Unicode
အပိုင်း - ၅၆
မသုံးတာကြာပြီမို့ ရေပန်းအဝ၌ ထုံးအနည်ထိုင်ကာ ဆို့နေခြင်း ဖြစ်သည်။
“ ဟိုတစ်ရက်နှစ်ရက်ကတောင် အကောင်းပဲ ရှိသေးတာကို ”
ဝမ်ကျားနင် ပြောလိုက်ခြင်းပင်။
လုကျင်းလန်က မေးသည်။
“ ကြေးချွတ်ဆေးတွေဘာတွေ ရှိလား ”
ဝမ်ကျားနင် ခေါင်းခါလိုက်၏။ သူ့ကိုယ်က အားနည်းနေဆဲဖြစ်ပြီး နည်းနည်း မူးဝေနေသေးသည်။
“ အဝတ်အစား အရင်ဝတ်လိုက်..အအေးမိနေဦးမယ် ”
ဝမ်ကျားနင် ထိုသူ့ကို ကြည့်မိသွားပြီ။
“ ကိုယ့်ကို ဘာလို့ အဲလိုကြည့်နေတာလဲ ”
ဝမ်ကျားနင် ခေါင်းခါလိုက်ပြီး အဝတ်အစားများကို ယူကာ အိပ်ခန်းထဲသို့ ပြန်သွား၊ လဲဝတ်လိုက်သည်။
ကြေးချွတ်ဆေးသုံးလျှင် ဝန်ပိုနေဦးမှာမို့ လုကျင်းလန်က လုယွီနမ်ကို ရေပိုက်ခေါင်းအသစ်တစ်ခု ဝယ်ပို့ပေးဖို့ လှမ်းမှာလိုက်ကာ ဖြုတ်လက်စ အဟောင်းကိုမူ ချထားပြီးနောက်၊ ဝမ်ကျားနင်၏ အိပ်ခန်းဆီသို့ လျှောက်သွားဖြစ်သည်။ လုကျင်းလန် အခန်းတံခါးဝမှ ရပ်ကြည့်လိုက်တော့ ဝမ်ကျားနင်တစ်ယောက် ကုတင်စွန်းမှာထိုင်ရင်း ငူငူငိုင်ငိုင်ဖြစ်နေတာ တွေ့ရ၏။
“ ဘာတွေ တွေးနေတာလဲ ”
လုကျင်းလန် တန့်သွားရကာ မေးလိုက်သည်။
ဝမ်ကျားနင်က ခေါင်းခါရင်း
“ ဘာမှမဟုတ်ဘူး ”
တကယ်တော့ ဝမ်ကျားနင်က တစ်နေ့ သူ အသက်ကြီးလာသည့်အခါ တစ်ယောက်တည်း ဖြစ်နေမှာကို တွေးနေမိခြင်းပင်။ သူ နေမကောင်းဖြစ်နေလျှင်တောင် ဂရုစိုက်ပေးမည့်သူမရှိဘဲ တစ်ယောက်တည်း သေသွားရမည့်ပုံပေါ်သည်။ သူ ဝိန်ထင်းဟွမ်ကို သွားရှာလို့ရလောက်ပေမယ့် ထိုအချိန်လောက်ကျရင် ဝိန်ထင်းဟွမ်ကိုယ်တိုင်က အိုမင်းနေပြီဖြစ်ပြီး သူ့ကို ဂရုစိုက်ပေးနိုင်မှာ မဟုတ်တော့။ အစောပိုင်းကတည်းက သူ ဘိုးဘွားစောင့်ရှောက်ရေးဂေဟာမှာ သွားနေရလောက်သည်။
YOU ARE READING
ပြီးပြည့်စုံခြင်း || ဘာသာပြန် [COMPLETED]
Romance~ You are perfect with me ~ Title ✿ Perfection/ Flawless Original Author ✿ Jin Gang Chuan / 金刚圈 Status : 100 chapters + extras (Completed) @Translated from English to Burmese * Cover photo credit to original artist(Pinterest) Start Date - 12.3.20...
![ပြီးပြည့်စုံခြင်း || ဘာသာပြန် [COMPLETED]](https://img.wattpad.com/cover/304399104-64-k85659.jpg)