#الجزء_162
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
مد ليها مرفقو خرجات معاه وكلهم شادين البكية .... وقفو فالمقدمة ديال الدروج وراهم كانت جيلان هازة الكسوة لريا .. و وراها هادية وساندية وميسان لابسين نفس الكسوة لي لابسة جيلو... ديال الحرير خاصة بوصيفات العروس ...
كانت القاعة خفاف فيها الضو و تسلط كولو عليهم ... الدخان خارج من الجناب و مع كل خطوة كاتخطيها كانو دقات قلبو كايتسارعو وهو كايتسناها فاللخر ديال الدروج ... لابس كوسيتم زرق مع قاميجة بيضة و بابيون فنفس اللون مع صباط كحل ...
وقف قدامو ومد يديها ليه ، شدها من عندو تحنا باسها بكل لباقة و تبسم لحبيب ..
عثمان : شكرا !
حبيب : امانة عندك ! عطيتك طرف من قلبي تهلا فيه .
عثمان : (بابتسامة) وولات هي قلبي ما تحتاج توصي
حبيب : الله يبارك ليكم
عثمان : امين .
توخر اللور وهو باقا صافن فيها حتى بادراتو بالسؤال ...
ريا : كي جيت
عثمان : كيما كانشوفك ديما !
ريا : (بسخرية) اميرة ؟
عثمان : (هزهز راسو) تماما (عاود باس يديه و شاف فيها) نشطحو ؟
ريا : تمام ..
تقدمو للوسط كايشطو بخطوات كلاسكية بحال امير واميرة خرجو من شي سيناريو ديال مؤلفة فيلم ديزني ... كانت كل خطوة معبورة .. يديهم، رجليهم ، عينيهم .. كلشي فيهم كايتحرك مع الموسيقى ..
وغير كملو .. تعلات التصفيقات فالقاعة .. وجا الكيك لي كان مكون من اربع طبقات مجرور فعربة كبيرة .... طلعو قدام البرزة عاليين و خداو السكين قطعو بيه الطبقة اللولة بجوج .. وكلو بعضياتهم و تفرق الݣاطو على المعازيم القلال لي بقاو ... خداو تصاور ثاني مع الناس القراب وجا وقت ترمي الورد باش يتيسرو بحالهم ..
1...2....3
وهوب طار عليه بهاء دايو لمولات الشي ... تحنا على ركبتو ومدو ليها بعينين عامرين حب خلاها غا تغراق فبلاصتها ...
بهاء : حتى لي ما فراسوش يسيق الاخبار بلي راحنا ناويين الحلال
هادية : (تبسمات وخداتو من عندو) شكرا ..
بهاء : وقريب نعقدو ..
هادية : ان شاء الله
بهاء : و كانبغيك !
هادية : (ضحكات) حتى انا ! كانبغيك اولد العابد ياله نوض باركة من الشوهة غذا تلقا راسك فهسبريس.
بهاء : (بسخرية) مصاب ياخدو ليا غا جنبي ليمن حسن .
تفرق المجمع وجا وقت الوداع ... غادي يمشيو للدار حتى للاثنين عاد عندهم الطيارة، ومسافرين لبالي يدوزو فيها سيمانة ...
كايتفارقو بالبكا بحال ايلا ما غادي يتلاقاو قرن وهوما غير غذا مصبحين عليها ...
عطات هادية لعثمان سوارتو وهي كاتوصي وتعاود فيه ..
هادية : وسع خاطرك وتهلا عفاك ..
عثمان : لا توصي حريص !
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
