ضحايا بلادي

84

كان زياد يبيع في الممنوعات
وتجيه كبسه شرطة تقبض عليه وزياد
يشوف يدور ع حد يعرفه ومش قادر ركبوه
سيارة وهو منصدم وجهه اصفرر ومن بينقذه
وهله ف مناسبة ومش فاضيين له من الاساس
..
شهد . هي ماما
جوري . لا بيش
شهد . نا بنروح وخوتك بيروحو شقتنا
جوري . لالا لا ابي لولي هنا
بتول . خلاص خليها
شهد . وترقدي بلاي يا جوري
جوري . حضنت بتول
شهد . باهي باهي بعدين قالت هي ياجوري
صالحه . خلاص خليها يومين توا تاخذوها
شهد . تمام هذ شنطتها وهذ
بتول . باه
شهد . برمت وباست راسها امها سامحيني
صالحه . شافتلها
شهد . حضنتها زين
لعند . بتول وصالحه استغربن
شهد . اوكي بتول
بتول . اوكي
شهد . قربت من بنتها وباستها باي مامي
جوري . باي
وطلعت شهد شافت بوها يسقي ف الغرسات
شهد . يعطيك صحه بابا
جمعه . كانك مروحه خليكي بنتي
شهد . منقدرش وخشت ف حضن بوها بس خليتلك نسختي
جمعه . انتي مافيش منك وباسها
شهد . ابتسمت وحضناته زين
فارس . اووو الاب وبنته ديما مع بعضكم
شهد . رقصت حواجبها وخشت ف حضن بوها اكثر
مع نزلة رحمه
رحمه . ماشيه
شهد . اممم
رحمه . سلمت عليها بالخد وقالت راجلك يكلكس
شهد . ضحكت وقالت خليه وجت بتطلع مع خشة محمد ومرته
محمد .. كيف مروحه
شهد . امم مبروك ياعرسان
كلهم الله يبارك فيك شهوده برمت وهي مبتسمه
شافتلهم شيرولها وابتسمو طلعت شافت منى
والاء وعموري ..
منى . مش نقولك فكك منها هند
عموري . بارده هي
ضحكت شهد
منى . مروحه
شهد .. لا مكيف
منى . ياسامطه خليكي
شهد . منقدرش ميرال كملتها تصرخ وامي متحبش الهرجه حسيتها ضايقت بس جوري قعدت هي قالت خليها
منى . حضنتها وقالت توصلو طيبين
شهد . ان شاء الله هي مع سلامه وركبت مع راجلها
ومنى خشت لحوش هلها
وتحركت سيارة ..
ف الليل اسلام ..
اسلام يفرش ف صاله
شهد . مزلت بترقد هنا
اسلام . مرتي مش محترمتني وتشكي في عند امها
شهد . ابتسمت بهزوه
اسلام . انتي منعرفكش كبرتي بدري وطلعلك لسان وعناد وتنقلي ف الخبر كنتي هاديه وساكته اول ماعرفتك لكن طلعتي فتانه ونكديه وعيالك طالعينلك
شهد . عيالي بروحي
اسلام . شفتي نكد معش قعدت نعرفك
شهد . دام فيا لعيوب هذين كلهن شينه ومننفعش
وكبيرة شيلني لهلي
اسلام . ضحك بهزوه
شهد . كنك تضحك
اسلام . مسح ع لحيته وقال عدي ارقدي
شهد . كنك تضحك
اسلام . شيي
شهد . شن يضحك فيك قول
اسلام . نشيلك لهلك لباتك اللي ضربك وكسر يدك
لباتك اللي مايصرفش عليكم وتزوج ع امك وطردكم
ف شارع حتى خوالك لزوكم من حوش جدكم وجدك وعمامك خلوكم ف ملحق وامك خدامه لهم
ولخوتك واحد مجرم وخريج حبوس وقعد صايع افندي ولا خوك الاخر اكبر اناني ديما مسيبكم وقت الازمات من فيهم امك اللي لما شكيتيلها مني قالتلك لا خليك مع راجلك وعويلك سادني خواتك
وحده مطلقه والاخرى ارمله هذول هلك اللي قطعتيهم شهور ماتجيبي عنهم علم خليني ساكت
شهد منصدمه وهي تشوفله ياريتني ماحبيتك
اسلام . انا محبيتكش اصلا
شهد . دمعو عيونها كم وجه عندك كم قلب انت سرقت مني عمري خذيت ايماني وثقتي فيك جريت
وراي وخليتني حبيتك زي الكلبه خليتني خذيت قلبي
قعدت تضرب فيه كفوف هو يشوفلها انا شن درتلك
غير حبيتك وثقت فيك قولي شن درتلك ماتبحتش فيا هك وقعدت تنتش ف شعرها ماتبحتش جاته
قعدت تضرب فيه انت انذل واحفر انسان شفته
في حياتي ودف فيه اطلع برا برا مانبيش نشوفك
اسلام خذا تليفونه ومفتاح سيارته وجاكته وطلع
صكرت الباب وحطت راسها ع الباب وهي تبكي
الله يقهرك زي ماقهرتني الله يقهرك يااسلام وطاحت
ع الارض وهي تبكي بقهر والم اااااااه

