ضحايا بلادي

الحادي والثلاثون

"اعتذار ع تأخير بسبب مرضي فترة اللي فاتت "

ضحايا بلادي
بقلم يحيى إدريس
الحادي والثلاثون
احداث الرواية سنة 2013..2023..

سجن قرناده ..
بعد ماانتهى من صلاته بدا يستغفر
قدم واحد وقعمز حذاه الحاج ابراهيم
ابراهيم شافله. يسمع منك ربي ان شاء الله
ناصر . ان شاء الله سمعت عنك الكثير والكل يمدح فيك
ابراهيم . سلمك وسلمهم
ناصر . سمعت ايضا انك هنا بعد نظفت شرفك و
ابراهيم . فنص فيه
ناصر. والله لا اقصد شيئا لكن هذا يدل ع انك ملتزم
ابراهيم . رفع صبعه كله الا شرف ودار حركه بمعنى ذ***ب ***ح
ناصر . ابتسم قليلون الذي مثلك
ابراهيم . هز راسه
ناصر . انني اراك كل يوم هنا لا تفوت فرضا
ابراهيم . الحمدلله انت شن جابك هنا شكلك شيخ
ناصر . مظلوم انا هنا بعد ماضربت رجلا بنته تخرج بدون حجاب وهو يهز راسه وراها
ابراهيم . ربي يهدي
ناصر . المهم ياحاج اريد ان تنضم معانا
ابراهيم . ننضم ل ايش انا مؤبد هنا
ناصر . سنخرجك نحن
ابراهيم . كيف من انتو
ناصر . نحن حزب الله نحن انصار الحق
ابراهيم . فنص عيونه ..
...
تجري لعند وصلت ف بتول اللي تعيط
شهد . بويا وين
بتول . شيرت ع دار
شهد . خشت شافاته راقد ع سرير وعيونه مفتوحات
شهد . بويا
جمعه . تجمعو ف عيونه دموع
شهد . حمدلله ع سلامتك كنك شن تحس
جمعه . خانتني مع ولد خوي
شهد . نزلو دموعها مسحتهم ربي جازاهم واندفسو
جمعه . حتى نا جازاني وكسرني زي ماكسرت يديك
شهد . بعيد سو عليك
جمعه . مسامحتني
شهد . مسامحتك انت بوي نزعل منك صح لكن مانشيلش عليك
جمعه . ابتسم وامك
شهد . شافتله بحزن مهم تنوض طيب انت وساهل
بتول . عيونها دموع وترجف
الحسن . كنك قاعده هنا
بتول . شافتله وعيونها دموع
الحسن . حط يده ع شعرها متخافيش بوك كويس
بتول . شفتهم ماتو شفتهم دم دم
الحسن . بتول انتي كويسه
بتول . رجعت " حشاكم "
مع جية محمد ..
محمد . بتول وين باتي
الحسن . بوك كويس بتول اللي مريضه توا
محمد . كنك شن هذا انتي من جدك ترجعي هنا قرف
الحسن . بشويش يراجل مريضه البنت
محمد . منقرف ورقيتله امشي لحمام ورفع يده بعصبيه
الحسن . فنص فيه بشويش قاعده طفله
محمد . مش وقتك برا انت الاخر

...
نعيمه . لولاي كنتي توا تحت لتراب مش علشانك عشان ولدي مايعفنش ف لحبوس تفلت عليها هذي
اخرتها يااروى هذي اخرتها تركبينا العار وديري هكي فينا
اروى . ماما اسفه
نعيمه . اسفه على شنو خوك المنقهر مكسور بين اصحابه بوك اللي تعب مارقد ليل بكل من كشفتك
صورك ع نت دزي فيهم لرجاله يافالته يامش متربيه
اروى . مش رجاله راجل واحد بس
نعيمه . ماهو من راجل وصلن لباقي الرجاله
اروى . تبكي وخلاص
نعيمه . شن قصرنا معاك بيش ديري هكي بس كان يعلم اسلام ياناري ع ولدي الغافل لو يعلم بيكينهيك
اروى . لا اسلام لا يمي حي علي يعرفه يعرفه
نعيمه . خايفه على صاحبك ياساقطه ومش خايفه علينا
اروى . تبكي لا
نعيمه . خوك مخليتش يلمسك بس نربيك من اول وجديد وبدت تشد في شعر اروى من عند لجذور واروى تعيط وتخبط فيها بكل قوة ياكلبه ياحقيره ياتافهه سودتي وجوهنا فضحتي بينا الله لا تربحك
ياالله وتضرب بكل قوة لعند اروى جسمها فشل ودموعها وطايحه وصايره فيها حاله ..
