#الجزء_152
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
جالسة فالبالكون كاتشوف فالسما و بين عينيها غير اللقطة لي وقعات فالكلينيك، نفسيتها مزفتة ولكن ما هازاش ليها الهم، بقد ما كاتخمم لعثمان، عارفاه غادي يثيق بيها و ما عندهاش شك ولو 1٪ ما يثيقش بيها، ولكن كيفاش غادي يدير يتقبل هضرتها، كي غادي يقدر يكمل معاها بحال ايلا ما واقع والو ...
حتى كاتلمح سيارتو وقفات من تحت الدار ... وقفات وقلبها كايضرب بالجهد مراقباه، نزل و فيديه بوكي ديال الورد وجوج علابي كبار شوية ... ودخل للاقامة .
بلعات ريقها وشدات على قلبها متوترة ، ورجعات جلسات فبلاصتها كاتسناه يصوني فالباب ... ولكن ما دخلش، دق حبيب فالباب و دخل ليها داكشي لي جاب صافي ...
حبيب : عثمان جاب ليك هادو !
ريا : و وفينو ؟
حبيب : رجع بحالو ! ما بغاش يقلق راحتك ونتي غير كاتشوفيه كاتنفري ...
ريا : ولكن !
حبيب : سول عليك و منين تطمن قلبو مشا !
ريا : (نزلات دمعة) بلا حنى ما يشوفني !
حبيب : اي واحد بكرامتو غادي ياخد موقف اريا ! و واخا واخد موقف ما ناسيكش ! كل شوية يعيط كل شوية يسول ، لبارح بايت قدام باب بيتك وهو ياله حطاتو الطيارة ، ما باغيش نضغط عليك ولكن كيما هو مقدر حالتك و نفسيتك حتى نتي قدري .... ما دار حتى حاجة تستاهل تغوتي عليه البارح ولكن حيت نتي عيانة ما قديناش نعاتبوك ولا نقولو ليك علاش، لي فيك ما عالم بيه حد من غير الله ... ولكن هو ما يستاهلش تعاتبيه ...
ريا : ماشي لخاطري ا حبيب !
حط داكشي لي جاب من يديه و قرب لعندها واخدة وسط حضنو، حط ليها راسها على صدرو و كايطبطب عليها بيديه .
حبيب : ششش بلا بكا، ان شاء الله كلشي غادي يرجع كيما كان ... رتاحي ليك وحطي حد لهاد الخوف لي فيك .. شنو ما بغا يكون سبابو، حبكم ليه كبر من هادشي ...
ريا : ان شاء الله .
حبيب : تبغي تخرجي تجلسي معاي ؟
ريا : (تنهدات) نغسل وجهي ونجي !
باس راسها و خرج من البيت نيشان للكوزينة كايوجد الصينية باش تاكل، منين رجعات ما كلات والو من غير بسكوي على قبل الدوا ...
دخلات للحنام غسلات وجهها و خرجات كاتشوف ديك البوكسز لي جاب ليها عثمان ... هزات الورد استنشقاتو حتى وصلات ليها ريحتو للمخ و خدات الكارط لي كانت وسط منو .
*الله يشافيك الدنيا، ما ضغطيش على راسك وبلاش عليك قوة التوتر ... وقتما حسيتي براسك مزيانة عيطي لي*
مسحات دموعها ثاني لي نزلو فور ما قرات اش كتب ليها و دازت كاتشوف شنو فالكارطونات .... كانو كادويات خداهم ليها من البلاد لي سافر ليها، عطر و ساعة فالصندوق اللول ة فالثاني شوميز محطوطة معاها ورقة ...
*فحالة ما بغيتي تعرفي دوقي، شفتك ونتي كاتدوري فعينيك وتعضي فشفايفك ... رخفي نفسك ما رانيش حداك، ولكن غادي نشوفها عليك ان شاء الله، قريب ما بقا ما فات ، كانحسب النهارات و السوايع والدقايق حتى تكوني على عنقي*
أنت تقرأ
فل تثلج❄️مكتملة❄️
Любовные романы💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
