<Unicode>
ဝမ်ဟုန်မင် ရေချိုးသန့်စင်ပြီးနောက် ချန်ယွီကျင်းနံဘေးဝင်လှဲကာ အိပ်ပျော်နေတဲ့ကလေးရဲ့မျက်နှာကိုကြည့်လိုက်သည်။
"ကိုယ်တောင်းပန်ပါတယ် ကလေးကိုမကာကွယ်နိုင်ခဲ့ဘူး စိတ်ချ ကလေးကိုထိခိုက်အောင်လုပ်တဲ့သူတွေကို ကိုယ်အရှင်လတ်လတ်သေချင်စိတ်ပေါက်အောင်နှိပ်စက်ပစ်မယ်"
ဝမ်ဟုန်မင် အိပ်ဆောင်ရဲ့အနောက်ဘက်ကပြတင်းပေါက်နားသွားရပ်လိုက်ပြီး
"ဖုန်း(လေ)"
ဝမ်ဟုန်မင်ခေါ်လိုက်တော့ သူ့အရှေ့နားကို အရိပ်မဲရောက်လာပြီး ဒူးတစ်ဖက်ထောက်ကာ ထိုဒူးပေါ်လက်တစ်ဖက်တင်ပြီး
"အမိန့်ရှိပါ သခင်"
ဆိုပြီးပြောလာသည်။
"ငါ့ကလေးကို သတ်ဖို့ခိုင်းစေတဲ့သူကိုစုံစမ်း အာရုဏ်တက်တာနဲ့သိချင်တယ်"
"ကောင်းပါပြီသခင်"
ထိုအရိပ်မှာ သခင့်ဆီကအမိန့်ရတာနဲ့ ထိုနေရာကနေပျောက်ကွယ်သွားကာ သူ့တာဝန်ကိုသွားလုပ်ဆောင်တော့သည်။
"လေ(မိုးကြိုး)"
"အမိန့်ရှိပါသခင်"
"မနက်ဖြန်ရောက်တာနဲ့ ငါတော်ကောက်ထားတဲ့ကိုယ်လုပ်တော်အကုန်လုံးရဲ့မိသားစုသခင်ကြီးဆီမှာပုန်ကန်ဖို့ကြံစည်နေတဲ့အစီအစဉ်တွေရှိနေတာကို မြင်ချင်တယ်"
"ကောင်းပါပြီသခင်"
ထိုအရိပ်ထွက်သွားပြီးနောက်
" ယွေ(မိုး)"
"အမိန့်ရှိပါသခင်"
"တောင်ထိပ်ကအလောင်းတွေကို ရှင်းလိုက်ပြီးရင် ဘွားမင်ကို နန်းတော်ဆီခေါ်လာခဲ့"
"အမိန့်တိုင်းပါသခင်"
ထိုအရိပ်ထွက်သွားတော့မှ ဝမ်ဟုန်မင်ကုတင်နားပြန်လာကာ ချန်ယွီကျင်းရဲ့လက်လေးကို ကိုင်ကာ အိပ်စက်လိုက်သည်။
ဝမ်ဟုန်မင်မှာ ဘယ်သူမှမသိတဲ့အရိပ်ကိုယ်ရံတော် ၁၀ ယောက်ရှိသည်။ထိုသူတွေက
"ရေ(ဆွေ)
မီး(ဟော်)
လေ(ဖုန်း)
မိုးကြိုး(လေ)
တိမ်(ယွင်)
နေ(ထိုက်ရန်)
လ(ယွေ့လျန့်)
မိုး(ယွေ)
မြေကြီး(ထူတိ)
ကြယ်(ရှင်းရှင်း)"
