ضحايا بلادي

73

ضحايا بلادي 2"مجزرة العشاق"
بقلم يحيى ادريس
ف سيارة تنتقل من البيضاء لطرابلس العاصمه
سانده راسها ع روشن وتشوف لطريق وعيونها
مليانات حزن تتذكر حبيبها اللي سمعت عنه
مات غريق وهو مهاجر اخر مكالمه يترجى فيها انها متزوجش وتعطيه فرصه فرصه بس يصلح الي داره
كيف هي تزوجت ضحيه ع خاطر تنقذ خوتها من موت وخوها الصغير متهم بجريمه قتل كيف هتعيش وسط ناس اللي خوها قتل ولدهم وهي تفكر قطع حبل افكارها صوت الاغنية المعلوقه ف سيارة لا تلوح للمسافر المسافر راح ..
ولا تنادي للمسافر المسافر راح ..
وياضياع اصواتنا في المدى والريح ..
القطار وفاتنا ... وفاتنا القطار ..
والمسافر راح ..
يلا ياقلبي تعبنا تعبنا من الوقوف
مابقى بالليل نجمة ولا طيوف
ذبلت انوار الشوارع
وانطفى ضي الحروف
يلا ياقلبي سرينا
ضاقت الدنيا علينا
القطار وفاتنا
والمسافر راح
هذا وجهك يالمسافر
لما كانت لي عيون
وينها عيوني حبيبي
سافرت مثلك حبيبي
وينها عيوني حبيبي
دموعها نزلو ونفضتها العبره
طارق . شافلها ب استغراب نقص صوت الاغنية
تذكر لما شافت بوست ع الفيس خبر اختفائه قعدت تبع في اخباره لعند شافت منزلينه ف صفحة
الوفيات انه غارق وقت ماكان بيهاجر حطت يدها
ع فمها وتذرف ف دموع لعند ماانتفخو عيونها ..
فجأة حست سيارة وقفت ركزت كانو واقفين قدام
بوابه باب من حديد كبير وفيه فتحات تقدر تشوف
الحاجر او لجنان كيف كبير زي القصور انفتح الباب
وخشت سيارة وهي تشوف للمكان ..
ريماس . بأي وجه جايبها اهني بنفهم اني ..
لميس . ولت مرته بعدين خليها اهني عشان نعرفو
ريماس . تعرفي شني اني كان نوصل نخلص عليهم كلهم ..
لميس . ريماس بناخذو حقنا منهم بالبطئ
ريماس . تمام
طارق  . هي انزلي
بتول   . تشوفله وساكته
طارق . شني ماتبيش تنزلي برم وفتحلها الباب هي
بتول . نزلت وهي كرعيها يرتعدن تشوفله وتبلع ف ريقها ..
طارق . خيرك تبكشتي وين لسانك الملوي
بتول . شافتله من فوق لتحت
طارق . نزل شناطي وهي تشوفله هي خيرك جامده
بتول . تلحق فيه بصمت
خشوو مجرد ماشافتها ريماس ارمقتها بنظره حاده
مليانه كره وركبت فوق ..
طارق . امي يالحنينه ..
لميس . اهلين حمدلله ع سلامه
طارق . هادي كنتك وانتي هادي عزوزتك
بتول . تشوفلها رفعت حواجبها بصدمه وتذكرت وين شافت طارق قبل تذكرت يوم صباحية شهد
لميس . وليتي كنتي بالسيف نصيبات
بتول . قريب تبكي
لميس . تعال انت
طارق . لحق امه
لميس . جايبها اهني تحرق قلب خوك ومراته
طارق . اني تزوجتها ع خاطر تحرق قلب اماليها نحرمهم من بنتهم زي ماحرمونا من حفيدنا
لميس . بس تصرفاتك معاها والعرس اللي درته ما يدل ع انك مجبور او بتتزوج انتقام ..
طارق . امي خيرك عاد ..
لميس . ه البنت تزوجتها للانتقام رد بالك تحط ف عقلك نقبلوها كنه ..
طارق . تي تمام ياسر ..
طلعت ندور ع بتول مالقيتهاش شبحتها واقفه ف الڤيرندا حاطه يديها ع بعض وساكته ..
طارق . شني اديري اهني ؟
طارق . ماجهزوش غرفتك ؟
زوجتي القنينه ..
بتول . انا مش زوجتك طارق خذيتني رهينه عندك
هز راسه وهو يشوفلها ..
