#الجزء_169
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
الثلاتة د الصبح عندهم وهوما مزال قصارين، لعبو، غناو ، ضحكو ونشطو خلقو جو من داكشي... حتى عياو وهوما يشدو فيلم مكملين السهرة ومطيبين بيه النعاس .
وريا مسكينة ما تيقاتو ايمتا كمل، وجهها قلب على الوان الطيف كلهم ... بقوة الحشمة، فينما يشوف فيها يلقاها مزنݣة ...
غير سالا دار لعندها باس جبهتها ونطق ..
عثمان : نعسو ؟
ريا : (هزهزات راسها) ما كرهتش ...
ناضت دخلات للحمام بزربة حكات سنيناتها غسلات وجهها بالجيل المخصص و دارت ليه الكريم المرطب هو ويديها كيما موالفة كل ليلة ...
وقفات كاتآمل انعكاسها فالمراية و تمتمات بصوت منخفض .
ريا : ما تبقايش فينما يقيسك تولي خشبة، هو كايبغيك، وكايخاف عليك من راسو، عمرو غادي يآذيك ... تهدني، (خدات نفس) راه ما صعيبة غير البدية .
تنهدات بصوت مسموع وعاود كملات هضرتها .
ريا : معامن كانهضر ؟ كل ليلة نفس الهضرة، وكل ليلة نفس الموال .
غضمات عينيها خدات نفس وخرجات ... كان واقف عند الباب كايتسناها ... باس راسها ودخل يقضي غرضو حتى هو .
ريا : يا ربي يسر امري... حتى لايمتا ؟
دخلات وسط الفراش، سندات ظهرها على المخدة وهزات تليفونها تشوف واش كاين شي خبار بينما خرج عثمان ... ما متيقة ايمتا ترجع، عاجبها الحال وعثمان مهلي فيها لدرجة تحشم تقول ناقصاني شي حاجة ولو غير بالضحك، ولكن موحشة خوتها و عائلتها ، هاد التغيير الجدري لي وقع فحياتها ماشي ساهل تولفو بين ليلة وضحاها، واخا كاتحاول .
ريا : توحشتوني ؟
جاوباتها ساندية بالزربة حيت التلفون كان بين يديها .
ساندية : هاح فهاد الوقت !
ريا : اش ؟
ساندية : اش مفيقك فهاد الوقت ؟
ريا : مزال ما نعسنا ..
ساندية : يا ربي منين كايجي الخير كايجي فدقة...
ريا : الله يكثر الخير ولكن ما فهمتش!
ساندية : فايقين حيت عطيتي للسيد حقو !
ريا : (تبسمات) الا ويلي .. غير كنا كانتفرجو .
ساندية : لا الاه الا الله ، صبرني اربي هاد البنت غادي تحرق ليا فيوزاتي ...
دخلات هادية معاهم فالموضوع وهي كاتضحك ...
هادية : غير تفرجتو !
ريا : (بتأكيد) غي تفرجنا
ساندية : اشمن فيلم ؟
ريا : A perfect pairing.. هو كوميدي رومانسي. . زوين بالحق قلبي مشا وجا معاه
ساندية : وراجلك مسكين ما بقاش فيك !
ريا : عارفة
هادية: بالشوية عليك ولكن راه وراك وراك، حاولي ترخي راسك
تنهدات وعاود رجعات شافت فالتلفون ...
ريا : توحشتوني ؟
هادية : بزاف ..
ساندية : توحشناك (تنهدات) توحشت الهدوء وحياتنا المملة .
هادية : ايه سعدات لي مزوج عايش الاكشن .. انا راني باقا غارقة فالملل ...
ساندية : هههههه تقطعي فالقلب ..
ريا : حتى انا توحشتكم... ولكن ما بقا قد ما فات، بعد غذا ها حنا فالطيارة جايين عندكم .
ساندية : الله يجيبكم على خير ... (تبسمات) نخليكم انا دابا... ارون كايعيط باش نتعشاو
هادية : بالصحة والراحة .
ريا : بالصحة والراحة ...
هادية : حتى نتي حطي التلفون وشوفي فعثمان ...
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
