#الجزء_147
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
تعشات العشية وطاح الظلام .... وجا الوقت باش كل واحد يرجع لدارو وسط عائلتو ...
وقفو قدام باب الاقامة و دار شاف فيها ما ساخيش .... طول الشوفة فيها وهو هايم حتى تبسمات خلات غمازتها تبان و خلاتو هو يزيد يغرق .. تنهد ونطق بحصرة !
بهاء : صافي سالا نهارنا !
هادية : (هزهزات راسها) ما بقا قد ما فات و يوليو نهارتنا بحال هاد النهار ! حتى تمل !
بهاء : ما قاد نصبر ! و عمري نمل !
هادية : (طبطبات على يديه) شوية و صافي ان شاء الله.
بهاء : (باس يديها) رتاحيتي شوية ؟
هادية : بزاف .. والله حتى شكرا على هاد النهار
بهاء : اودي ...
هادية : ياله تصبح على خير ، منين توصل
بهاء : (كمل كلامها لي ولا حافظو) نصوني ليك ...
هادية : هكاك ...
بهاء : غذا معاياش نلقاك واجدة !
هادية : علاش ؟
بهاء : باش تمشي معاي انا و الحاج !
هادية : و نتا غادي تكاتب مع باباك انا لاش ، غادي نبان بصورة خايبة وسط منكم بحال ايلا ما كانتيقش !
بهاء : واش شكينا عليك ! معاياش غادي تكوني واجدة !
هادية : بهاء ! عفاك غير بلاش ، نتلاقاو ورا ما تكملو !
بهاء : مع 11 مزيانة ؟
هادية : ولا !
بهاء : 12 حسن !
هادية : ما تنخلنيش !
بهاء : تمام، 12 مزيان .
هادية : دابا دير لي فراسك وحتى انا غادي ندير لي فراسي...
بهاء : تصبحي على خير امولات الشي ...
قرب باس خدها و غمزها ... خلاها تزير على سنانها و نطقات..
هادية : تصبح على خير ا بهاء .
نزلات من السيارة نيشان طلعات لدارها و شعلات الضو ديال البيت عالماه بلي وصلات بيخير وعلى خير ، تبسم بمجرد ما شافها ما نساتش العادة و زاد مكمل طريقو ... دخل سيارتو لداخل و حطها حدا الشعيبية ...
نزل صونا على هادية وحط التلفون فوذنيه لا تقدر تجاوب ... وهو كايدور عينيه كايشوف الحديدة لي شداتها الضو ديال عائلتو باردة...
بهاء : ايه يا بنت با جات معاك ..
قطع التلفون و ما تجي عينيه غير على البلاصة منين تهزات تقشرات ليها الصباغة، وساعت تبسيمتو اكثر، فرحان حيت لقا باش يشد فيها هاد الليلة ...
دخل للدار لقا الحاج جالس فالصالة و معاه عثمان لي رجع بكري ..
بهاء : السلام !
ابراهيم : على السلامة .
بهاء : الله يسلمك (شاف فعثمان) السلام ديال الله !
هز راسو شاف فيه و هزهز راسو ..
عثمان : و عليكم السلام !
بهاء : مالك ؟ قلتي ليا ما غاديش ترجع! واقعة شي حاجة ؟
ابراهيم : ونتا اش دخلك! يرجع ليوم وغذا !
بهاء : والا هو ما كايبدل داكشي فبالو غير ايلا واقعة شي حاجة !
عثمان : عند بالي الخالة هاينة كاينة ... جيت نشوفها وصافي ...
بهاء : (تنهد) مشات نساتنا !
ابراهيم : باقي غير تنوضو تبكيو ، صبرو ... يومين ما تجي والو قدام داكشي لي دوزوه ولادها بلا بيها و دوزاتو حتى هي بلا بيهم، خليهم يجلسو مع بعضياتهم .. يردو غا شي لقطات من لي فات .
بهاء : ايوا الله يسمح لينا ...
ابراهيم : غذا ترجع ان شاء الله...
بهاء : الحاج غذا نمشيو نتكاتبو ...
ابراهيم : اهاه، ان شاء الله.
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
