ضحايا بلادي

البارت 14

#ضحايا_بلادي "مجزرة العشاق"
البارت الرابع عشر
بقلم يحيى إدريس

محمد . اووو خال
عيسى . احميده شن الامور
محمد . تمام والله
عيسى . شخبار هلك
محمد . الحمدلله شن رايك بكرة نطلعو للبحر
عيسى . خلاص قولها لصالحه ونا واتي من تو
محمد . بكرة 9 صبح نكونو غادي
عيسى . تمام
اسماء . خير
محمد . خير
عيسى . تبي شي
محمد . نبيك طيب
تحركت سيارة عيسى
اسماء . شن كنتو نهدرزو
عيسى . بكرة نطلعو لبحر نحنا وحوش عمتك
اسماء . ابتسمت وهي تشوف قدامها
محمد . قطاطيس كنكن متفرقات
بتول . خير
محمد . هي ارويدا
ارويدا . امشو انتو نا نرجى ف خوي
محمد . ونا مش خوك ياشتشوته
ارويدا . مش خوي ومعش تقولي شتشوته
محمد . عقد حواجبه لبس نظاراته وقال لبتول هي
ف طريق
محمد . كنك انتي وارويدا متعاركات
بتول . تس
محمد . قولي كان ف حاجه
بتول . مافيش عرايك بنات عادي
محمد . والله انتن كبار وصغار محد يفهم عليكن
🌊🌊🌊🌊🌊🌊🌊

خشت شهد لقت بتول تبكي ...
شهد . بتول كنك من مزعلك
بتول . ارويدا تعاركت معاي
شهد . عشان هذ تبكي لصحاب ديما يتعاركو شوفي انا وبلقيس نتعاركو صبح ف العشيه نتصاحبو
بتول . ارويدا قالتلي انتي مش محترمه ومعش تجينا
شهد . عليش
بتول .كنت بنقول لحسن ع شريف بس رويدا ماخلتني
شهد . انتي غلطانه ليش تحكيلها ضامنه انها متفضحكش
بتول . نحسابها صاحبتي
شهد . دموعها نزلو وحضنت بتول
وبتول تشهق ...
..
صالحه . كيف يامحمد هك تصرف من راسك
محمد . خطبة متبوش تخطبوها لي وحتى البحر متبوش تطلعو معاهم
صالحه . سلم اوليدي فكنا
محمد . لو متبوش انتو نمشي نا
زياد . ونا
وطلعن بتول وشهد ونا ونا
محمد . يضحك ورفع حواجبه
صالحه . امري لله
والتمو عيالها وبناتها حضنوها ويضحكو ...
.....
ماجده . مش ماشيه
عيسى . كيف ياوليه كنك انتي
ماجده . هي كلمه اختك رفضت ولدي هي وبنتها
عيسى قلتها لك من قبل ما تكلميها مادخلنيش ف مشاكل هذين وماتطلبيش حاجه هك زواج نصيب
ماجده . اختك اهم من ولدك
عيسى . ولدي صايع فاشل واقسم بالله ياماجده كان ماتمشي حتى نا نقطع علاقتي بخوتك وهلك ومعش نمشيلهم
ماجده . خافت لا خلاص توا نمشو
وفي دار اللي جوا
مكالمه جماعية
اسماء بكرة ماشيين لمصيف الملك ..
اروى . الله حتى نحنا كان نمشو
اسماء . ونتلاقو
اروى . خلاص نقولها ل اسلومه ونرد عليكم
حنان . نا متشقوش بي
اسماء. كنك نفسيه انتي
حنان وهي تدخن . منحبش نطلع برا الحوش
اسماء . تمام ع راحتك
حنان . طبعا على راحتي مالا شنو ع راحه امك
اسماء . عليك جالطة
حنان . هي وجكن هي خلني نكمل سيجاره ع مزاج
اسماء . صكرت منها وهي تفكر ف بكرة ومحمد
اروى . طلعت لقت نعيمه مقعمزه وتنقي ف الباميه
اروى . امي 
نعيمه . همم
اروى . بكرة نمشو لبحر
نعيمه . زي ماتعرفي خوك اللي يشيل فينا زعلان من عمايل خوك سود ومعش روح
اروى . ولو خليته يروح
نعيمه . كيف
اروى . سيبيها عليا

