#الجزء_150
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
دخلات للكوزينة، هزات البراد من الارض ... و خدات المنديل ، مسحات البوطة و نزلات كاتمسح الارض، حيدات منها اتاي لي كان كايتلصق بقوة الحلاوة ... و كبات الما فالكوزينة كاتسيقها و دموعها فعينيها، مع كل خبطة ديال الكراطة كانت الرؤية كاتزيد تضبب و كلامو كايتعاود فوذنيها !
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
*قبل يومين*
خارجة من الشركة و التلفون فوذنها كاتهضر مع عثمان لي مسافر على قبل شي خدمة ضرورية ... كاتبسم و حنيكاتها مزنݣين ... حتى كاتسمع الكلاكصون وراها ... علات حجبانها و زادت ما مسوقاش و الطموبيل لي وراها تابعاها و زايدة فالكلاكصون ... حتى دارت وهي تحبس مبلوكية منين لمحات يوسف .
عثمان : ريا ؟ واقعة شي حاجة ؟
ريا : عمك هنا !
عثمان : (عقد حجبانو) قال ليا يقدر يدوز ! ؟ ولكن قلت ليه لا !
ريا : (بعدم فهم) نعم ؟
عثمان : عيط و طلب السماحة على داكشي لي وقع داك النهار .
ريا : ايوا ؟
عثمان : و قالي بغا نتلاقاو ، يزيد يتعرف عليك .. منين قلت ليه راني مسافر اقتارح باش يجي وراك و تخرجو بجوج !
ريا : (بعصبية) ايوا ؟
عثمان : راني قلت ليه لا ! ولكن ما سمعش ليا ....
ريا : وشنو دابا ؟
عثمان : قولي السلام و زيدي ...
نزل يوسف من سيارتو .. تبسم ليها ونطق :
يوسف : السلام ؟
ريا : وعليكم السلام !
يوسف : عثمان ؟
هزهزات راسها وهو يحيد ليها التلفون من يديها و حطو على وذنيه .
يوسف : اعمي راه ما يتسالكش، مخرج الوقت باش تهضر !
عثمان : و الدنيا هادي ...
يوسف : غادي نخطفها واحد الساعة .
عثمان : (بعصبية) عمي ! هي ما غاديش تكون مرتاحة بلا بيا ، و زيد عليها راها مشغولة بالتوجاد للعرس ما كاين لاش نروبلوها بلا والو .
يوسف : ما غاديش ناكلها !
عثمان : (موسع خاطرو) ما قلناش ولكن راه ما جاتش .
يوسف : (تنهد) على راحتك ... منين مشغولة نوصلها للدار و نمشي بحالي، ديك القسمين ديال الطريق حسن من والو
عثمان : ما كاين لاش الشيفور غادي يجي موراها .. راني وصيتو
يوسف : ايلا جا يرجع ، انا لي غادي نوصلها .
ريا : لا لا ما كاين لاش ! بلا ما تكلف راسك!
يوسف : ولو حنا غادي نوليو عائلة .. تهلا فراسك اولد خويا !
مد ليها التلفون و تقدم لعند سيارتو فتح ليها الباب لي حداه .
ريا : عثمان !
عثمان : ما فهمتش مالو على هاد الاهتمام كامل !
بلعات ريقها و ما بغاتش تزيد تحشمو مع عمو .. زطمات على خاطرها و تبسمات .
ريا : صافي ماعليش ، غير يوصلني و يمشي .. حشومة وصل حتى للهنا و نردوه، وهو باغي غير يتعرف على مرات ولد خوه .
عثمان : (تبسم على كلمة مرات ولد خوه) الله على الدنيا و خرجات من فمك كي العسل !
ريا : (بسخرية) بحال ديما
عثمان : (تنهد) يعني .. اه ! توحشتك ...
ريا : (تزنݣات و شافت فيوسف) ياله نخليك .. عمك واقف .
عثمان : منين توصلي عيطي ليا.
ريا : تمام .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