بتول . اصحى يخطر ف عقلك حاجات اخرى
طارق . في عقلي هلبا حاجات بيقرص خدها
ضربت يده ب يدها وشافتله بتفنيصه ابتسم
...
طلع من الحبس بعد شهور ظلم شمس قوية
على وجهه طلعتله لحيه وكأنه مش 18 سنة
اللي يشوفه يقول ف العشرينات كابر ومتبهدل
فارس . زيزو ابتسم وبادله الحضن
فارس . حمدلله ع سلامه يابطل
زياد . ابتسم الله يسلمك
صالحه عيونها دموع ولدي
جاها زياد يجري حضنها
شهد تشوفله بعيون مدمعات ومبتسمه
زياد شهوده حضناته رايفت عليك ياجحش
زياد . نا اكثر والله
شهد ، تمسح ف دموعها
اسلام . حمدلله ع سلامه ..
زياد . الله يسلمك بونسيب وين باتي
صالحه . ماشي يجيب ف بتول بعد برائتك ماعندها عليش قاعده غادي
هز زياد راسه بحزن وركبو سيارات وتحركو
شهد . نا منقدرش ننزل لعيال وحدهم مسيبتهم
صالحه . انزلي محمد يبي يجيب لحم نشوو وبتول جايه
شهد . والله مانقدر سلمي عليهم
صالحه . باهي وحده وحده ف طريق
اسلام . يانسكم ياعمتي
صالحه . سلمك ولدي
..
منى . زيزو ياجحش
ضحك زياد
منى . كفاره يامعلم
ضحك زياد عليها
منى . الحبس لرجاله والله
زياد . ان شاء الله تجربيه
منى . مبردك
عموري . قارن حواجبه امي البسي محرمه
منى . عليش
عموري . ف راجل هنا كنك
قعدو يضحكو عليه
الاء . هذا خالو ياغبي
صالحه . نجيها الشاطره
زياد . نمشي ندوش نا
فارس . نمشو نحلقو قبل وانت تقول داعشي 😂
ضحك زياد وطلع مع فارس
صالحه . كابر شفتيه
منى . كلنا كبرنا
صالحه . حطت يديها ع عيونها وبدت تبكي
الاء . حضنت صالحه خلاص جديدا خلاص
منى . تضحك ع بنتها
وصالحه . باست الاء
...
مقعمز ع كوفني سيارته لابس قميص اخضر فاتح
وسروال امريكي ونظارة عسلي شوي طلعت اسماء
ومعاها ماجده ..
محمد . شجو
ماجده . حمدلله ع سلامه زياد
محمد . الله يسلمك
اسماء . مبتسمه وهي تشوفله شجو
محمد . تمام وانتي
اسماء . حمدلله وركبو سيارة وتحركت بيهم
محمد . بوي ماشي يجيب ف بتول
اسماء . معقوله تسيبوه بروحه ..
محمد . صكر راسه
ماجده . ان شاء الله يروحو طيبين
..
بتول . تحكي من جدك ..
شهد . والله طلع براءة اصلا هو دفه بدون قصد ولقوه المجرم كيف راجلك ما قالكش
بتول . هزت راسها عشان هك اليوم بذات روح بيا طرابلس
شهد . مايبيش يرد بيكي هنا قصدك
بتول . باتي بيجي ياخذني
شهد . اها طلع من امس ف الليل
بتول . تمسح ف دموعها الحسن مات ياشهد
شهد . عيونها امتليو دموع الله يرحمه
بتول . كل شي ليا بالمرار والقهر
شهد . ربي يعوضك خير ان شاء الله اسمعي بنصكر
عشان اسلام جاي
بتول . اوكي صكرت تليفون ومسحت دموعها
اسلام . ركب سيارة شاف مرته عيونها مدمعات تبكي
شهد . لا خش ف عيوني عجاج خذت منديل تمسح
اسلام . جبت اميه شاورما طريق طويله مزال
شهد . سلمك جياب تغدو ووصلو للحوش
اروى. مش عيد زواجكم اليوم امشي وخليهم
شهد . لا عيب من فجر وهم عندكم
اروى . امشي امشي دلعي خوي مسكين
ضحكت شهد نجكليا فتحت شنطتها هاك عطتها 50
اروى . نجيها الكريمه
ضحكت شهد وطلعت
اسلام . وين عويل
شهد . اروى حلفت قالت ندزهم بعدين مع عمي
اسلام . اهم حاجه مايضايقوش امي بس
شهد . متخافش انت هي روح بيا بنرقد تعبانه
اسلام . حاضر ياقميل
...
