فل تثلج❄️مكتملة❄️

❄️الجزء 144❄️

#الجزء_144
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

من بعد ما تعاونات هي وحبيب على الطبلة ، غسل هو اللواني وخلاها توجد ليه طاكوس لي كان مشهيه من يديها ....
غير سالات خرجات خدات دوش خفيف حيدات بيه ريحة الطياب و وجدات راسها باش منين يجي وراها عثمان يلقاها واجدة .
جلسات فالصالة حدا هاينة وهي كاتلعب بخاتمها .... ساهية كاتخمم فلي ملك قلبها حتى نطقات بجنبها .

هاينة : حتى هو كايجلس يلعب بخاتمو فيديه و يتبسم بحالك !

شافت فيها و بقات لوهلة مبلوكية حتى وصلاتها هضرتها عاد تبسمات ...

ريا : بالصح ؟
هاينة : (هزهزات راسها) كانعرفوه كايخمم فيك.

دارت كلها تقابلات معاها و نطقات بحماس ...

ريا : كايهضر عليا بزاف ؟
هاينة: عثمان ما كايهضرش بزاف، ما كاتعرفيش شنو تحت راسو ... ولكن وقتما تحبدات سيرتك كايمدحك، كايشكرك كايكبر بيك و بعائلتك ... داير جهدو باش يوصل لينا قداش كايبغيك .
ريا : (قرنات حجبانها) عثمان ما كايهضرش بزاف !
هاينة : على راسو لا ... كايهضر معانا علينا، عمرو دخلنا وسط حياتو ، مشاكيلو، شنو وقع فنهارو، واخا كانسولوه كايهزهز راسو ولا يقول كلمة ويسكت، هو ماشي غامض ولكن ولف من صغرو يقمع راسو، ما كايبغيش يهضر و يعبر، حيت كايحشم منا بزاف، الوحيد لي يبثا يهضر معاه بالساعات هو بهاء، كانو متقاربين بزاف فالعمر و حطو الراس على الراس ، كان عندهم بزاف ديال الحاجات مشتركة .
ريا : بحالاش زعما ؟
هاينة : (هزات راسها كاتخمم) جرحهم ما حاسين بيه غير هوما ، ما كاينش ام ...
ريا : فهمت .. ولكن نتي كنتي معاهم ... علاش خليتيهم يديرو حدود معاك .
هاينة : انا كنت داداهم ... ماشي يماهم ! و زيدي داكشي لي داز على عثمان بوحدو ...
ريا : (هزهزات راسها) فهمتك !
هاينة : اصلا نتي غادي تكوني عارفة و فاهمة هادشي كثر مني، ما كانظنش مخلي شي حاجة فقلبو و ما قالهاش ليك و نتوما غادي تبداو حياة جديدة .
ريا : ايه فهمت غير منين قلتي ليا عثمان ما كايهضرش بزاف تعجبت .
هاينة : ونتي غادي يهضر معاك حيت نتي دنيتو كيما كايقول .. ما يمكنش الوجه لي كانشوفوه حنا يوريه ليك نتي ... باش تعرفي بلاصتك فقلبو .
ريا : عرفت ...
هاينة : الله يحفظكم لبعضياتكم .
ريا : اللهم امين ...

صونا تلفونها عرفاتو كايتسناها لتحت .. ناضت بالزربة ولوحات بيديها ليها ..

ريا : هانا مشيت .
هاينة : بسلامة عليك ... تهلاو فراسكم .
ريا : ان شاء الله.

وقفات قدام الباب كاتلبس سباطها وهو يخرج عندها حبيب ...

حبيب : ردي لبال لراسك !
ريا : ان شاء الله .. (باست خدو) بسلامة عليك
حبيب : بسلامة ..

خرجات وبقا متبع ليها العين حتى وصلات للمصعد عاد سد الباب .. كايدعي فسرو كلشي يدوز هو هذاك و ما ترجعش مكسورة بحال ديك المرة .