#الجزء_164
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
وبعد عشية طويلة خرجو مخليينهم يرتاحو على قبل السفر عندهم فالصبح ... بقات معاها غير هادية و ساندي جمعو معاها الدار و وجدو باليزتها ..
هادية : طريق السلامة الحنينة ديالي ..
ريا : (تزير قلبها) الله يسلمك .. (عنقاتها) غا نتوحشكم ..
هادية : ضحكي وفوجي ... غا ترجعي ان شاء الله تلقاينا كانتسناوك ..
ريا : ولكن جاتني فشكل، عمري سافرت بلا بيكم ...
ساندية : دابا عطا الله ماديري بلا بينا !
هادية : (خرجات فيها عينيها و تبسمات) من غير تشربي شي دوا ثاني يخليك دخلي وتخرجي فالهضرة .
ريا : صافي مشيتو تبقاو عاقلين عليها ..
هادية : ههههه تهلاي فراسك وفراجلك الله يرضي عليك ...
ريا : ان شاء الله.
عنقات ساندية حتى هي و وصلات معاهم حتى للباب غير خرجو طرقات وراها بينما رجع عثمان ..
ودخلات لبيتها كاتجمع حوايج عثمان، واخا ما متيقناش بلي غا يرتاح فيهم وغا يلبسهم المهم هو دارت لي عليها ...
ما خداش بزاف ديال الوقت ورا ما خرجو باش رجع لدارو وهو جايب العشا معاه ...
دار الساروت فالباب باش يفتح ما بغاتش دور الفرخة ، احساس فشكل تملكو انو واخيرا غا يولي يدخل للدار ويلقى لي معمرها ... ما بقاش غادي يكون بوحدو دق فالباب وقلبو كايضرب بالجهد .. وفبالو كايدعي يبقى ديما هاد شعور مرافقو حتى لاخر نهار فحياتو .
حلات ليه بابتسامة ... خلاتو يتلاح عليها معنقها وهو مزير، كون لقا يخشيها وسط ضلوعو ما يقصرش ...
ريا : على سلامتك !
عثمان : توحشتك !
ريا: دغيا دغيا ؟
عثمان : (قابل وجهو معاها وهزهز راسو) غير كانرمش كانبغي نحل عيني باش نعاود نشوفك ...
ريا : (تبسمات) حتى انا كانبغي نشوفك قدام عيني ديما
عثمان : (باس يديها) وان شاء الله هادشي لي كاين من دابا للفوق ...
ريا : واجي معاي شوف باليزتك واش هي هاديك .
عثمان : واخا نحط هادشي فالكوزينة وهاني معاك
ريا : تمام .
***
خرجو من دار ريا ، وساندية غير كاتنهد ...
هادية : بيك شي ؟
ساندية : منين صبح الصبح وانا منوغشة ، كان عند بالي ريا لا قدر الله بيها شي حاجة ، ساعة الحمدلله والله يديمها هي بيخير، ولكن مزال (حكات على صدرها) العافية شاعلة عندي هنا وراني مزيرة ...
هادية : قولي اعوذ بالله من الشيطان الرجيم ...
ساندية : الله ينعلو ويخزيه ...
هادية : نمشيو ناخدو ݣلاص نبردو بيه على قلبنا ...
ساندية : (هزهزات راسها) تمام .
حطات يديها على خدها متكية على الشرجم وركزات نظرها على الضواو ديال الشارع ... خداو ݣلاص .. كلاوها فالطموبيل عاد كملو طريقهم للدار، نزلات للكراج ...
طلعو بجوج وهادية مشوشة بزاف على ساندية ... ماشي من عوايدها تكون بحال هاكا ...
خرجو من المصعد و وقفو مقابلين مع بعضياتهم ...
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
