فل تثلج❄️مكتملة❄️

❄️الجزء 132❄️

#الجزء_132
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

تبسم ليها وحيد يديه من جيابو حطهم على نصو ... حول نظراتو من وجههم لسماعة التلفون لي كانت مهزوزة ونطق بسخرية .

بهاء : اش بان ليكم ؟ نترادو .. هوما عطاونا وحنا نعطيوهم !
* السي ب بهاء ! م ماشي هكاك ! فهمتي غلط ..
بهاء : (منخلها زايد فسخريتو) الواحد سير معاه غا بنيتك و ربي يفضحو ... ههههه بغينا غا قهوة لقيناكم دايرين الصينية على المادام ... ما عحباتكمش ؟ نبدلها !
- ح حاشا السي العابد
بهاء : (تنهد) غادي نقول جوج كلمات ... جمعو حوايجكم ! (سكت) غادي نقول كثر من جوج كلمات .. جمعو حوايجكم و نزلو من الطيارة حيت (هز صباعو مركز بيهم على الكلمة) الح*مارة حشاكم كاتسناكم ...
*السي بهاء ع عفاك
بهاء : بجوجكم ما نبغيش نشوف وجهكم قدامي ... حطو استقالتكم قبل ما نجي خارج .
- عفاك اسيدي .. والله ما نعاودو .
بهاء : لا غادي تعاودو .. حيت مزال ما دازت حتى سيمانة مقادة على داكشي لي قبل ونتوما ما كاتوبوش .
* الله يخلي ليك ما عز عليك ما تقطعش رزقنا .

تنهد و دار عاطيهم بالظهر ...

بهاء : شوفو ايلا كاين خدمة لتحت .. هنا ما بغيتش مزال نشوف وجهكم .. هزو حوايجكم وهبطو للتحت ، ايلا لقيتو فين الله يسهل عليكم .

رجع لبيروه وهو شاد راسو بالزز، القرودة كايلعبو فوق منو .. واخا معصب عليهم متعاطف معاهم ، ماكايبغيش غير حيت هو مسك عليه الله و تزاد ففمو معلقة ديال الذهب يضيع بنادم فرزقو، ولكن ثاني من ناحية اخرى الواحد هو لي يصون لسانو، ما يهضر ما يقول كلمة ديال العيب.
*
دقات فالباب ودخلات عند عثمان حطات ليه البرية ديال الاستقالة والدموع فعينيها .. حول انظارو بين البرية و هي . ونطق بتساءل .

عثمان : اش هادي ؟
- استقالتي ...
عثمان : وعلاش بالسلامة !
- سي بهاء قال ليا جمعي حوايجك وحطي استقالتك .
عثمان : لا ماشي حيت هو قال، شنو درتي باش قال !
- (شافت فريا و عضاتوعلى شفتها) تقلق منا على شي هضرة وصافي .
عثمان : وصافي ! يعني ظلم؟
- (هزهزات راسها) ظلم، حيت كون ما كانتش كاتعلق بيها ما كانش غادي يتاخد شي اجراء !
عثمان : هي شكون ؟
- مدام هادية !
عثمان : (تبسم) واش جابها لهضرتكم ... (بقات ساكتة وحتى هو ما حكرش كمل كلامو) ايوا صافي هو ادرى .. هزي الاستقالة وعطيها ليه هو ... نتي ما ناوياش تعتارفي بغلطك، وانا ما عندي فين ندخل .
- و واخا .

خدات البرية من فوق المكتب وخرجات ... علات ريا عينيها فيه و حنحنات ... و هو بلا ما يشوف فيها نطق .

عثمان : لا ما غاديش ندخلو ... منين قررت انا نخرج علي ما قال والو، حتى دابا هو قرر وحنا غادي نقولو مرحبا و نسكتو .
ريا : هاء ! علاش انا قلت ليك دخل ؟
عثمان : (بصدمة) هادشي لي كنتي باغا تقولي لا ؟
ريا : لا .. (هزات كتافها) اصلا انا كنت باغاها تمشي ... ماشي قطاعة الارزاق ولكن ما حملتهاش من نهار قالت باغا طير بيك ... ها هي بقات تنقز حتى طيرها ربي قبل .. (شدات الضحكة) انا ما كانشمتش ولكن شمتانة .
عثمان : (ضحكاتو حتى تسدو عينيه) وشنو بغيتي !
ريا : غا طليبة قد هاكا (هزات صباعها قدام عينيه) صغيورة !
عثمان : امري !
ريا : (حنحنات) زعما ايلا بغيتي توظف سكرتير وصافي .
عثمان : (حط يديه على خدو و تنهد) كاتقولي هادشي باشمن صفة ! حيت نتي منين كادخلي للهنا ما كاتبقايش تعتارفي بيا .
ريا : (خرجات فيه عينيها) لا لا معتارفة، بصفتي خطيبتك ..
عثمان : (تبسم) واخا الالا يكون خير .
ريا : الخير هو تجيب راجل واخا!
عثمان : لا الخير هو نبقا بلاش .. وها حنا هانيين .
ريا : وعلاش؟
عثمان : ما نجيبش انا لي يبقا يشوف فمراتي فالدخلة والخرجة ....
ريا : انا ما غاديش نبقا حياتي كاملة هنا ! ثلت اشهر ولا ستة وهاني خرجت نقلب على
عثمان : (قاطعها) ثلاتة ولا ستة وهانتي خدامة معانا رسمي ..
ريا : ولكن !
عثمان : ما كاين ما ولكن .. ما غاديش نخلي مراتي تتمرمد عند عباد الله... ايلا ما خدمتي هنا شكون يخدم ؟
ريا : ما بغيتش نخدم حيت انا مراتك ...
عثمان : كون ما كان عندك ما يتقال ما تسطاجيش ݣاع ... غير تهناي
ريا : ويكون خير
عثمان : من جهة ما نبغيكش تعذبي فالخدمة ... ومن جهة ما قريتيش و تقاتلتي هادشي كامل باش فاللخر تجلسي فالدار ...
ريا : كنتي تخطط تاخدها ربة منزل ... منين عرفتيني كانقرا قلب الستة تسعود .. أما دابا فات الفوت طاح الفاس فالراس .
عثمان : حتى دابا غادي نشوف مراتي فالدار و الخدمة شكون بحالي .. نديها و نردها معاي .