ضحايا بلادي

الثامن وخمسون

ضحايا بلادي
"مجزرة العشاق"
بقلم يحيى إدريس
البارت الثامن والخمسون  "58"

غيث غز ع سنونه ابعد عن خطيبتي احسن لك ..
اسلام شافله ببرود وابتسامه بارده ورفع حواجبه ..
شهد . شافت لاسلام بغضب اطلع من حياتنا ياريت
ومشت وسيباته وهي خايفه وقلبها يدق بسرعه ..
غيث شافله بابتسامه مخيفه وقال . سمعت ولحقها
اسلام . عقد حواجبه وكور قبضه يده بغضب ..
..
وتمر الايام مسرعه ..
تنظف ف تلاجه عشان شهر رمضان ع الابواب ..
وبتول مطلعه العوايز ترتب فيهم خشت منى ..
من باب الخارجي من عند كوجينه ف يديها نعناع
منى . حطت نعناع ف البراد وطفت ع الفطيره وقالت هيا بنات ..
بتول . انا جايين
طلعت منى وكملت بتول ناضت اما شهد لاهيه
تسمع في اغنية للفنان ريان ..
انا مش قادر انسى غيابك
انسى احلى غرام
انا بيعز علي بعادك
مهما طالو الايام
دمعاتي بتشهد ع فراقك
وعيوني مابتنام
انا من دونك
عمري ذايب وفراقك
والله حرام
حطت راسها ع باب تلاجه وهي تذرف فدموع
...
فتيله ابي فتيله ..
صالحه . عطيه يابنتي
منى . قسمتله منها لا نعرفه يمي هذ يمرطز ويسيب
اعمر . شافلها بعقده حواجب
وبتول تشوفله وتضحك شربت من شاهي ..
صالحه . وين شهد
منى . تقريبا حاطه سماعات ماردتش عليا
صالحه . فرق بينا وبين ه سماعات ..
خش فارس جايب معاه حاجات رمضان هو وجمعه
صالحه . جبتو كل اللي كتبته ..
فارس . بزايد اخرى خش حط الحاجات ف كوجينة
شاف شهد خشمها حمر وعيونها حمر ..
فارس . كنك شن في من مزعلك
ابتسمت شهد محد حساسيه من الربيع بس
فارس . نشيلك نعاينك
هزت راسها بالنفي ومشت خطمت من قدام هلها
اعمر . تهودي اولي فتيله "شهودي خوذي فطيرة"
شهد . مانبيش حبيبي كول انت وخشت لدارها
صالحه . كنها هذي
رفعت بتول كتوفها ومطت شواربها للاسفل ..
ناضت منى نمشي نشوفها انا ..
فتحت الباب وزرقت راسها عادي نخش ..
شهد . خشيتي اصلا
منى . قعمزت حذاها وقالت كنها شهوده ..
شهد . شي
منى ضيقت عيونها وقالت بت مش صالحه نا ..
شهد.مضايقه يامنى اسلام طلع كركب حياتي اخرى .
منى . وانتي شنو
شهد . نا عندي كرامه
منى . اغسليها وانشريها الكرامه
شهد . مبردك الحق علي نا نحكيلك
منى . اسمعي الحب مره وحده يجي ف العمر اتبعي قلبك وديري اللي يقولك عليه ..
شهد . مسحت دموعها كله من قلبي الاحرف اصلا
منى . هي اطلعي ومتخليش حد ينتبه عليك
...
غيث مبتسم وهو مقعمز قررت نطلع الفرح بعد
رمضان ..
سميره . وهي شن رايها
غيث . معاي نا معندهاش راي
سميره . ربي يتمملك ع خير
غيث . فهميهم الفرح من الف للياء كله شوري
سميره . ان شاء الله
غيث . شرب من اليانسون وهو مبتسم ويتخيل فيها معاه ..
...
وتمر الايام ..
مشو جمعه ومرته وبنته للعمره ..
ومنى مانست حد من دعائها واكثر حد دعتله راجلها
وشهد قاعده تكمد ف عذابها وتجامل وتساير ع
حساب نفسها ..
..
اليوم فطوركم بطاطا مقليه وشربه وكباب وبيتزا
فارس . كويس بكللل
محمد.مع الشيف شهد مش هتقدر تغمض خشمك
بتول . اسمها عينيك
محمد . ماهو من جمال روايح
ابتسمت شهد ..
حطو الفطور ..
مقعمزين ياكلو ..
شهد وهي تاكل ف البيتزا اوووو يسلمو دياتي
