيب خاطر هتنسانا بكل وانا معش بنشوف لوجهك خلي في احترام وقدر بينا خيرلك يازياد
لأن لو مااحترمت نفسك والله ثم والله تشوف وجه ثاني عن شهد اللي تعرفها تقعد اطيق العمى ولا اطيقني وخشت سيباته يفكر ف كلامها ..
شوي وخش سلام عليكم صالحه بلعت ريقهاطبست راسها وقعدت تحرك ف دبله اللي لبستها ف اصبعها
قرب منها وباس راسها سامحيني يمي سامحيني ياغاليه وهي دموعها نزلو حضنها بقوة وهي لفت يديها ع ضهره مسامحتك اوليدي انت حبيبي يعيوني
شهد ابتسمت وهي تشوفلهم ..
منيره نقطعو لقاء المؤثر هذ معلش شنو نديرو العشاء
صالحه . ضحكت
شهد . نديرو قلايا
منيره . وهي
شهدت مشت تقرض ف لحم ومنيره مزالت تراقب ف حركاتها ...
...
حنان لابسه استرتش اسود وكت احمر ومكيجه
وترقص ع قناة مزيكا ف اغنية ماتيجي هنا وانا احبك
وترقص وساميه تصفقلها وتضحك حنان يجي راجل
يلقاني رقاصه قد الدنيا وتضحك لعند انفتح الباب
ابراهيم مفنص عيونه ياللي ماتحشمن يافاجرات لعنة الله عليكم ..
ساميه . وسع بالك نفرفشو ع روحنا محد معانا
ابراهيم . تسمعن ف شياطين وقلة الحياة
حنان . مش قلة حيلة هذي اسمها نانسي منعرفش انت
ابراهيم . لا تعرف وقلب تلفزيون ع الارض
حنان . شن ادير انت
ابراهيم . ندير في اللي مادرتش زمان شدها من شعرها وساميه تحز عليهم
حنان . حول يامتخلف يايهودي
ابراهيم . شن قلتي لعنة الله عليك ويزيد يضربها
حنان . تضحك منحسش منحسش ياريتك عفنت ف الحبوس وافتكينا من خلقتك يامريض .
ابراهيم اىزاد يضرب فيها عطيتكم حريتكن زمان مادرتنش خير لا خواتك ولا انتي بس انتي هنربيك
حنان . متربيه خير منك
ابراهيم . صكري فمك ياملعونه
وهي . تضحك وتزيد تغني مكر فيه
وهو مسك الموس وهي تجري خذت عبايتها وشاحها هاربه بتطلع وهو وراها ويذبحها من رقبتها
ولا تحركت فيه شعره وساميه عيطت لعند صوتها راح ابراهيم نظفت روحي من العار بنات ماجابنلي غير الهم
للحديث بقية ..