عند اسلام يصلح ف سيارة يرن تليفونه الو
اروى . اسلام الحقنا امي طاحت علينا وتقول اسلام نبي اسلام
اسلام . شنو وطلع يجري ب لبس الشغل
وصاحب الورشه يعيطله ...
نعيمه . يامنكوبه تفاولي علي
اروى . هي طيحي بس وابدي نوحي
نعيمه . ينخاف منك ياشيطانه
اروى . ضحكت فتحت الباب طايحه ف صاله
نعيمه . اسلام اسلام
اسلام . انا هنا ياامي هي صبي معاي نشيلك مستشفى
نعيمه بلعت ريقها
اروى . تعرف شنو ناخذوها بكرة لبحر شكلنا محسودين
اسلام . كيف
اروى . سمعت يقولك بحر يحول الحسد ونحنا محسودين شوف قصتك مع اكرم ومرضة امي
نعيمه . اي والله محسودين
اروى . شيلنا المصيف الملك
اسلام . قعد يشوفلهم وخلاص

في الحاجر ..

شهد . واهي كيكة الاسفنجية جاهزه
بتول . ونا درت السفنز
صالحه . سلم بناتي الشاطرات
محمد . ابتسم ومسك بتول من خشمها ريت الفنشه
بتول تحسس ف خشمها . خشمي
صالحه . سيبها يااولد
وبدو ياكلو ويضحكو ومنسجمين

وعند بنتهم
طفت ع طنجرة لسبول وحطاته ف تبسي كبير
وكل واحد طاسه شاهي ومشت لصاله كان
خالد يولع في فيلم من اليوتيوب قعمزو مع بعضهم
ويتفرجو وياكلو ف لسبول
منى كانت متفاعله مع الفيلم
خالد يشوف لفيلم ويشوفلها حط يده ع يدها
منى ابتسمت وخذت طرف سبول انقلبت صونيه
منى . شن درت وكانت بتلم
خالد قرب عليها خليك معاي تو نلمه بعدين
منى توخر لين نزلت ع الأرض وخالد فوق منها
منى مش وقتك بكل
خالد هذ هو وقته وعدو 😂

رقيه  . صار طلعت بتول هي لبنيه
ارويدا . وقالتلي نقولها للحسن لكن مخليتهش
رقيه . شدخله فيها الحسن هي صايعه خشت عند راجل تحمل مايجيها
ارويدا . اها بعد الشريف اعتدى عليها خذت شيتوس وحاجات لكن بعدها عرفت انه حرام
رقيه . هابا عليها
الحسن سمعهم وخيط الفازه اللي ع مدخل
ناضت رقيه وراه
رقيه . الحسن مدخلناش بحد
الحسن . طلع وخبط باب وراه
رقيه . حي علي
الحسن . طلع يجري خش محل الشريف
الشريف فتح يديه اووو حسونه العين قابله بالحضن
والحسن يعطيه بوني ع فسخته
الشريف اي
الحسن ياخذه ويعزقه ع الفريز ويبدا يخبط فيه
والشريف ينزف ومش قادر يصبي وكل مره خابط
ف مكان والحسن ياكلب تعتدي ع بنات الناس
يامنحط بنت صغيرة ياساقط ...
والحسن يضرب ف الشريف بكل قوته
لعند الشريف طاح ودمواته يسايلن
والحسن يشوفله بغل ضربه كارشو صبي
والشريف لا رد
الحسن رد ضربه اخرى
الشريف ولا ساكن
الحسن شاف لشريف وفنص شكله مات

يتبع ...

تفاعل ركزو ع قصة الحسن وشريف وبتول هتبدا من هنا وتكبر وتعرفو عليش اسمها مجزرة 😁😁😁
هي تفاعل وبكرة منى شن ادير ف العزومه وشن الغرض منها وقصة اسلام وشهد كيف تطور
وقصة الحسن وين توصل وبتول هتنفضح او لا
ضحايا بلادي ...