ضحايا بلادي
بقلم يحيى ادريس
السابع وستون "67"
عقدت حواجبها وجهها انحمر من الغضب قالت
بصوت مليان غضب انت وخوك شن تحسبو روحكم
شن هذا القرف اللي انتو فيه من قلة البنات اللي اكثر من الهم ع القلب تجرو ورا مرت خوكم عيب عليكم استحو وحطو ف الوطا انا منبيش لا انت ولا خوك ولا غيركم خلوني ف حالي كرهتوني ف معيشتي سيباته واقف منصدم في ردة فعلها الغير متوقعة
وهي ركبت سيارتها وكلها غضب توجهت لمكان
معين درست سيارة ونزلت ضربت جرس فتحت
رحاب الباب اهلين منى كيف حالك ..
منى . عمي قاعد
رحاب . اها
خشت منى لقاته هو وكامله
اعمر . يامرحبا يامرحبا بالغاليه نورتينا
منى . الحمدلله لقيتكم مع بعضكم
لان في كلام في قلبي من سنين كامدته وساكته رفعتو عليا قضية تشككو فيا وتقولو انها فاقده الاهليه عشان تاخذو العيال والورث وقلت ماعلينا
محروق كبدهم ع ولدهم مع ان حرقتي عليه اكبر منكم لو ع الورث متخافوش مانيش واخذته لنفسي حتى الڤيلا اللي بأسمي نأجر فيها وفلوسها ف البنك لعند مايكبرو الاء وعموري نديرلهم بيه مشروع يلقو
فيه روحهم مانصرفش قرش ع هلي الحاجه الوحيده اللي تصرفت بيها حاجات على روحه صدقات مع ان مفروض مانقولهنش لكن تعبتوني
شن مؤامرات هذين مره اسماعيل مره عادل انا مانبيش نتزوج واللهي مانبي ولو فكرت لو مش هيكون خوت خالد مش هنقهره فوق من اني بنتزوج ناخذ خوه لا والله مانديرها تريحي ياعمتي تبي توا نبيع الفيلا والمحلات ونعطيك حقك ماعندكش مشكله نهائيا بس امسكي عيالك عني
كامله . جايه تبلي عليا ف حوشي
منى غمضت عيونها انا نسكت ونمرق ونقول عيب بس خلاص اليوم عادل بروحه اعترفلي وقال اسماعيل دزيتيه انتي حرضتيه عليا وعادل جاي يقول نتزوجك ونعاملك زي مانعامل اي عروس جديدة مكانك لوين بتوصلو بس قرفتوني وكرهتوني ف نفسي وعيشتي انا تحملت واجد الا عشان خالد
يتريح في قبره ..
كامله . وانتي شن تريدي تقري ف جامعة الا دوري ع عريس جديد حاطه عينك عليه الا عيالي نا مايتهلبو
اعمر . كامله صكري فمك
كامله . واللهي من بدري وهي تغلط وانت ساكتلها قلت كلمتين بس طول ركبت فيا لحست اصبعها ومسحاته ع طاوله نحلف عليها البنت هذي سحرتكم ..
اعمر . استغفري ربك
منى . بارك الله فيكم واسمحلي ياعمي حتى العيد ماعد نبي نجي هنا تبي العيال تعال شوفهم عند هلي طلعت ركبت سيارتها وانهارت بكاء حطت راسها ع ستيرسو وهي تبكي ..
..
سبتمبر 2018
كانو يتمشو شهد واسلام ف احدى شوارع ..
شافو حوش نظام مزرعة فيه شجرة رمان ...
شهد الله خاطري فيه ..
اسلام . شافلها توا نجيبلك من دكان خضره
شهد . نبي توا من هذا يااسلام
مسك يدها وخش وهي تعيط عمو عمو
اسلام حط صبعه ع فمه اصص
شهد . لازم نستاذنو
اسلام . مش هيعطونا
شهد . ها مالا بتسرق
اسلام . ضرورات تبيح المحذورات قطف طرفين من الرمان ..
ومسك يدها وقال هي بسرعه وهي تمشي معاه
خذت طرف اخرى وقعدو يضحكو ..
قعمزو ف مكان وهي تقشر فيه بطريقه سريعه
رغم صعوبته لكن من حبها لرمان ماحستش بيه
وقعدو ياكلو وهي تاكل وتحكيله عن حبها لرمان
شافتله وقالت وانت ..
اسلام . نا شنو
شهد . شن تحب ..
اسلام . نحبك انتي ..
توردو خدودها خجلا ..اسلام
اسلام . نبضه
شهد . تحرج فيا راك
اسلام . خلاص هاه وبدا ياكل من رمان وهي تضحك
....
فارس تبي حاجه من المانيا ..
رحمه . سلامتك ..
فارس . انروح ونحددو موعد الدفع وهك ..
رحمه . ان شاء الله..
فارس . وين قاعده ..
قلبت تليفون ف جامعة ..
فارس . عندك محاضره توا ..
رحمه . لا كملت توا غير طلعت ..
فارس . ضحك وقال خلاص مالا روحي ..
رحمه . لا وين نروح بنمشي لمعمل ..
فارس . خطرها لنا كلام ع قصة معمل ..
رحمه . واللهي هي
فارس . مرتي سمحه ديرلي حلويات لي نا بس
رحمه . بس مزال ماقعدتش مرتك
فارس . هتقعدي هتقعدي
ضحكت رحمه وهو ضحك معاها ..
..
طلعت بتول من المحاضره وهي تحكي مع اسماء
ع تليفون وين قاعده ..
اسماء . في كافيتيريا الصيدلة ..
بتول . تمام سلمت ع بنت خالها وقعمزت كرسي
اسماء . وجهك مرهق
بتول . سهرت للفجر وراسي وجعني من محاضرات ..
اسماء . شر منك الا نا
بتول . منى طولت بكلل ..
اسماء . اكيد مزال ماطلعت ..
بتول . طلبتي حاجه
اسماء . نرجى فيكن شن تاخذن
منى كانت طالعه من المحاضره ..
وهي تمشي شافت اسماعيل عقدت حواجبها وكملت طريقها ..
اسماعيل . منى بس اسمعيني انتي فاهمه غلط
منى . لا غلط صح وكان ماتخطاني نبلغ فيك الامن
اسماعيل . انا معجب فيك صح ف بداية عشان امي بس بعدها عجبتيني ..
منى . تعرف شفت اوساخ واجد بس نماذجكم اول مره نشوفها انت وامك حسبي الله ونعم الوكيل فيكم لو خالد عايش شن كان موقفك مقرف مشت وسيباته
بين تأنيب ضمير والاحساس بالذنب وبين كسرة القلب والخاطر ..
يشوفلها وهي تمشي وايقن انه خلاص ..
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
