#الجزء_179
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
غير تحرك من حدا باب دارهم صونا على عثمان ... مرة وجوج حتى جاوبو ...
بهاء : مسالخير العشير ..
عثمان : مسالنور ... نسيتي شي حاجة ؟
بهاء : لا .. غير عيطت نسول فيك !
عثمان : وعلاش !
بهاء : حيت هشيش ، عندي الكبدة ديال الام !
عثمان : (تنهد) اودي..
بهاء : راسك عامر !
عثمان : بلا قياس ...
بهاء : نتلاقاو؟
عثمان : دابا ؟
بهاء : عارف ريا ما معاكش ...
عثمان : قالتها ليك هادية ؟
بهاء : لا شفتك فاش كنتي غادي من حدا الدار وحيت انا ذكي قدرت نفهم ..
عثمان : (تبسم) بغيتي تواسيني ..
بهاء : و شفتي يا الخوينز انا شحال حنين .. كنز انا كنز .
عثمان : انا قربت نوصل لداركم .. كنت جاي عندك اصلا
بهاء : ياختي على لي ما يقدرش بلا بيا
عثمان : هههههه لا حول !
بهاء : حتى انا فالطريق..
عثمان : تمام ..
قطع معاه وقلب الدورة، كان غادي لدارو يطمن عليه .. و الهيئة انو القلوب عند بعضياتها ...
**
قابلاتها معاها كاتسمح فدموعها وعينيها مغرغرين حتى هي، شوفتها بحال هاكا كسراتها ... كانهرف ريا واخا كاتصنع القوة واخا كاتبغي تبين راسها ماكاينش لي يأثر فيها، اكثر وحدة هشيشة فيهم هي ريا...
حياتها كاملة وهي تحت ظلهم ما يمكنش تجي وتولف العيشو بعيدا عليهم، يعني هادشي غا يخلي الظيم ينزل عليها .. من جهة عاطية الحق لرد فعلها ومن جهة ثانية جاتها ناقصة الكلام لي قالت لعثمان، كان ممكن تقوليه ديني للدار، بغيت نرتاح واحد اليومين ... ماشي تجرحو بهضرة هو ما عندو حتى دخل باش يسمعها ...
هادية : بلا بكا واخا ! هادشي كايوقع، وحتى دابا ماشي مشكيل .. دابا جيتي
قاطعاتها وهي كاتشهق ..
ريا : وحتى منين قلت ليه بغيت نمشي قالي واش تمشي دابا، حتى هو ما بقاش عاجبو الوضع !
هادية : حتى واحد ما غا يعجبو هاد الحال ! و عثمان راك عارفاه ما عزيزش عليه الصداع ... يعني عادي يجيبك للهنا تبردي تخممي تاخدي قرار و ديك الساعة تهضرو ..
ريا : والله ايلا كانتخنق اهادية ، واحد الضغط و واحد التزيرة كانحس بيهم وهو حداي بوحدهم !
هادية : حيت نتي ما باغاش تعطي لراسك فرصة تولفي !
ريا : شنو ندير !
هادية : رتاحي دابا ما تخممي فوالو، وان شاء الله خير...
ريا : و نبقاو هاكا ؟
هادية : (خرجات عينيها) كيفاش هاكا !
ريا : زعما هو غادي يصبر عليا بينما فاتت هاد الحالة ؟
هادية : نتي كاتعرفي عثمان كثر مني !
ريا : ما بقيتش عرفت راسي هاد الساعة!
هادية : (تبسمات وطبطبات على خدها) عطي لراسك الراحة .. ان شاء الله ما يكون غير خير .
عاود عنقاتها مزيرة عليها ...
ريا : لهلا يخطيك عليا
هادية : امين .. الله يحفظنا لبعضياتنا ...
أنت تقرأ
فل تثلج❄️مكتملة❄️
Storie d'amore💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
