#الجزء_145
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
حط الطبسيل قدامها وتبسم فرحان بالانحاز ديالو ، ماشي ديما كايطيب ولكن غير كايدخل للكوزينة كايخربها ... يديه لذيذة .
بهاء : voilà !
هادية : (علات حجبانها) ليا !
بهاء : لا ليا غا بغيتك تشوفيه !
هادية : (تبسمات) اه وبالصحة !
بهاء : هادية ؟
هادية : نعم ؟
بهاء : لمن مطيب انا ؟
هادية : اه زعما ليا !
بهاء : :اكيد ماشي للعساس ولا للجنون!
هادية : بالحق انا عندي حساسية من الماشروم (الفطر) ما فراسكش ؟
بهاء : ها ؟
هادية : (عضات على شفتها) اه ما كاناكلوش !
بهاء : (قرن حجبانو) هادية ! بلا ما تخرجي ليا عقلي .. كيفاش عندك حساسية !
هادية : (داياه على قد عقلو) كاناكلو كايسد ليا حلقي و كايحكني ...
بهاء : وعلاش ما قلتيهاش ليا ؟ نتي عارفة أنا كانطيب ليك قوليلي ا مول الشي ما ديرش فيه هاد الزفت .
هادية : وحتى دابا ما وقع باس ، تقدر تاكلو .
بهاء : كون بغيت ناكل بوحدي ما نطيبش ... (تنهد) ما وقع باس انا غادي نقاد ليك وحدة بلاش ...
هادية : (نزلات شفتها السفلية و هي متأثرة بحنينو) اييي بهاء !
هز الطبسيل من حداها خايف يهيج حساسيتها وهو قريب ليها ... خلاها كاتبسم ...
هادية : غير ضحكت معاك ...
بهاء : ها ؟
هادية : ههههههه ضحكت وصافي .. ما عندي لا حساسية لا زعتر غير بغيت نشوف رد فعلك و صافي .
بهاء : (شاف فيها وهو كايرمش) مولات الشي !
هادية : و غير بغيت نجرب .. غير نتا لي ديرها بيا ؟ لا ! (تبسمات) كون كانت عندي حساسية كنت غادي نقولها ليك اول مرة تلاقينا ...
بهاء : وراه داكشي لاش طاح لي العجب .
هادية : و ارا ليا طبسيلي ندوق ما حدو سخون ...
حطو ثاني قدامها و مد ليها فرشيطة كبيرة ...
هادية : بسم الله (خدات لقمة كاتستبنن وهو حاط عليها العين) هادشي بنين (زادت الثانية وشافت فيه) ما غاديش تاكل ؟
بهاء : هانا نحط لي فالطبسيل ...
هادية : جيب فرشيطة واجي كول معاي ... فراسك الماكلة من بلاصة وحدة كاتزيد المحبة .
بهاء : ما كانظنش كاين شي حاجة ما كثر من هادشي لي واصل ليه ..
جبد فرشيطة و جلس حداها كايكلو وعينهم على بعضياتهم ...
هادية : يديك بنينة .
بهاء : بالصحة ...
مد يديه مسح ليها جنب فمها.. دوزات لسانها على شفايفها بالزربة و خدات كلينكس كاتمسح وهي متوثرة .
كملو ماكلتهم و ناض بهاء جمع البلاصة فين خدم ، واخا بغات تعاونو ما خلاهاش ... و منين سالا دار الذرة فالميكرونود... ثلاتة دقايق و كانت مطرطقة كاملة ، حطها فبول و شابك يديه مع هادية غادي بيها ناحية الصالة الصغيرة ... ظلم القنت و شعل التلفازة الكبيرة لي كانت شادة الحيط كامل تقريبا بطولها ... مد ليها التلكمونود باش تختار الفيلم لي بغات و حط راسو على فخضها مخليها تكنزز .
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
