#الجزء_460
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
كملو عشاتهم و واقفين بجوجهم فالكوزينة معاونين .. شي كايغسل الماعن و شي كتينشف و يردهم لبلاصتهم ...
قطعات الروبيني ودارت شافت فيه وهي كاتمسح بديها فالفوطو حيت كملات و بقا ليه غير يرد الماعن ..
هادية : ايوا كي دازت الخرجة !؟ ولا خاصني نقول date ؟
حبيب : (علا حجبانو) date ! هههه منين جاتني ؟
هادية : علاش منين كايخرجو جوج ديال الناس من الجنس الخشن و الجنس اللطيف ... ما كانسموهش موعد !
حبيب : ماشي شرط !
هادية : (تبسمات) هااا، حصلتي ، يعني كنتي مع بنت !
حبيب : (ببرود) ماشي شرط حتى هي ..
تنهدات و نطقات بنفس طريقتو ...
هادية : كاتكذب !
حبيب : ما قلت حتى حاجة كذوب ...
هادية : و ما قلتي حتى حاجة نيشان ! حبيب بلاصة ما كايكذب كايتهرب من الجواب !
دور عويناتو ..
حبيب : يمكن حيت باقي الحال على السؤال !
هادية : وحتى لايمتا ؟
حبيب : منين يكتاب !
هادية : و زعما عاجبك الحال كاتخرجو هاكا ... ماشي هادشي النيت لي ما كنتيش كاتبغي لينا ؟
حبيب : كون كان يخرج معاك بنيتي .. ما تزوجوش ..
هادية : ولكن فواحد الوقيتة كنا كانخرجو بنيتك ..
حبيب : و ما بقيتوش، داكشي لاش حتى انا قلت تزوجو منين النية تبدلات !
هادية : و نتا نيتك ما كاتبدلش ؟
حبيب : منين يجي وقتها غادي تبدل !
هادية : يعني دابا نتوما مصاحبين .. ؟
حبيب : انا وشكون ؟
هادية : البنت لي كنتي معاها !
حبيب : مصاحبين باشمن معنى ..
هادية : عندها شي معنى اخور ؟
حبيب : مصاحبين صحاب ومصاحبين حباب.. داكشي ديالكم يعني ...
هزات خاتمها قدام عينيه وهي مبردة ..
هادية : لا حنا مخطوبين ما مصاحبينش .
حبيب : ما كايكلش معاي شي حاجة من غير العقد
هادية : اه وقريب نديروه حتى هو ان شاء الله ، ودابا بلا ما تقلب ليا الكفة .
حبيب : واش راني فاستجواب !
هادية : الهيئة اه، حيت ما بقيناش نعرفو ناخدو الكلمة من فمك بالساهل !
شاف فيها بحب وعينيه كايلمعو، هادية هي هادية، الحنينة لي كاتحس بكلشي و كاتفطن لكلشي، دغيا قلعاتو ، و فوقفة منو غادي تخرج منو كلشي.. شحال وهو كايتهرب فاللخر وحل .
حبيب : ههههه واخا الالا ... غير تهناي ليا حنا ما مصاحبينش ... عادي حنا صحاب وصافي...
هادية : متأكد !
حبيب : زعما راني داوي على راسي .. غير ايلا ما بغيتش نتأكد .
هادية : و كاتبغيها ؟
حبيب : هادية !
هادية : (قاطعاتو) بييييب جواب خطأ، عندك جوج خيارات وسميتي ماشي بنياتهم ...
حبيب : واش ضروري ايلا خرجت انا وشي وحدة يعني راه كانبغيها ؟
هادية : منين رديتي بسؤال يعني اه !
حبيب : ما قلتش !
هادية : ولكن انا قلت ، حيت مادامك خرجتي نهار الاحد ورا العصر فالوقت لي كاتكون حاني ظهرك كاترجم فيه الروايات ولا ناعس ترتاح من العيا ديال السيمانة ... اه ! ما غاديش ضيع عشية كاترتاح فيها على قبل بنت ما كاتعني ليك والو .
حبيب : (هز يديه حدا راسو) التسليم ..
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
