ပြီးပြည့်စုံခြင်း || ဘာသာပြန် [COMPLETED]

[ 42 ]

Unicode

အပိုင်း - ၄၂

ဝမ်ကျားနင်ထွက်လာတာကို မြင်ပြီးနောက် လုကျင်ရှင်းက ဆက်နေလိုစိတ်မရှိတော့။ သူက လုကျင်းလန်ကို အတူပြန်လိုက်ခဲ့ဖို့ခေါ်သည်။

မသွားခင် လုကျင်းလန်က ဝမ်ကျားနင်မျက်နှာကို တစ်ချက်နမ်းလိုက်ပြီး

"ဒီရက်ပိုင်း ကိုယ့်ကို စောင့်မနေနဲ့၊ ကိုယ် ခါတိုင်းလိုပဲ အခြေအနေကြည့်ပြီး ပြန်လာခဲ့မယ်"

ဝမ်ကျားနင်က ခေါင်းညိတ်လိုက်ကာ သူ့ကို တံခါးဝထိ လိုက်ပို့သည်။

"ဂရုစိုက်ပါ"

လုကျင်းလန်နှင့်လုကျင်ရှင်းထွက်သွားပြီးနောက် ဝမ်ကျားနင်က ရေသွားချိုးလိုက်၏။

ထိုမနက်မှာပဲ ကုမ္ပဏီသို့ သူ ရောက်သောအခါ ကျန်းရှဲင်ကိုမေးပြီး ချောင်စုန့်ချွမ်ရိုက်ကူးမည့် 'Springtime Dream'ဇာတ်ကား၏ဇာတ်ညွှန်းကို တောင်းလိုက်သည်။ ကျန်းရှဲင်ကလည်း ပိုင်ရှန့်ကျယ်ထံမှ ညွှန်ကြားချက်ရပြီးပြီမို့ ဝမ်ကျားနင်ကို script ပေးဖို့ စောင့်နေတာပင်။

"မန်နေဂျာပိုင်ကို ရှာနေတာဟုတ်?"

ကျန်းရှဲင်က တန်းမေးသည်။

ဝမ်ကျားနင်က ပြုံးလိုက်ပြီး ဟုတ်သည်လည်း မဆို၊ ငြင်းလည်း မငြင်းပေ။

'Springtime Dream'ကို ချောင်စုန့်ချွမ်၏စတိုင်လ်အတိုင်း အချစ်ဟာသနှောပြီး ရိုက်ကူးမှာဖြစ်သည်။ ဇာတ်လိုက်မင်းသားကို မြင်မြင်ချင်းကြွေသွားပြီးနောက် မင်းသမီးဘက်က လိုက်မည့်ပုံစံဖြစ်ပြီး ဝမ်ကျားနင်သရုပ်ဆောင်ရမည့်ဇာတ်ကောင်က မင်းသမီး၏အချစ်ဆုံးသူငယ်ချင်းဖြစ်ရာ အလွန်အရေးပါသော ဇာတ်ပို့ပင်။ သူက ဇာတ်လိုက်မင်းသမီးနှင့် တစ်နေကုန် အတူရှိနေကာ shopping ထွက်၊ ဆံပင်စတိုင်လ်ပြောင်း၊ လက်သည်းခြေသည်းအလှဆင်ပြီး ဇာတ်လိုက်မင်းသားကို မင်းသမီး လိုက်ဖို့အတွက် နည်းလမ်းများစွာအား ကူစဉ်းစားပေးမှာဖြစ်သည်။

ဇာတ်ညွှန်းက တကယ်တော့ စိတ်ဝင်စားဖို့ကောင်းလှသည်။ ဇာတ်လမ်းအစပိုင်းတွင် ပျော်ပျော်ရွှင်ရွှင်စတင်ကာ နောက်ပိုင်းမှာမှ ရင်ထဲထိစေလိမ့်မည်။ ဝမ်ကျားနင်သရုပ်ဆောင်ရမည့် role အတွက် ဇာတ်ဝင်ခန်းများစွာပါဝင်သော်လည်း အမျိုးသမီးပုံစံနေရမည့်အချက်တစ်ခုပဲ သူ့ကို စိတ်အနှောင့်အယှက်ဖြစ်စေတာပင်။