#ضحايا_بلادي "مجزرة العشاق "
بقلم يحيى إدريس
البارت السادس عشر
شهد . نزلت عيونها ومشت تجري
اسلام . التفت وضحك الله رب صدفة خيرا من الف ميعاد
اروى . شن رايكم نقعدو
نعيمه . اها حتى ف ناس تمام نقعدو هنا
اروى . وهي التفت شافت اسماء لقيت صاحبتي
اسلام . وين ماشيه
اروى . صاحبتي اسماء قاعده هنا
نعيمه . خليها تمشي لصحبتها
اسلام . باه
اسماء . مقعمزه وتهز بغضب تشوف لمحمد خش جوا يعوم والبنات متسهفات عليه وهي تغلي من الغضب يدين غطن عيونها
اسماء . بتول بلا سماطه
اروى . حولت يديها بتول نسيتي صاحبتك المتفقه معاها
اسماء . رورو جيتي
اروى . ضحكت لا مزلت غادي
اسماء . شنجو
اروى . تمام وانتي
اسماء . كيف قدرتي ديريها وتجيبيهم هنا
اروى . نا اروى يابنتي كنك
اسماء . نسيت نسيت
اروى . شيرت ب حواجبها الحب معاكم
اسماء . خدودها نحمرو
اروى . خبطتها ع كتفها ياحظك
شهد . فتحت شنطتها طلعت تليفونها
اسلام . الو ياعيوني
شهد . انت شن جابك هنا تبي ديرلي مشكلة
اسلام . هبله
شهد . تلحق في صح انت مش طبيعي
اسلام . يامحور الكون اهدي نا جايب امي واختي يغيرن ف جوهن والا لو كنت عارف انك هنا كنت
جيت من زمان
شهد . ننننن
اسلام . لما تبدي معصبه تحلي اكثر
شهد . ماسكه ابتسامتها بالغصب
اسلام . اضحكي لدنيا تضحكلك روقي
شهد . ومن قالك مش ضاحكه نضحك ديما نا
اسلام .ضحكتك خليها لي نا بس والا راسك بالمقص
شهد . ااء
اسلام . والبسي طويل لبستك قصيره
شهد . ايش دخلك را تبقى عاطي في كلمة ونا مش عارفه
اسلام . خلاص هنعطي هلي وهلك ف البحر وننهوها
شهد . رد بالك
اسلام . ضحك
شهد . بنفهم شن الشي اللي يضحك فيك
اسلام . انتي بتهبليني
شهد . تعرف انك تحرق دم
اسلام . ماهو منك
شهد . ياربي
اسلام . ياحبيبي
شهد . ضحكت وقعمزت
واسلام يتمشى ع شط ويهدرز ومبتسم
اما نعيمه مقعمزه بروحها ..
صالحه . مش قادرة تحمل معامله ماجده مكملتها ساكته عيونها صادفو عيون نعيمه ..
صالحه . شن حالك ياجارتنا
نعيمه . ابتسمت الحمدلله
وماجده مربعه يديها وتشوف قدامها للبحر
صالحه . مشتلها وسلمت عليها
نعيمه . شنو حالك ياك طيبه
صالحه . الحمدلله لقيتك بروحك كي حالاتي قلت نسهري معاك
نعيمه . ومن الي حذاك تقول مديرة مدرسة قارنه الحواجب
صالحه ضحكت هذي مرت خوي
نعيمه . اعوذ بالله
صالحه . عطك الخير شن شكلك جاية بروحك
نعيمه . لا اوليدي وبنتي كانو معاي بس شكلهم يدهورو
صالحه . يخليهم لك هك الشباب
نعيمه . عندي اوليد اخرى بس ف الحوش
صالحه . نا عندي 3 بنات و 3 شباب واحد منهم عايش برا طيار
نعيمه . ماشاء الله يحفظهم لك وتفرحي بيهم
صالحه . سلمك يارب اجمعين
نعيمه . تشربي شاهي وبيتزا
صالحه. مانقولش لا
اروى . نزلي عيونك خلاص يابنت
اسماء . شوفي البنات يسهوكن حذاه
اروى . تبي الحق لنقنه طرف لولا مش حاطه عينك عليه كنت خطفته
اسماء . شيرت يدها ع رقبتها بعدها هك بمعنى ذبح
اروى . اوف يضرب الحب شو بيموت
اسماء . هي نمشو مليت
اروى . مش مليتي لو قعدتي اخرى احتمال تغرقي البنات
اسماء . تصدقي فكرة مخطرتش على بالي
اروى . هي يامطرشقه هي اهي امي
اسماء . ضيقت عيونها وهي تشوف لعمتها
اروى ضحكت . امي دارت صحبة على طول
وقربو منهم ..
اسماء . عمتي
اروى . شافت لصالحه ول اسماء
صالحه . هذي اسماء بنت خوي
اروى ضحكت وشافت ل اسماء وضحكن
نعيمه . وهذي اروى بنيتي
صالحه . شكلهم كيفنا تعرفن توا
اروى . نقرو مع بعضنا نحنا وسلمت ع صالحه واسماء سلمت ع نعيمه وقعمزو كلهم يهدرزو
أنت تقرأ
ضحايا بلادي
Romanceتضحيات الحب الحرب المرض اليأس كل سنة معينة لها ابطالها تتكلم عن جمعة اب بخيل ظالم وعن عائلته وكيف هتكون حياتهم ومواجهتهم مع ظروف الحياة القاسية من 2013 الى 2023