نعيمه رفعت صبعها بتهديد تليفونات انسيهن نت انسيه طلوع برا الحوش بحححح حتى مدرسة معش في
اروى لا ياامي مدرسة لا
نعيمه . متلمسينيش يانجسه ياحقيره
اروى . تبكي حرام عليكم بنتكم
نعيمه . مش بنتي مش بنتي حقيره وطلعت قفلت الباب
اروى . تبكي
....
نفس الشي مع صحبتها اسماء 
اللي طايحه ف دارها من امس لا وكال لا شرب لا تليفون كل شوي تبكي وترد ترقد اطراف جسمها
كله وجع وتعيط بويا وينك يبويا وامها حاطه وذنها قدام الباب تسمع ف بنتها تبكي وتبكي معاها
..
منيره اللي تندب ع ولد خوها وشيماء حاضنه رنده وتبكي معاها ..
وصالحه اللي تفرج على رنده وكلامها وتبكي معاها ..
رنده . وليدي جيبولي وليدي بنشوفه بنشوفه ..
منيره . يانعلي يامروان يانعلي يالصغير ياحبيب عمتك ينعلي ينعلي يامروان
عتيقه . تبكي وخلاص
كل اللي يعرفوه ان مروان مات عن طريق واحد من مجرمين هذ بنسبه لصبايا اما عبد الرحمن وعياله
عارفين كل حاجه بس يسترو ع القصه ..
..
خشت لجامعة وكل العيون عليها مش جمال شكل
بس جمال لبس وحضور وشخصية كانت منى جذابه
وشخصيتها قوية وعندها كبرياء تمشي وماتشوف ف
حد رافعه خشمها وابتسامه كبرياء مرسومه على وجهها مشيتها كأنها ملكه راقيه ف كل شي وملفته
البنات شهقن اول ماشافانها عرفتنها هذي ..
لالا من هذي بنت وزير ولا سفير ..
تي هذي منى اللي كانت تقرا معانا ..
تكذبي لالا مستحيل مش تجوزت هي ..
منى عبايه وشاح قصدك كذبه ..
اصبرن وشوفن والبنت مشت تجري تعيط منى منى
منى تسمع فيها تنادي عليها بس مبتش توقف ولا تلتفت ماهو عندها كبرياء وعنفوان والبنت تجري وراها لعند وصلت قدامها حطت يدها ع قلبها دهشتيني انتي منى كنتي معانا صح ف الهندسة
منى هزت رفعت حواجبها باابتسامه اها نا من انتي
البنت بضحكه فردوس وسلمت عليها نسيتي ..
منى . معلش من كثر ضغوطات ننسى
فردوس . ربي يعينك شن معش شفناك قلنا راجلك قعمزك ف الحوش
منى . لا وقفت قيدي وتوا رديت
فردوس . غيرتي تخصصك
منى . لا بس رديت نكمل سنة ثالثه
فردوس . نحنا ف رابعه توا
منى . مافرقتش سنة بس
فردوس . ماشاء الله عليك حليانه ومتغيره متريحه ف زواج
منى . للاسف كان خاطري نحكي اكثر بس تأخرت
فردوس . عطيني رقم تليفونك
منى . هنبعتلك نا رقمك مزال عندي
فردوس . ابتسمت البنات مش مصدقات انك انتي
منى . بنات من
فردوس . بنات الدفعه
منى . وين هن
فردوس . شيرت عليهن
والبنات منصدمات . طلعت هي والله
منى . رفعت يدها وشيرتلهن هي سلام انا
فردوس . مشت تجري لصحباتها صدقتن
البنات . سبحان مغير الاحوال بعد كانت عبايه وشاح
فردوس . شكله راجلها فلوس ريت دبله والاسوره
البنات . الشنطه باين عليها زارا
فردوس . ولا لبستها تي شفتها هذك اليومات ف صفحة ع نت الجاكه بروحها ب 850 وعطرها عليك عطر شوفن ريحتها علقت فيا لما سلمت عليها ..