ضحكت بتول وهي تاكل ف شربه ..
فارس . البنت هذي مغروره بكل ...
محمد . حقاتها
فارس . يييه انت بروحك شر منها ف الغرور
شهد . شقلبت عيونها انت غير كان تخطى المحل
فارس . اي محل
رقصت شهد حواجبها نقول ..
فارس . فنص فيها وعض شاربه اللي تحت ..
بتول . شن في
شهد ضحكت شي شي ..
اعمر . بيزا ابي بيزا
شهد . هاك حبيبي
خذا اعمر البيتزا ياكل وغير فارس الموضوع باب الحاره مافيش سنه ..
بتول . احسن سمطوها اصلا ..
محمد . نقانه سمطوها ..
ناضت شهد وهي تقول الحمدلله
قلدها عموري الله ..
ضحكو عليه خذاته ومشو يغسلو ف يديهم
طلع محمد برا ولع سبسي وحط بكرج قهوة
ع كانون النار وفارس حط براد شاهي ..
وقعمزو يتحاكو ...
محمد غمزله شني مني ..
فارس . شني
محمد ، شن السر بينك وبين شهد
فارس . مش شورك خليك في حالك
ضحك محمد مالا مافيش قهوة
فارس مالا مافيش شاهي ..
محمد قاعد معيال ...
فارس تعلمت منك ..
ضحك فارس ومعاه محمد ..
..
وبعد الفطور طلعو لتراويح ومنها لاشغالهم ..
جت اسماء تسهري مع شهد وبتول ..
شهد . حلاوة دنيًا سمح
بتول . حتى اعلى سعر
اسماء.  سنة تفرجت ع رمضان كريم بس
شهد . كويس حتى هو مره مره تشوفه
اسماء وهي تاكل ف امحلابيه شخبار عرب سعوديه
بتول . كويسين شوفي منى دزتلي صورتها
جا عموري وين ماما وين وقعدو يشوفو وهما
مبتسمين ..
اسماء . وجهها منور وفرحانه
شهد . حتى هي ف مكه مش غير تنور
اسماء . ابتسمت وقالت ماشاء الله لولي كابره
بتول . فيسع ماكبرو عيال منى
شافتلهم شهد بحزن ..
في الليل مقعمز ياكل محلابيه ف الكوجينة
شهد . عجباتك
محمد . انتي اي حاجه ديريها سمحه اصلا
ابتسمت شهد وقالت بس مش نا اللي درتها ..
محمد . راكي تقولي بتول حتى دحيه ماتعرف تقليها
ضحكت شهد لالا سميوا دارتها ..
قلب دق بالقوه ومصمص شواربه وقال الحمدلله ..
شهد . غمزتله تنشد عنك وتبي تشوفك ..
محمد. تصبحي ع خير ياشهد وطلع من كوجينه بكل
تنهدت شهد بضيق وخذت تبسي وكاشيك حطتهم
ف الغساله ولعت ع العوايز فتحت تلاجه خذت شيشة اميه طفت ضي كوجينه وطلعت منها اتجهت
لدار قعمزت ع سرير وفتحت الفيس جاها اشعار ..
غيث . بكرة جاية امي ديريلها موالح وجو وسمايل يضحك ..
اضايقت شهد وصكرت تليفونها بكل وهي خايفه ..
...
سميره . هذي عيديتك
ابتسمت شهد وقالت مافيش داعي
سميره . انتي بنيتنا
امتليو عيون شهد دموع ..
سميره . شوفي مش هذي بس سبب زيارتي غيث مصر ولا بد انك توافقي الفرخ بعد رمضان طول ..
تفاجئت شهد وقعدت مصموته مش عارفه شن
تقول ..
سميره ابتسمت  . السكوت علامه رضا
خلاص ع بركة الله وماتخمميش ف تكاليف
كله ع حساب غيث حوشه واتي هتعيشي متريحه
شهد . بلعت ريقها ومش قادره تتكلم
سميره . ولدي يحبك عاشق اول مره نشوفه هك
ابتسمت شهد بضيق وكملت سميره تقول
امتى يروحو هلك ..
شهد نص رمضان ..
سميره . يروحو طيبين ..
شهد . ان شاء الله ،.
وجا نص رمضان
وجا العيد ..
وبعده طول امتحانات شهادة الاعدادية
وشهد تتصل بزياد وتطلب من مرت عمها تهتم
بيه وب امتحاناته وتخليه يقرا مايطلعش ..
اما صالحه فكانت كل ما تكلمه تطلب منه يروح وهو يتنرفز منها وبدا معش يرد عليها ابدا ..

