ضحايا بلادي

الرابع والخمسون

ضحايا بلادي
"مجزرة العشاق "
بقلم يحيى إدريس
البارت الرابع والخمسون "54"
مقعمزه في الفيرندا وتمطر بقوة وقدامها مق نسكافي وسماعات ف وذنها ..
•لو ماندمتش ع الايام اللي بعدتها ..
•لو مادفعتش تمن الغربة اللي انا عشتها ..
•لو ماشربتش كاس المر اللي شربتها ..
•مبقااااش انا ..
دموعها ينزلو مع كلمات الاغنية حست بصقع
حضنت نفسها جت قعمزت جنبها اسماء ..
اسماء لابسه شال وطاقيه ولافه ع روحها بطانيه
تقول ارررر صقعععع يابنتي خليتينا ف لسميطري
ركزت عليها حاطه سماعات ف وذنها واضح انها باكيه شربت من شاهي وهي تشوفلها بضيق ..
لعند ماشهد انتبهتلها حولت سماعات وقالت
مش عارفه ليش كل مانقول نسيت ونشوف حياتي
يجي يقلبها يدمرها وهو عادي عايش حياته ليش
يحب يأذيني ينغص فرحتي لهدرجه كنت عمياء
حبيت واحد هكي انا مافيش ولا ميزه لدرجه هو يعيش ويتزوج ويفرح وانا نبقى ع اطلاله وين مايشوفني تقدمت خطوه يجي يخرب كل حاجه
ويكسرني يحب يشوفني مدمره مع اني نسيته
شافتلها اسماء بحزن ومعش عرفت كيف تواسيها
شهد . خاطري مره مره بس ننحب انا ديما نعطي ومعمريش خذيت كل ناس تاخذ مني حب ومتعطيش شكله مكتوب علي هك طول العمر ..
اسماء . الطيب ديما مبتلي ربي يجرب ف صبرك
شهد . تعبت انا معش عندي طاقه لتحمل صفرر
اسماء . صدقيني عذابك هذا معناها مزال ف فرصه لبعضكم ..
مسحت شهد دموعها فرصه تعرفي وعدني انه عمره
مايخذلني ولا يسيبني انا كنت منأمنش بالحب ونشوف فيه خرافات هو جبرني على حبه فرضه فرض ولما حبيته تخلى عني قالتها بصوت مخنوق
اسماء خذتها ف حضنها وشهد تبكي بالعبره ..
اسماء . تمسح ع ضهر شهد غمضت عيونها بقوة وتبكي من جدها ..
..
خوذها معاك ولدي الله يربحك تدهور شوي
الحسن طالع نحش مرطزه وتعب مش ندهور
رقيه . عشاني تربح
الحسن . باه وسن يا وسن
طلعت من الكوجينه وف يدها المنشف نعم ..
الحسن . وتي روحك نمشو
وسن . وين
الحسن . نرجى فيك ف سيارة تأخري دقيقه نمشي
وسن . عمتي
رقيه اجري اجري متبحتيش فيا
ابتسمت وسن وخشت تجري لبست ع سريع
وطلعت شافاته يدخن عزق سبسي ع الارض
وركبو سيارة تحركت بيهم ..
رقيه ردت ستاره ع روشن بعد كانت تراقب فيهم
قالت ربي يحنن قلبه عليها ومشت تنظف ..
..
حاطه يدها ع خدها وتشوف لمطر من عند بلكوني دارها دق الباب وانفتح هي برمت شافت عمتها ..
ارويدا . تبي حاجه عميمه
هند . انزلي طيبي الغداء هي وقت
ارويدا . اعميمه عادي نحكي معاك شوي
هند . رفعت حاجبها وقعمزت ع سرير قولي
ارويدا . اقنعي وليد نمشي لمدرستي
هند ، ارويدا يابنتي المدرسة لناس الفاضيه لا وراها راجل لا شي تقوى بنتي لو تزوجت مش هنخليها تكمل دام حصلت راجل تهتم براجلها وهله ...
ارويدا . بس
هند . شنو تلاطعي في انتي ولا شنو
ارويدا . عيونها دمعو حلمي نبقى دكتورة
هند . دكتورة ضحكت ياخيتي هابا رحاب اختي الذكيه قاعده عند هلي لعند توا وتعاني هي وطب
حتى من دارها ماتطلع بعدين ولدي واعر وحمش
احمدي ربك لليل نهار تزوجتي واحد كيف ولدي مال
وجمال وين تلقي كيفه غيرك يدعن لليل نهار هي خلي عنك لقطاف الفاضي وانصبي الغداء قال قرايه قال ..
ارويدا دموعها نزلو رفعت راسها فوق وهي محبطه
وعن وليد ..
شاف اصحابه ..
