#الجزء_137
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
الساعة الوحدة ورا نص الليل ، ياله سالا مع الطبيب، غرزو ليه الجرحة لي فراسو و ضمدوها هي و الضربة لي عندو فظهرو .. هاد طلع هو وعثمان للغرفة ديال هادية .. .
تلاقاو بريا قدام الباب كانت راجعة من الكافيتيريا خدات قهوة تصحصح بيها ... شافت فبهاء و نزلات عينيها للارض ، عارفة راسها خرجات العيب وما عاطياش لراسها الحق باش تبرر ولا تتمرد ... خدات نفس وشافت فيهم بابتسامة على وجهها .
ريا : ما يكون عندك باس !
بهاء : لهلا يوريك باس .
ريا : (حنحنات) وسمحلي على داكشي لي قلت ليك قبايلة .
بهاء : (تبسم) ماشي مشكيل ... عارف غير من خوفك عليها .
ريا : ولو ما كانش من حقي ندخل، كاتبغيها ولكن ما راكش مجبور تلازمها بحال ظلها .
بهاء : (علا حجبانو) واجب هذاك ...
ريا : المهم انا كانعتاذر
بهاء : عادي .. راك ختي ما غاديش نشد فخاطري منك كيما ما كانشدش من ميسان
ريا : (تبسمات) شكرا .
عثمان : نمشيو نشربو قهوة فالجردة ؟
ريا : وهادية !
بهاء : هاني معاها .
ريا : تمام .
دار يديه ورا ظهرها زادو بجوج بينما هو خدا نفس وفتح الباب ... كانت مغمضة عينيها و مدورة وجهها ناحية الحيط .. باس راسها وهي تفتحهم ...
هادية : ج جيتي !
بهاء : جيت !
هادية : اش قال الطبيب ؟
بهاء : مزيان .. عادي ضرابي خفاف وصافي
هادية : ضرابي خفاف ... غرزتي ؟
بهاء : اه !
هادية : (بانفعال) اويلي ...
بهاء : (باس يديها) هادية ! راسي راه تحل وتسد فواحد اللحظة جمجمتي تقبات وهاني واقف حداك عادي .
هادية : اسيدي اشداك .
بهاء : ديري ليا بلاصة نجلس حداك .. راني مقصح فظهري
شافت فيه بمعنى من نيتك وهو بقا غير كايرمش و الابتسامة على شفايفو .. عارفها ترطاب وتكحاز .
هادية : ولكن ريا !
بهاء : (قاطعها) غادي نوض قبل ما ترجع ريا
تنهدات و كحزات لصقات فالجنب ... جلس فجنب الفراش وهو كايزفر تكا على الوسادة ... وغمض عينيه كايحس بعظامو مدكدكين و راسو كايتحل و يتسد ...
هادية : باش كاتحس ؟
جرها لعندو مخليها تحط راسها على صدرو و دوز يديه فخصلات شعرها ...
بهاء : بخوفك عليا !
هادية : (تنهدات) شنو وقع ؟
بهاء : لي وقع راه وقع ... صافي فاتت .
هادية : قلتي ليا غادي تعاود . (هزات راسها فيه و نيمات عينيها) بهاء lütfen .
بهاء : هههه وليتي كاتلعبي ليا على الوتر الحساس .
هادية : وهادشي لي عطا الله .
بهاء : (تنهد) يالالا خرجت من الكلينيك عيطت لعثمان .
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
ركب فسيارتو ونيشان قصد البلاصة لي قال ليه عليها، وكايدعي لي خلقو يلقاه تماك ... وهو فالطريق صونا على عثمان .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