بتول . ليش ماقتلي خويا بريء
طارق.من قال بريء هو اللي دفش ولد خوي ع سيارة
بتول . عشان ولد خوك هو اللي نابش وشافو رسائل واصحابه شهدو ع كلام هذ وبعدين المتهم اللي دعس ولد خوك قبضو عليه ليش ماخذيت اخته
ضرباته ع صدره ليش ليش ولا ماتقدرو غير ع ضعيف
طارق . استغفر الله العظيم
بتول . روح بيا لهلي مش لقيتو المجرم
طارق . حتى خوك له يد ف اللي صار
بتول . حطت يدها ع فمها ياربي ونزلتها بيش تفهم
طارق . بالياباني
بتول . ضيقت عيونها حد قالك قبل انك بارد
طارق . الوالد يطول ف عمره
بتول . من شني مصنوع انت
طارق . مخلوق من طين زيني زيك
بتول . هتندم ع اللي دير فيه هذ ظلم
..
مقعمزات ف الحاجر اسماء ادير ف سلاطه
ومنى ادير في نوع سلاطه اخرى والاء تاكل جولاطي
عموري يتفرج ع اسماء ..
منى . ياربي ه الولد يطلع بتاع بنات
اسماء . تضحك
منى . امشي حبيبي العب
عموري . شاف ل اسماء نلعبو عريس وعروسه
اسماء . نهار احرف وضحكت
منى . شكلك تربش ع حكه فلفل ف شواربك
محمد . قاعد يولع ف الكانون
وجنبه صالحه تساعد فيه وماجده مقعمزه تفرج
ع خشة زياد سلمو عليه وبدو يحكو وهك
وفارس ولع نار

خش اسلام شاف الاضويه طافيات وشقه مظلمه
ومافيش صوت للصغار خطى اخرى شاف شموع
ورد منثور وطاوله عليها شموع وعشاء ابتسم بعدين طلعت شهد مكيجه ولابسه قفطان اسود مبتسمه
اسلام . حط صوابعه ففمه وصفرلها
شهد . حطت يديها ع رقبته متذكر شن مناسبة
اسلام . باسها هو نقدر ننسى وطلع علبه من جيبه
فيها اسوره ذهب كل عام وانتي مرتي وحبيبتي وعيوني الاثنين ضحكت وهو ضحك معاها نعلي منك
شهد . ومنك
..
مقعمزات يشربن ف قهوة ..
ريماس . خايف عليها طول الوقت ف دارها
لميس . نتخلصو منها
ريماس . خليها عليا هنحطلها سم ف الماكله
لميس . كيف خوها طلع بس خاطري نعرف..
سمعو صوت عياط
جمعه بنتي جيبولي بنتي
نزلت بتول تجري ب شعرها طارق شافها بتول
بتول طلعت وهي تعيط شافت بوها هي واقفه ف الحاجر او لجنان وهو ورا باب كبير الحديد يشوفلها قال بنتي هي نادت عليه بابًا كانت هتمشيله بس طارق مسكها ويخشش فيها وهي تعيط باباا
جمعه افتحوووو ولدي برئ مش هو اللي دارها مش هو واللهي واللهي
بتول حول يابابااااااا
...
ملتمين ف الحاجر كلهم ع طاوله
صالحه . والله القعده الحلوه هذ ناقصها شهد وبتول
ماجده . اي والله
اسماء . شهد الكلبه كان قعدت مرايفه عليها
محمد . تبسي لشوايات وصل هاك حماتي العزيزه
ماجده . ضحكت
اسماء . تشوفلهم
محمد . عمتي ماجده بنخطب بنتك تعطيها لي ولالا
ماجده . عطيتها لك مش اتفقنا قبل
محمد . لا نبيها نهاية شهر مراتي
ماجده . على بركه الله
منى . زغرتت
ضحكو عليها ..

طارق خشش بتول لدار وقفل عليها وهي تخبط افتح افتح بنمشي خوي بريئ طلع افتح خلوني بنمشي
طارق . فات الاوان يا شرقاوية وليتي حلالي ومش مفرط فيك ..
جمعه . يخبط ع باب الحديد ويبكي ويقول بنتي
واحد من رجال الامن امشي من اهني احسن مانتصلو بالشرطه نحترمو فيك ع خاطر شيباني
جمعه شاف فوق شافها ف روشن حطت يدها ع قزاز روشن وهي تبكي وهو شافلها بحزن وقله حيله
يتبع ..