صالحه . شنو انحبس وقعمزت بهده ع صالون
فارس  . قضية مخدرات
تجمعو لدموع ف عيونها . مخدرات
فارس . ولدك صبي عند معلم كبير اسمه طاووس
صالحه . ياويلي ياويلي وتخبط ع كرعيها
فارس . امي اهدي صحتك
صالحه . نهدى نهدى خوك ف الحبس وتقولي نهدى
محمد . خليه ياخذ جزاته ويتربى يبيع ف سم لناس
صالحه . ااااه ياربي اااه نا منستاهلش هكي طول عمري نربي فيكم ع الاخلاق عمري ماقصرت معاكم
طلعت بتول من دار لا قصرتي قصرتي يمي ..
محمد . بتول مش وقته
بتول . طول عمرك واقفه معاهم ضدنا زياد ومحمد بس اللي ينشافو اما الباقي غير مرئيين من يومك مفضلتهم علينا وكل حاجه لهم هما وهما بس الملائكه حتى لما يغلطو ديري روحك ماتشوفيش
وف قوله راجل مايعيبه شي وصغير تو يكبر ويتعلم
منك انتي يمي انتي خليتيه يوصل لهك بدلعك الزايد
وتجري وراه وطبطبي عليه تقول وزير انتو ضحيتو بيا نا عشانه ضحيتو بنتكم وتنصفو فيه حتى وهو غالط
ويمسح فيكم الارض انتو تنسو وتسامحو ودلعو
صالحه . توا الغلط كله مني انا طلع
بتول . كلام الحق وجاع ونا قلت الحقيقه
فارس . بتول خلاص
بتول . خشت لدارها
صالحه . حطت يديها ع وجهها وتبكي
فارس . خذاها ف حضنه خلاص يمي

محمد . وين كنتي انتي
شيماء . عند دكتورة تجميل
محمد . باهي بعدين نحطك عند امي ونودعوها
شيماء . عليش
محمد . كيف عليش مانا ماشيين لتركيا
شيماء . رد بالك تقولها
محمد . وعليش
شيماء . متقولهاش مرات مايصيرش منها
محمد . انا اللي حاجر تذاكر
شيماء . قصدي مرات يصير ظرف تلتغى لذلك شوف خليها سريه لعند مايجي موعد طيارتنا قبل
مانطلعو للمطار نودعوهم ونقولوها
محمد . بس تزعل امي
شيماء . عليش تزعل يعني شن تبي ادير كان عرفت توا بتعطينا من جيبها وتسفرنا
محمد . شيماء
شيماء . فنصت فيه وشقلبت عيونها
..

فارس . مش عارف من وين نلقوها ولا من وين
رحمه . تهون تهون شخبارها عمتي توا
فارس .رفع حواجبه تبكي وخلاص سببتها خشت دارها
رحمه . قتلك نمشي انت مبيتش
فارس . موضوع حساس يارحمه
رحمه . انت كنك زعلان باهي
فارس . تشوفي ف الوضع بروحك
رحمه . قبل قصة زياد
فارس . علينا دين 20 الف الفرح
رحمه . شوف نا مانبيش شهر عسل لا شي
فارس . كيف ماتبيش كيفك كيف باقي عرايس
رحمه . مسكت يده انا مانبيش شي ف ه دنيًا غير راحتك بعدين نحصلو فلوس ونطلعو توا اللي تحصلها حطها ع دين وشوف نا ذهب اللي جبته ماعندي
فارس . مستحيل ناخذ منك شي يكون ف معلومك
رحمه . نحنا مش واحد
فارس . واحد لكن نا نجيبلك مش انتي تبيعي عشاني
رحمه. بس
فارس . خلاص موضوع منتهى
..

لللحديث بقيه ..