فل تثلج❄️مكتملة❄️

❄️الجزء 134❄️

#الجزء_134
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

خرجو من تماك وهي كاع ديك القوة و الصلابة لي كانت متصنعاهم نهارو ... رجليها ما بقاوش هازينها ... تفتح باب المصعد و هي الفشلة خلاتها تجلس فالارض ... الضبابة نازلة على عينيها وكلها كاترعد .

نزل لعندها بهاء مخلوع ما عارف باش تبلا ...

بهاء : هادية مالك ؟
هادية : هو غير كايكذب والله ... (شهقات) انا ماشي هكاك .. ماشي حيت رميت راسي عليك غادي نكون درت نفس الشي معاه .. والله حتى غير كايكذب .
بهاء : (خرج عينيه مصدوم فيها) وعلاش كاتقولي هادشي... واش عند بالك انا ثيقتو ؟ من نيتك !.
هادية : عنقتو يقدر ولكن والله ما عمري بست شي حد من غيرك .. انا عارفة اي راجل ما يبغيش يسمع هادشي ... و من حقك تتقلق ولكن والله حتى غير كذوب .
بهاء : (مسح دموعها و دوز يديه على شعرها رادو اللور) ششش هادية ! عارف .. انا عارف بلي هادشي ما منوش وعارف بلي نتي ماشي رخيصة باش ترمي راسك على واحد بحالو .. و عارف بلي نهار وقع داكشي بيناتنا ما كنتيش فوعيك .. يعني عمري غادي نشبك شي بشي .. (شاف فيها بحب) تهدني و باركة من البكا . انا مقلق اه و معصب اه ولكن ماشي منك ! نتي ما عليك والو، هو لي ما يسواش (سكت لوهلة خدا فيها نفس و حاول يقاد تنفسها حتى هي) ماشي وقت الهضرة دابا، و ما كاين علاش نهضرو ... انا عارف راسي اش داي، شي حد اخور يشرب البحر . واخا ؟

خرجات تنهيدة حارة من صدرها كانت مزيراها و هزهزات راسها بتفهم ....

بهاء : ودابا ياله نخرجو بحالنا من هنا نمشيو نردو المزاج بشي حاجة !
هادية : بغيت نمشي للدار ! (مسحات دموعها) ما حاساش براسي مزيان .
بهاء : واخا ...

وقف و مد ليها يديه باش تنوض ... شدات فيه بغات توقف ولكن ما قداتش ..

بهاء : مالك ؟
هادية : ر رجلي ! (غوتات مخلوعة) رجلي ما كانحسش بيهم .
بهاء : هادية اش كاتقولي !
هادية : رجلي ما كانحسش بيهم ا بهاء .. رجلي ما قدوش يهزوني ..

غير ما قال ليها راسها، غرسات ظفارها فرجليها والو بحال ايلا كاع ما قاصتهم ... بلعات ريقها بتوتر .. و الخوف غلف قلبها ، زيرات على قبضة يديها و نزلات بيها عليهم، والو واش حسات بشي حاجة ولا كانت شي استجابة .. ما كايتحركوش .. زادت الثانية و الثالتة و العاشرة و نفس النتيجة .. و بهاء بقا غير صافن مذهول ما عارف راسو باش تبلا .. كاع ديك الاعصاب لي كانو يغليو فيه تهدنوو و ولا همو الشاغل هي ... ما مستحملش يشوفها فاقدة اعاصبها و كادير فراسها هاد الحال ... تحنا هزها بين يديه ... و وسط زوبعة الافكار و الروينة لي نايضة فراسو عرف يخرج جوج كلمات مقادين .

بهاء : كلشي غادي يكون مزيان !
هادية : ما يمكنش(نفات براسها) ما كانحسش بيهم .. (شهقات) اربي لا ديرها .. يا ربي السلامة ... يا ربي الموت ولا هاد الحالة