فل تثلج❄️مكتملة❄️

❄️الجزء 143❄️

#الجزء_143
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

دارت شافت فيه تقابلو عينيهم و بقات حابسة الضحكة و مركزة الشوفة عليه حتى نوواتو فراسو...

بهاء : مالك ؟
هادية : دايني على قد عقلي !
بهاء : ايلا جيت نديك على قد عقلك خاصني نتسلف من عند عثمان عقلو ... الغالب الله سابقاني بسنوات ضوئية .
هادية : بابابابا ... خويا كيفاش دارو ما جاوش خطبوك من باك بهاد التعامل .
بهاء : (دار راسو حشمان) كنت باغي نكمل قرايتي.
هادية : هههههه ايه اسيدي مزيان .
بهاء : كنت كانتسناك .
هادية : ما تعطلتش بعدا ؟
بهاء : (علا حجبانو) جيتي فالوقت ...
هادية : فرحت ...
بهاء : انا معاك ديما فرحان ... حياتي كاملة غادي ندوزها فرحان ان شاء الله.
هادية : و ضروري من الطلعات و الهبطات فحياتنا .
بهاء : ما قلتش العكس ، ولكن غير غا نشوف فيك غا نقول للتغوبيشة سيري بحالك .
هادية : و انا ماشي بهاء.
بهاء : نتي انعكاس لبهاء ... (باس يديها) الله يخليك ليا امولات الشي .
هادية : (ردات ليه البوسة) و يحفظك ليا .

حطو راسهم ثاني حدا بعضياتهم وبقاو مدة كايشوفو فالمراية ...

هادية : من دابا كانخمم كي ندير نبعد على خوتي ... صعيب الحال !
بهاء : و هادي سنة الحياة كلها غا يمشي لدارو .. ساندية راها فدارها، ريا ما بقاش ليها ... و حبيب يكون راسو و يجيب ليه ربي بنت الناس .
هادية : عرفت ولكن صعيبة !
بهاء : حتى حاجة ما ساهلة غير هو الواحد كايولف، زيدي ما غاديش تخوي البلاد ، ديرو كل جمعة الجمعية عند وحدة و الاحد خرجو ... وصافي لي بقا فالسيمانة لدارك و راجلك و خدمتك ... المسؤولية تزادتك خاصك تقومي بيها .
هادية : انا قادة ...
بهاء : عارفك قادة ... عارف مولات قلبي علاش قادة .

تنهدات و بقات كاتخمم فحبيب اكثر شي ، فثلت اشهر كلشي غادي يخوي ويخليه بوحدو ... غير شافها سهات نطق بداكشي لي كايخمم فيه ...

بهاء : تبغي يكون عندك استديو خاص بيك ؟
هادية : همم ؟
بهاء : كانسول واش تبغي يكون عندك استديو خاص ... صغير ، مجهز بكلشي، و تخدمي فيه بوحدك !
هادية : (دورات عينيها فراسها) علاش هاد السؤال !
بهاء : جاني فبالي وصافي !
هادية : وليت نخاف نقولك شي حاجة ...
بهاء : (دور راسو جنب) وعلاش ؟
هادية : (شافت فيه حتى هي) حيت كانشوف بلي كاتكلف راسك و دير ليا داكشي لي فخاطري ... و انا هادشي كايقلقني ، واخا انا ما طلبتش كايجيني بحال ايلا كانستغلك .
بهاء : (علا حجبانو) كاتستاغليني ... واي واي فين وصلتي ؟
هادية : و نكذب عليك .. شوية يقولو بلي ساحرة ليك .
بهاء : يقولو لي بغاو، المهم انا عارف كاناكل عليك الشراوط لله فسبيل الله ..
هادية : هههه وما قلناش ولكن انا كافيني تعبر ليا على حبك *
بهاء : (قاطعها) هاد الساعة ما عندي كيفاش نعبر ليك من غير الهضرة .
هادية : صافي داكشي لي بغيت حتى انا ... غا كاتقولي كانبغيك قلبي كاينوض يزدح من هنا تال السيمانة الجاية . باركة عليا .
بهاء : (رجع للنقطة اللولة) و زيد عليها ماشي تكليف، ايلا ما حققتش لمولات داري داكشي لي كاتحلم بيه انا لاش كاين ؟
هادية : باش تسمي مصطفى سامي و علي كمال ... خلينا نسميو ولادنا و نسا عليك هاد الزعتر، نهار يكتاب ليا ندير استديو غادي نديرو لراسي .. حيت كانحلم نقادو بفلوسي بدوقي باختياراتي ... وما بغيتكش تسبقني ليه .
بهاء : فلوسي هوما فلوسك ..
هادية : ما قلتش العكس ولكن بغيت نقادو بفلوسي لي خدمت فيهم .
بهاء : و ايمتا ناوية ؟
هادية : (هزات كتافها) نهار يكتاب ... فاش تولي الخلصة ديالي بوحدي ... اما دابا باقي عندي مسؤولية .
بهاء : يعني باقي بعيد .
هادية : لا ان شاء الله قريب .
بهاء : (بتفهم) صافي منين تقرري علميني ...
هادية : اكيد، غادي تكون راجلي داك الساعة ... و غادي نكون كانتناقش معاك كلشي .
بهاء : ان شاء الله ...