#الجزء_175
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
نزلو فالدريجات و وقفو فالجنب باش يدوعو بعضياتهم و يتفارقو كلها يمشي لدارو ...
ميسان : ديال بالصح شكرا بزاف حيت جيتي ...
حبيب : خاصني نقولك شكرا حيت عرضتيني ؟
ميسان : الا !
حبيب : ايوا صافي...علاش كاتقولي شكرا ، عادي ..
ميسان : هههه تمام ...
حبيب : ماشي هادي هي ميسان لي عرفت .
ميسان : (تنهدات) ولا انا ! (حنحنات متداركة نفسها) زعما ماشي نتا هو حبيب لي عرفت ..
حبيب : لا انا دابا اثير !
ميسان : ههه الفكاهة بزاف ! (تبسمات) ولكن الحق يتقال صدقتي ضريف !
حبيب : من ديما كنت ضريف !
ميسان : لواه ! شوية ديال التواضع الله يخليك .
حبيب : هههه مالي كذبت ؟
ميسان : الا ولكن ! (تنهدات) nevermind ... شكرا .. و ماشي باش تقولي شكرا، انا عارفة لاش قلتها ..
حبيب : على راحتك
ميسان : تهلا فراسك !
حبيب : بسلامة عليك ...
جات غادية و هي توقف ودارت لعندو ...
حبيب : اش نسيتي!
ميسان : ما قلتش ليهم خارجة معاك ، باش ما يفهموناش غلط ... عنداك تفرشني !
حبيب : المرة الماجية علميهم !
ميسان : (تبسمات) ان شاء الله ...
زادت ثاني خطوات قلال وقفات قدام الشعيبية وشافت فيه ....
ميسان : ما غاديش تمشي ؟
حبيب : حتى تمشي ..
تبسمات حتى تشدو عويناتها نطقات ...
ميسان : ناوي طيحني ! (ضحكات) غير كانضحك !
حبيب :ههههههه بسلامة عليك ..
طلعات فسيارتها و الفراشات محركين فكريشتها، الضحكة ديالو بين عينيها وقلبها كايضرب بالجهد ... دارت السمطة و قادات المراية عاد ديمارات متوكلة على الله ... وهو بقا فبلاصتو حتى ما بقاتش كاتبان ليه ... تمشا ناحية سيارتو .. طلع فيها و قلبو حاس بيه كايضرب بالجهد ...
تنهد و تبسم لانعكاسو فالمراية ، كاتعجبو بهضرتها، بلطافتها، طاقتها الحلوة وهادشي من ديما كان بحال هاكا ... من شحال هادي، من قبل اول مرة تلاقاو ... فاش كان كايشوفها غادة تقرا على الصبح و خارجة من الدار فارعة لبهاء ولا عثمان ولا الشيفور لي حتى هو مسكين ما سلمش منها راسهم ، ضحكتها لي كانت كاتسمع من لاين ولاين كادخل لقلبو البهجة ...
ماجاش وطاح، وهادشي لي كايعيشو دابا نتيجة تراكمات من قديم الزمان،كان كابتهم و غا يبقا كابتهم حتى يجي النهار لي يكتاب يخرج اش عندو .. نهار يكون واجد .
سها وهو كايتفكر اول لقاء هضرو فيه ... ما كانتش شي حاجة تشكر ولكن عمرها بغات تزول من حدا عينيه ديك اللقطة .
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
شاف فيها بنظرة حادة و بلع ريقو ... نطق بهدوء قادر يتحكم فأعصابو و يتعامل معاها .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