عيطو اوووو العريس نورت جامعة ..
ضحك وليد وكور يده وسلم عليهم بقبضه يده
اخر واحد صاحبه المقرب بالحضن بالحضن ..
شنجو الزواج معاك ..
وليد . عسل
نقولو نسمعو توبة وليد الشاني من البنات
خطمت من قدامه بنت طرف طلقه ..
رفع نظارات فوق شعره ابتسم وغمزلها
والبنت ولا عبراته ..
شباب اوووو مزلط
وليد . حطيتها ف راسي نجيبها نجيبها
...
بدت المحاضره ومنى تسجل ف كل كلمه تقولها دكتوره لعند ماكملت وطلعت طول من محاضرتها
لبرا جامعه شافت شهد ..
ركبت جنبها ..
منى . ماعندكش محاضرات ..
شهد . اليوم عندي راحه مزلت بنمشي لمحل ..
منى . بنتعلم لسواقه
شهد . لما نفضى هنعلمك
منى . وجك كنه
شهد . شي ابتسمت من صقع
منى . بكلل سممم
رن تليفونها ضحكت منى ..
منى . الو ياماما
صالحه . هاكي عموري
اعمر . شيبلي كاكا " شوكولاطة "
منى . حاضر
اعمر . واياره " سيارة
منى . حاضر
اعمر . وسيل "عصير"
منى . مافيش بوسه لماما اي حاجه
اعمر . لاااااه
منى . باهي باهي منكش اوليدي معش ف شوكلاطه
اعمر . اص اص هبيبك نا
ضحكت منى وضحكت صالحه ..
منى . تبو حاجه اخرى
صالحه . سلامتك
صكرت منى
شهد . شن يبي الجالط
منى . طلباته المعتاده ..
شهد . منى مدلعيش واجد يفسد
منى . بنعوضه عن بوه مانبيش نحرمه
شهد . نصحتك وعلى كيفك
ومنى مش متقبله نصيحه شهد ..
...
ياسمين . اسمعني بس
اسلام . مانبيش خبط يديه ف بعضهن خلاص انسيني انا معش نبيك
دمعو عيون ياسمين هتندم ياااسلام
اسلام تي ندمت اني خذيتك خلي عندك دم ..
ياسمين . ترحم ع خوك هنقوللهم اسلام عارف مكانه  ..
اسلام . قولي
ياسمين . انت قررت تحمل نتايج افعالك خذت شنطة دبشها وبدت تلم ف دبش ..
نزل اسلام شاف امه واخته ...
اسلام . فرحانين تهنيتو هكي كذبتو علي هي بيني وبينها ورقه انتن شن ندير فيكن ..
نعيمه . ياولدي انت هك ادمر عيلتك تخرب حوشك وتسبب لخوك ولنا كلنا ..
اسلام . نا ضحيت عشانكم مره ودفعت ثمن غالي بس خلاص معش يهمني حد اهم شي نفسي انتو محد فيكم صارله شي ولو في حد مفروض يدفع
ثمن ف هو بنتك هذي نجسه كله من وراها ..
اروى . تقول نا اللي قلت ل اكرم اقتله
اسلام عض شفته سفليه بقهر وقول ل اخته طاح فيها ضرب ياسمين نزلت بشنطه دبشها شافتلهم بحقد ونعيمه تحز ع بنتها طلعت ياسمين وهي
تدعي ع اسلام ..
...
شهد . كانت ماشيه تقوله انها موافقه ع موعد العرس بس اللي سمعاته خلاها توخر ..
س
ياذيب كان متنفذش العمليه ترحم ع نفسك ..
غيث . وطي حسك انت قاعد ف مكان محترم
منقدرش الفترة هذ لعيون عليا ف حد يراقب في
مدخلنيش البضاعه نبيها ف اسرع وقت والا نصفيك
وانت تعرف
غيث . انا منتهددش فاهم عارف كويس نا من ..
ولأني عارفك عشان هك جيتك طلع تليفونه شوف
اي حد قتلته بيديك انا مصوره كان متبيش الحاجات
هذين يسربن تنفذ اللي قتلك عليها خصوصا سمعت انك خاطب بنت حلوه وصغيره ...
غيث رفع صبعه.اصحك تهددني بيها ولا تقرب عليها ..
انت نفذ اتفاقنا بس ونا ماعنديش شغل بيها
شهد شهقت حطت يدها ع فمها وخرت هاربه
مش مصدقه اللي تسمع فيه طلعت بسرعه بدون
ماتحس بالناس اللي حواليها فتحت باب سيارة ركبت حطت يدها ع رقبتها بتتنفس فتحت روشن
غمضت عيونها ياربي شنو هذا ياربي ياربي نا شن
درت ف عمري ..