فل تثلج❄️مكتملة❄️

❄️الجزء 196❄️

#الجزء_196
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

جمعو وضحكو ونشطو وجا الوقت لي كل واحد يمشي بحالو يرتاح ... ميسان غير غمز ليها حبيب بدات تصفار وتخضار ولكن هو عندو نيشان نيشان طلب الاذن من باها و تيسرو على الله ...

سدو الباب ورا ما مشاو ضيافهم .. عنقها جنب وجاو داخلين وهادية كاتفوه من فرط العيا ...

بهاء : ياله بيتك حيدي قفطانك ونعسي ...
هادية : بلاتي نجمع الكوزينة
بهاء : هادية بيتك الله يرضي عليك ...

ياله بغات تعتارض هزها على كتفو وتم طالع بيها مخليها كاتضحك ..

بهاء : غا تنعسي ولا ما نخليكش تنعسي .. فايقة فايقة بعدا فيما يرضي زوجك ..
هادية : والله حتى عيانة داتي مدكدكة ..
بهاء : هي ايلا تكمشتي فبلاصتك ونعستي .. الكوزينة غادي نجمعها انا !

دخل للبيت وحطها فوق الفراش .. شدات فيديه وهي ممدودة ما مخلياهش ينوض ..

هادية : اجي نعسو بجوج وحتى نفيقو عاد نجمعوها ..
بهاء : (تبسم) حتى هذا بلان .. ولكن بلاتي نسد البيبان و نجي .
هادية : تمام (تفوهات ثاني) غا نتسناك !

باس راسها ناض من حداها نزل للتحت تأكد بلي كلشي مسدود، دخل ليو من على برا وطلع فالدروج وبين يديه التلفون كايعيط لأمن المجمع ...

بهاء : السلام عليكم !
- وعليكم السلام، تفضل مسيو عابد مرحبا !
بهاء : بغيت نسول واش جا شي عساس جديد ؟
- لا كون زدنا شي حاجة نعلموكم اسيدي ..
بهاء : و الراجل لي واقف قدام باب داري من لبارح شكون ؟
- كيفاش راجل ؟
بهاء : ما باينش عندكم فالكاميرات ؟
- سمح لينا، مع جاو بزاف ديال الناس عندكم اليوم ما حكرناش بزاف ..
بهاء : (بعصبية) السيد كانقولك راه واقف عليا من البارح !
- (حنحن) حنا غادي نمشيو نهضرو معاه .. وايلا استدعى الامر نعيطو للبوليس ..
بهاء : لا ما تهضروش .. عيطو للبوليس نيشان !
- كاين شي مشكيل ؟
بهاء : شاك يكون شي صحفي كايتسنى شي خبر ولا شي حد مراقبنا ! ماشي اول مرة المدام تتعرض لشي بلان بحال هذا و ما نخاطرش نخلعوه يهرب ويعاود يرجع ...
- تمام .. هي اللولة !
بهاء : باش ما كان علمني ... حضيو معاه لا يهرب ..
- حنا قدام كاع المخارج ..
بهاء : عليها لقا كيفاش يدخل !

قطع التلفون مغزف وبالو مرون .. ما عارفش علاش كتيفكر غير ف زيرا وخايف لا تكون هي لي مسيفطاه ... ماشي اول مرة ديرها و كلامها قبل خطبتهم زاد زيرو ...
دخل للبيت كانت هادية ناعسة فيقها حيد ليها القفطان باش ما يعنكشهاش لبسها بيجامة خفيفة ورجعات نعسات وهي ما جايبة للدنيا خبار الغذا خدا منها حقو .. غطاها من البرد باس راسها بحب وراسو مجموع عليه كلشي ... ونزل ثاني حاضي من الكاميرا باش غادي تكمل هاد الحريرة ...