البنات قربن من فردوس الله اسمعي متدوشيش
خليك ب ريحتها هذي ع اساس عطرك انتي
فردوس ضحكت عليك سرايف قعدنا بعد كنا نتهزو عليها وعلى لبسها كيف قعدت ..
وعد . يادي الحلق ياللي مالو ودان ..
منى . خشت للقاعه حي شكلهم صغار منظري عبيط
الشباب يشوفولها ب اعجاب وبياكلوها وكال اما البنات منقهرات وغايرات منها منى مشت وقعمزت
ف المدرج وحطت رجلها فوق ثانيه ودفتر ع درج
بدت المحاضره وهي مركزه تركيز تام مع دكتورة
عكس باقي الطلبه كانو مركزين معاها هي جت بنت
حذاها انتي جديده سنة اللي فاتت مكنتيش معانا ..
منى . نا كنت ف ثالثه وقفت عشان اجوزت ..
البنت . ماشاء الله متزوجة انتي شن اسمك
منى . منى وطبعا نا مفروض متخرجه من 2011 بس الهندسة واعره سنة اولى قعدت فيها سنتين
البنت . ليش كم عمرك
منى . مفروض انتي بنت وعارفه ان موضوع العمر يضايق
البنت . انا عمري 24
منى . حي خلاص انا عمري 26 سنة
البنت . العمر كله ان شاء الله
منى . سلمك وخذت شيتاتها وطلعت اصلا دكتورة كملت محاضرها وهي طالعه شافت شهد اللي تفاجئت
شهد عيطت . منى شن ديري
منى . سلمت عليها بالخد شخبارك
شهد . تمام رديتي تقري
منى . هزت راسها للايجاب
شهد . فرحتلك وحضنتها
منى . شن عندك توا
شهد . ماعندي شي محاضرتي بعد ساعة جاية بدري
منى . عازمتك الفطور مالا
شهد . منقولش لا
ومشن مع بعضهن لكافيتيريا ..
منى . حطت شنطتها ع طاوله ابيه شن تطلبي
شهد . انتي تفهمي خير مني حاجه على ذوقك
منى . معلش 2 كافي لاتيه واثنين كريب ..
شهد . عجبتني لبستك
منى . اقل حاجه عندي يابيب
شهد . ضحكت
منى . شهد شن وضعك مع اسلام
شهد. كويس
منى . تبي نصيحتي
شهد . شافتلها
منى . مش لكي هيبقى معلقك معاه كم سنة لعند مايتخرج وبعدين عيشتك شقا ومرار تبدي تضحي
ويكمل عمرك تضحيات عشان شنو حب وكلام فاضي
شهد . اسلام كويس ومايتعوضش
منى . حبيبتي قدري قيمة جمالك والله لو ترفعي صبعك يجيك احسن واحد بفلوسه وماله وجماله
ويعيشك برنسيسه ويدلعك احسن دلع اتبعيني
شهد . تغيرتي يامنى
منى.خايفه عليك مانبيكيش تعيشي ف الفقر والعازه
شهد . فقر وعازه اسلام يقرا معاي يتخرج يبقى مهندس
منى . عنده واسطه متقنعينيش في فرق مش كل من تهندس قعد فلوس ماملي مهندس وشاطر يكح تراب
شهد. من الاخير يامنى شن تبي تقولي
منى . عادل سلفي عجبتيه وشاريك ورا عادل حالته احسن من خالد ب وين لانه عادل يخدم مع عمي اعمر خالد مش معتمد عليهم خدمته ف الشرطه
لكن عادل هو الكل ف الكل عند باته تبي تكسبي وتعيشي ملكه فوتي اسلام بتاعك مايجيبلك غير الهم
شهد . لا مش كل شي فلوس يامنى الحب اهم ب واجد
منى . الحب بعد زواج احسن
شهد . مستحيل حد يحبني كيف اسلام بعدين خوذوهم فقراء يغنيهم الله
منى . معبطك ياشهد بكرة تاكلي صوابعك ندم
شهد . تاكل ف كريب ومعدلتش عليها
منى . شافتلها بعدين خذت رشفه من فنجالها
شهد . عندك علم
منى . هزت راسها بالنفي
شهد . بوي وقبل ماتكمل جملتها
منى . رفعت يدها ف وجه شهد مايهمنيش
شهد . هذ بوك يامنى كيف
منى . رفعت حاجبها وبعدين انتبهت ع تليفونها يرن
شهد . تشوفلها وخلاص
منى فتحت شنطتها ها حبيبي انت برا هي جايه
شهد . بتروحي
منى . هذ هو خلاص كملت نا اليوم محاضره وحده
شهد . تبعتها ب نظرها لعند اختفت من قدامها
سرعان ماقعمز واحد قدامها صباح الورد على احلى شهد
شهد . سينانو رايفت عليك
اسلام . حتى نا رايفت عليك يالوز شن فطرتي
شهد . اها فطرتني منى
اسلام . صحه ياعمري صحه وهنا
شهد . عقدت حواجبها من هنا
اسلام . يعني صحه وهنا صحه وعافيه
شهد . ضيقت عيونها اممم
اسلام . كنك
شهد . رفعت كتافها شي
اسلام . ميل راسه انحبك يافرخه
شهد . معش تقولها كلمه هذي
اسلام . انحبك يابطه
شهد . اسلام
اسلام . يانبضه
شهد . وجهها انحمر شن واخذ انت
اسلام . واخذك انتي
شهد . بعد قراية الفاتحة هذي
اسلام . ابتسم تعرفي انك حلوه
شهد . نعرف
اسلام . ضحك
..
