ضحايا بلادي

Part11

#ضحايا_بلادي "مجزرة العشاق"
البارت الحادي عشر

الساعة 3 وربع عصرا

خشت شهد للحوش فرحانه باين ضي الطافي
وماهناك حد ف الحوش فتحت الدار عزقت
شنطتها وشيتاتها ع سرير غيرت دبشها ولمت
شعرها كعكه فتحت الشيت تلمست طرف
التويكس والورقه المكتوب فيها رقم ضحكت
وحطت يدها ع فمها من خوفها حد يسمع ضحكتها
وهيا خايفه حد يسمع ضحكتها بس اختها كانت
مش قادرة من الفضيحة كيف بتعيط بعدين كلهم
يحطو الحق عليها يقولو شن كانت ادير معاه ...
الشريف . غمزلها خوذي شكاره هادي
بتول . تشوفله وعيونها مدمعات
الشريف . رد بالك تقولي لحد بعدين امك تضربك
بتول . هزت راسها بالنفي
الشريف . ديما تعاليلي باهي
بتول مفنصه وتشوفله
الشريف . عجباتك اللعبه
بتول . اممم
الشريف . خليك شوي رفع الكراج
وبتول طلعت تجري لحوشهم
الشريف . هذ كله وماخشيتش ف الدق ثقيل وخافت ضحك ضحكه خفيفه
بتول . مشت وراه حوشهم وفتحت لشكاره فيها تسالي ودوريتوس واندومي وعصائر وشوكولاطات
الله هذين كلهن وبدت تاكل ومش حاسبه حساب
اللي داراته

ماجده . فتحت باب دار بنتي انا طالعه عند جارتنا
اسماء . شافتلها
ماجده . بيش تنشري الغسيل
اسماء . حاضر
ماجده . ولو طق الباب متفتحيش لحد معانا مفاتيح
اسماء . حاضر
ماجده . عينك من روحك انا قبل المغرب نكون هنا
اسماء نفخت بمللل
ماجده . وصكري الرواشن زين
اسماء . شقلبت عيونها
ماجده . هي تبي حاجه
اسماء . لا امشي بس
ماجده . طلعت وصكرت باب وراها
اسماء.  طلعت تليفونها فتحاته وضربت ع رقم معين
محمد . كان ف شغل حط ع جبهته ويشوف ف لحسابات رن تليفونه الو
اسماء . اهلين
محمد . ابتسم من معاي
اسماء . اسماء بنت خالك
محمد  . ف نفسه يقول حافظه صوتك ف قلبي
اسماء . شن شكلك مش مسجل رقم
محمد . اها غيرت تليفون واخر الارقام
اسماء . امم كنت بنسألك عن اخبار عمتي وبنات
محمد . تمام
اسماء . عندي رقمهم لكن يعطي مقفل كلهم
محمد . غريب شهد بدري روحي اتصلت بي
اسماء . وجهها انحمر اها شكله كان فاصل شحن
محمد . شكله
اسماء . توا نجرب نتصل بيها
محمد . تبي حاجه
اسماء . لا نحسابك معاها قبل تعطيها لي
محمد . نا ف شغل
اسماء ابتسمت . ربي يساعدك ان شاء الله
محمد . تسلمي ان شاء الله
اسماء . يلا باي
محمد . اوكي
اسماء . شافت لتليفون عزقاته ع الفراش وتمددت
بطولها ع سرير وهيا راقده ع ضهرها وتشوف لسقف
حطت يديها ع خدودها غبية نا مالقيتش الا العذر
هذ هبله وعبيطه زعما كشفني اني متصله بالعاني
ابتسمت وخليه يتحرك ساده ثقل هذ كله ولا انا
الخفيفه فنصت وعدلت روحها وقعمزت زعما
ف وحده ف حياته وانا يتسلى بيا لالا لو هك شهد
قالتلي بعدين كلهم يقولو يحبني ويلمحولي خذت
مخده وحطتها ع وجهها وعيطت

محمد . هبله لكن تنحب وكمل شغله وهو يبتسم

فتحت عيونها لقاته راقد حذاها ناضت شافت
لساعه 4 ونص طلعت لصاله اطباق البيتزا ودنيا
خايضه ف بعضها بدت تلم طبعا ياكل بروحه
ويسيبلي الحوسه والهم الاحرف لي كملت ومشت
غيرت الروب اللي لابسته ونزلت تحت
شافت عمتها
ف الحاجر ..
منى . خير ياعمتي وقدمت سلمت عليها
كامله . خير شحالك
منى . الحمدلله
كامله . غريبه اللي نزلتي
منى . كسدت قلت نجي نشرب معاك قهوة
كامله . ليش لقيتني مكسده
منى . لا مش القصد حشاك
كامله . صبي ديري قهوتك بروحك
منى ابتسمت حاضر ومشت لكوجينة نعن داء
وين حاجتهم هذول وتفتح ف دولايب  ...
خالد . انتي ايش نزلك بدون علمي
منى . مليت بروحي وقلت ننزل
خالد . مافيش حمار تشاوريه
منى . لحمار راقد
خالد بغضب . ايش قلتي
منى. قصدي انت راقد
خالد . اخرلك مره تنزلي بدون ماتستاذني
منى . تمام
خالد . شن ديري
منى . قهوة
خالد . ديريلي معاك
منى . عليك حالات
خالد . خير يام وباس راسها
كامله ضحكت خير خير نديرلك حاجه تاكلها
خالد . صحه كليت نبي فنجال قهوة بس
كامله . توا نديرلك
خالد . لا منى ادير فيه انتي سلطانه انتي اللي يخدموك
كامله . ضحكت
طلعت منى وسمعت الكلام ومش عاجبها اللي انقال
خالد . ابتسم شن رايك ف مرتي سهرايه
كامله . توا غير نزلت منعرفش
خالد . خذا البكرج وضحك حسستيني لعبه يلعن جد توا غير نزلت
منى . قعمزت وتفرج عليهم
كامله . الصيف قريب يكمل والجو يبي طلعه للبحر
منى . اها والله جو بحر
السلام عليكم
كامله ضحكت . وعليكم سلام
هند . خشت طبست سلمت امها شن حالك
كامله . الحمدلله
هند . خلوده شخبارك
خالد . تمام شخبارك انتي
هند . الحمدلله اهلا
منى . اهلين شخبارك
هند . ماردتش عليها وقعمزت
خالد . انتي يابنت امتى تحجبي كبرتي را
تقوى . مزلت صغيرة
منى ضحكت . بتول اكبر منها ب سنة ومزالت تلعب ف شارع
هند . شن مافيش قهيوة
كامله . صبي يامنى ديري قهوة
منى . شافت لخالد
خالد. نا نستاذن عندي شغل وناض طلع
هند تعدل ف وشاحها شن مرت خوي متبيش ديرلنا قهوة
منى . لا توا هذ بنصبي عيوني لك
هند . يسلمو عيونك
منى ابتسمت مجامله ومشت لكوجينه مثقل دمك
حطت بكرج قهوة وترجى فيها تفور مشت قدمتها
هند . رفعت حاجبها شني قهوة تلق بروحها لا معاها بسبوسه ولا باسطي
منى ضحكت ع كلمه باسطي ..
هند . شن يضحك فيك
منى .لا شي بس لو جبتي معاك كنت حطيتلك باسطي
هند . الكناين الفالحات يديرن باسطي
منى . وليش انتي ديري لعيت عمك
هند . تشوفلها بحقد
كامله . بنطلعو لمصيف ياهنوده
هند . وين يمي
كامله . سوسه نقعدو 3 ايام
هند . نشوف وضعي ونقولك