وكانت شهد تقري ف بتول لانه مزال ع امتحاناتها
اسبوعين وبين ما شهد تقري ف بتول ..
وقدمت بتول ع امتحانات شهادة ثانوية
الايام يمرن بسرعة ..
زياد نجح بتقدير مقبول ..
وبتول نجحت ممتاز ..
شهد . حضنت بتول نقولو دكتورة بتول
بتول . قولو
فارس . زغرت
ضحكت منى وبدت ادربك ع سطل كعك ناجحين
وفرحانين وشكرا لك ياياسين صبا فارس يخبط ع الغربال ع اساس بندير وحياة قلبي وافراحو وهنا
ومسا وصباحو وشهد تصفق لبتول ومنى تصفرلها
وصالحه تشوفلهم بضحكة مع خشة جمعه بتورته
وصندوق لعصير ابتسمت بتول وحطت يديها ع وجهها ..
منى . الكرت هذا لك اشري بيه دبش جامعة
بتول نطت حضنت اختها ..
محمد . واحلى لاب توب لاحلى دكتورة
جمعه . جبتلك نظارات
ضحكت بتول ..
جمعه حضنها وقال نبصر معاك ولبسها سلسله مكتوب عليها اسمها فرحت بيها ..
فارس . مع انه خساره فيك بس يالله هاك 10 جنيه
شهد . يالقنيبه 😑😂
فارس. اسكتي ياسوسه
شهد . وهذي هديتي لك اسورة ذهب
فرحت بيهن بتول وحضنتهم ربي يخليكم ليا
فارس . يامبروك عليه لمه فرحانات خواته وامه
ومنى . شاركاته ف الغناء وضحك ومعاهم شهد ..
وع الاجواء المفرحه ..
عند غيرهم ما ذايق كان لمرار ..
اسلام يشوف لصورته مع شهد ..
وهو عارف انه كلها شهر وهتزوج قعد ينحرق بس مصر ان يموت ومايخسرش معش تفرق معاه ..
طلع وهو يسوق ف سيارته ..
اما عند شهد ف رن تليفونها مقدرتش ترد
رد رن من جديد ناضت لكوجينه وقالت بهمس الو
غيث . كنك ماتردي
شهد . حذاي خوتي شن تبي
غيث . ع اساس خوتك مش عارفين انا نحكو والفرح قريب
شهد . شن تبي توا
غيث . نبي نشوفك
شهد . منقدرش توا
غيث . لازم نشوفك
نبره صوته خلتها ترضخله ولازم تحسم امرها ..
صالحه . شهوده تعالي كولي
شهد شافت اعمر وهو ملبز وجهه شكلاطه ضحكت
انا بنمشي زحمه كلمتني توا ف زحمه ف معمل ..
لازم نمشي نساعدهم ...
بتول كولي توا تمشي ..
جمعه . اكيد عشان ناس ناجحين زاحمين عليكم
محمد . ناس تسيب حلواني نويجي وشرمدو ومسايا شام وتمشي لمحل شهد اللي فتح اول امس
شقلبت شهد عيونها وهي تقول هاها سيباته لبست وطلعت ركبت سيارتها ..
نزلت وهي تقول شن في كنك جبتني هك ..
غيث . ليش تعاملي في هك نرن عليك تكنسلي اتصالاتي مافيش اي اهتمام منك لي
شهد . معلش انا وعدتك بحاجه
غيث . اسلوبك وقح بزياده
شهد . انا وقحه معلش دام تكلمت ع الوقاحه خلينا نكونو صريحين من الغامض وعنده حياة مخفيه عن ثاني
غيث . عقد حواجبه ونظرته دمار قريب تبكي بس تصنعت القوة وهي تشوفله ..
شهد . انت مش نظيف ببساطه مجرم ومش هنقدر نكمل حياتي مع انسان كيفك ..
غيث . انسان مش نظيف مشا يده ع لحيته ونزلها هز راسه وهو مبتسم بتهكم انا اقل شي انجبرت
لطريق هذ مش كيفك يامدام وافقتي عني وقت
كنتي مرميه من شخص حثاله وبعد رد لعقله وسيب
مراته جايه تضربي علي ف طروح شرف والاخلاق ..
شهد . انت حقير وتافه ..
غيث . خذاها من ذراعها بقوه وهو يمشي
شهد . سيبني قتلك ماتلمسنيش
ركبها اجبارا ف سيارته وصكر عليها وركب هو يقول تعرفي تكلمي ولا تفكري ديري اي حركه طلع مسدس ننهي حياتك وحياته وحياة هلك كلهم ..
تشوفله بصدمه وهي تنفس بقوة ..
كانت بتصرخ بتعيط ..
حط المسدس ع فمه وهو مبتسم وقال اصصص
شهد تشوفله وسنونها يصكو ف بعض من الخوف

ماهي حروف العله ياسكر ؟!
هي غيابك يالوز 💔