خالد . شن انسجمتي
منى . اها جو سمح شفت شهد فطرنا وحكينا شوي
خالد . كويس درتي صحبات
منى . لااع انا اصلا منحبش صحبات وكذا
خالد . غريبه
منى . شن اللي غريبه
خالد . ثرثاره 24 ساعة تحكي توقعتك اجتماعيه
منى. معاك انت بس مع غيرك لا
خالد . ياعيني
منى . ياليلي
خالد.ضحك ولع المسجل
ع اغنية حاجه مستخبيه
منى . تغني مع حماقي وتعبر بيديها تشرح ف الاغنية
خالد . شافلها وابتسم
وصلو الحوش نزلت منى وراها خالد ..
كامله . وين كنتو
منى . شقلبت عيونها
خالد . ف جامعه
كامله . وقت جامعات كانك ما كملتيها عند هلك
منى . شخبارك ياعمتي كويسه
كامله . تشوفلها بحده
منى . انا تعبانه واعيه صبح نستاذنكم بنرقد ورقيت
كامله . شفت شفت اللي تكبرلها ف راسها
خالد . خذا يد امها وباسها وباس راسها وين سماحه
كامله . ابتسمت شرايك
خالد . رايحه ناقصه
كامله .واللهي وشافت لجسمها الجلابيه اللي واسعه
خالد . لا ناقصه اليوم سمحه طالعه ان شاء الله بنتي
تشبهلك
كامله . رفعت يديها ان شاء الله يارب
خالد . انا طالع لمقر
كامله . ربي يبعد عنك ولاد الحرام ويرزقك وينجيك وينصرك ع الاعداء شافاته لما طلع وصكر باب برمت وشافت لدروج قالت بهمس فوق ويفكك من ه البنت الحرام
....
محمد قرب طق ع الباب انفتح الباب وطلعله شايب
كبير ف العمر
محمد استغرب وشاف للحوش انت من
الشايب انت اللي من
محمد هذ حوش خالي الله يرحمه
انا شريته جديد منهم
محمد انصدم وطلع تليفونه اتصل ع اسماء عطاه مقفل مقدرش يرن على خوتها اصلا ماعندش ارقامهم اتصل ب ماجده وحتى هي مقفل
قعمز ع المارشبيدي ودموعه نزلو بعد تذكرها
اسماء . متخلينيش كيف بابا
محمد . مستحيل نخليك
اسماء . نزلو دموعها
محمد . متبكيش دموعك غاليات ع قلبي
اسماء . مرايفه عليه واجد يامحمد معش عندي اب
محمد . تنهد وقال نا بوك وسندك وحمايتك
اسماء . ابتسمت طول العمر
محمد . طول العمر ياصفرا تجينا بنيه صفرا كيفك
اسماء . وعد
محمد . وعد وصفاء وخديجه
اسماء . ضحكت وضرباته ع صدره بارد
محمد . يحبك البارد
وهو يتذكر ارتسمت ابتسامه ع وجهه مسح دموعه
هنلقاك ياعمري هنلقاك لو تحت سابع الارض ...