ضحايا بلادي

ضحايا بلادي "مجزرة العشاق"

#ضحايا_بلادي "مجزرة العشاق"
الحلقة العاشرة
بقلم يحيى إدريس.

كانت العاصفه هذي بداية المشاكل الحقيقية ف العيلة يمكن اللي صار قبل اليوم هذ هيكون يختلف
عن اللي بعده اعتراف بتول غير مجرى حياتنا ..

صالحه . مخليينا عايشين ف المر لا لبس ولا وكال
انت انت تنظف ف مكاتب وعندك لفلوس هذين
جمعة . فلوسي كيفي حر مالي ونا حر فيه
صالحه . ليش ليش اطيح في سعدي وتكسر ف مجاديفي وانت عندك ه لفلوس هذين كلهن
جمعة . بالك تبي منهن هذين نا نبي نكون روحي ونجوز
صالحه . طيح سعدك طيح سعدك غير اقدر علينا نحنا بعدها اجوز انت راجل انت ياللي تنظف المكاتب ياللي مخليني نشحت ونطلب من اللي
يسوى واللي مايسوى مخلي ولدك يشتغل وهو
مزال طالب قعدت تندب وتخبش ف وجهها ...
منى . تحاول تمسك امها بس مافيش فايده
بتول قعدت تبكي على حالة امها ...
محمد . اطلع اطلع برا
جمعة . من اللي يطلع هذ حوشي مانيش طالع منه
شهد . تشوفله بكره
منى . بتول زياد خشو جوا مشو يجرو لدار يتباعو
جمعة . وتو روحكم الفرح بعد شهرين
صالحه . قعدت تبكي
ومنى وشهد يواسن فيها ..
زياد ضحك . بوي يبي يتزوج زعما عروس سمحه
بتول . فرحان ياغبي بوي اما يتزوج يجيبلنا وحده شريره زي كارولين
زياد . الله زي كارولين شعرها اصفر الله
بتول . لنقنك الا بارد
زياد . انتي البارده لولاك مصارتش العركه اصلا
وصوت صالحه تبكي ف صاله مزال ..
خشت عليهم شهد بتول تعالي شوي
بتول لحقت اختها كانت صالحه مقعمزه ف صالون
ف نص ويمينها منى ويسارها محمد
صالحه ببكاء . من امتى تعرفي
بتول . ايام فرح منى جا عمي وسمعته يحكو هو وبوي
صالحه . ودسي عليا دسي الفترة هذي كلها ياخسارة تضحيتي وشبابي ياخسارة عمري اني ف شن قصرت
معاكم بيش تطمرو عليا
بتول . خفت يمي قالي نقول كذابه
صالحه . امشي خطي وجهي
منى . خالد يرن الو
خالد . نا برا هي
منى . باه ناضت هي تبو شي
صالحه تمسح ف دموعها سلامتك سامحينا يابنيتي نكدنا عليك
منى . مش برانيه نا ولبست وطلعت
محمد . يمي ناخذك عند خالي
صالحه . حتى خوي هنخسره وفنصت ف شهد
شهد  . خشت لدار وسيبتهم
وصالحه مزالت تبكي

انفتح باب الفيلا
كانت كامله تحكي مع حنان ع تليفون
خالد . السلام عليكم
كامله . وعليكم سلام هي حنونه نكلمك بعدين
جو عيت خالد بسلامه خير شنو حالكم
خالد . الحمدلله
منى . خير ياعمتي كيف حالك
كامله . بخير شن حال هلك
منى . كويسين يسلمو عليك
كامله . سلمك وسلمهم
منى . انا بنرقى عندي دبش يبي غسل
كامله . خوذي راحتك
خالد . اقعدي توا نرقو مع بعضنا
كامله . خليها ع راحتها عدي ارقي
منى . لا توا نقعد
منى . وين البنات
كامله . امس كانن هنا بعدين معروفة جمعة عند هل دارهن
خالد . ورحاب حابسه روحها ف دار
كامله . فكنا منها يسمعنا بوك يقول هذي دكتورة ماتدكدرت كان هي بعدين شافت لمنى بضحكه غالي عليا لبصاره نقرم حتى ف بناتي
منى . ابتسمت مجامله
خالد خذا تليفونه ومفاتيحه نرقو
منى . هي
كامله . خذت تليفون لا عدو توا رقو
حنان . كيف مفروض تعشو معاك لما لقوك بروحك
كامله . هك اريح بعدين ماننسجمش معاها دمها ثقيل
حنان . احكيلي شن صار بالتفصيل
وكامله تحكي لبنتها اللي صار وحنان تغلي