ضحايا بلادي

#ضحايا_بلادي "مجزرة العشاق"
#الحلقة_الثالثة
كانت واقفه تشوف لحاجات اللي جابوهن عمرها
ماحلمت بيهم حتى الحلم ..
شهد . شوفي الفص الماس يابنت
منى . عيونها يبرقو هيا صح تحلم تلبس وتعيش
لكن عمرها ماتخيلت ان الحلم تحقق لكن هل حلمها هذا كفيل يغنيها عن الحب وعن الاحترام
تمددت ع سرير ورفعت يدها تشوف لفص الخاتم
ابتسمت
بتول . منى انتي بعد تزوجي تبقي غنية وتنسينا
منى . ننساكم مستحيل هناخذكم معاي وناخذ امي
شهد . اسمعي نا نبي دبش طلوع تمام
منى . زعما شن شكله سمح ولا شين
شهد . دام غني اكيد شايب مالا عليش بياخذك
منى . الله ينكد عليك كي مامنكده عليا
شهد . بعيد سو
15.7.2013
كانو معزومين حوش جمعة عند خالهم عيسى ..
في طريق ..
سيارتين سيارة فيها جمعة وصالحه وبنتهم بتول
من لاوره وحذاها زياد ..
وسيارة فيها محمد وحذاه منى ومن لاوره شهد
سيارة جمعة
صالحه . درس ع محل مواد غذائية نجيبو مشروب وفاكهة
جمعة . مانبيش ننزل
صالحه . اهو زياد توا ينزل
جمعة . ماعنديش له فلوس تمام هك
صالحه . فلوسي ياجمعة حوش خوي نخش عليه فاضيه
جمعة . عازمك هو عازمك بعدين عندك فلوس عطيهم لي نا اولى
صالحه . خلاص معش نبي شي
نزل محمد جاب مشروبات وفواكه بفلوسه
وصلو غادي لما نزلت صالحه شافت ولدها شايل
فرحت بيه وهو مد لامه شكاير وخلا عنده شكاير
سلمو واستقبلوهم احسن استقبال
اسماء . تقلي ف لمبطن 
صالحه . ماشاء الله ع اسميوا كبرت وتساعد ف امها
ماجده . هي يدي وكراعي تعرف دير كل شي حلو ومالح
صالحه . ماشاء الله انتي علمتيها
ماجده . لا من كتابات طبخ
صالحه . اااه
وفي مربوعه مقعمز جمعة ومعاه عيسى ومحمد وزياد وعيال عيسى الاثنين ..
بتول . لا منعرفش نقلي دحيه مزلت صغيرة انا
اسماء . صغيرة تي حي عليك كيف بتزوجي
بتول . نتزوج واحد غني تبقى عندنا خدامه
اسماء . عليك تفكير ف ليبيا مافيش
بتول . لا في خطيب اختي جابلها خاتم الماس
اسماء تضحك . حتى بوي جاب ل امي كيلو الماس
بتول . وحق المصحف خاتم منى فيه الماس
اسماء . الماس غالي تعرفي بكم في ليبيا واحلين ف حق ذهب مابالك الماس
بتول . مهم اختي جاها الماس نا نبي اكثر
اسماء . مش مزلتي صغيرة كيف تفكري هك
بتول . نا نحسب فيها
شهد . شن كلام هذا تحشمي مزلتي ما طلعتي من دحيه
صالحه تضحك صدقت صدقت تحسب اهم حاجه تعيش مرتاحه ومدلعه ..
شهد . تحط لبراك ف تبسي منظره مشهي
صالحه . من صبح ونا نلف فيه
شهد . سلم يديك

كامله . تحط ف العصبان ان شاء الله سنة جاية منى معانا
خالد . اليوم بنشيلك معاي ناخذولها عيديتها
كامله . اتصل بيها قبل
خالد وجهه انحمر . نتصل بيها وشن عرفك ان عندي رقمها
كامله رفعت حواجبها راك قاري فاتحتها
خالد . اها صح وطلع من حذا امه طلع تليفونه من جيبه باش يتصل بيها وهو يرن
منى . مقعمزه ف دار المعيشه حذا امها ناضت وطلعت لصاله ولما شافت المتصل قررت تطلع
للحاجر طلعت وكانت من غير حجاب حطت تليفون ع وذنها وذنها وردت بصوت هادي . الو
خالد حك لحيته وقال "اني صائم" الو سلام عليكم
منى "تقول خاش ع فصل" وعليكم سلام
خالد . بنقولك اليوم جايبين عيديتك نا وامي
منى . اااه بس نحنا مش فالحوش
خالد . وين
منى . عازمنا خالي
خالد . وانتي مشيتي بدون اذن طلعتي من راسك
منى . بوي وخوي عندهم علم ونا معاهم مشيت
خالد . تمام تمام
منى . را الحكاية مش ناقصة غم
خالد صكر عليها
منى . ف ستين داهيه برمت وشافت ايمن ولد خالها
ايمن  ابتسم اول ماشافها . خير شخبارك
منى ابتسمت مجامله . تمام ومشت من حذاه شقلبت عيونها عليك شكل
ايمن حط يديه ف جيوبه ويتأمل فيها لعند اختفت
من قدامه ..