فل تثلج❄️مكتملة❄️

❄️الجزء 153❄️

#الجزء_153
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪

* قبل اربع ايام ✨ ...

رجعات هي وختها من عند الطبيبة النسائية .... عارفة بلي ما غاديش تحتاج الشهادة مع عثمان ولكن قالت مدوزة مدوزة ما فيها باس نعرف اش عندي .... واخا الحشمة غرقاتها من راسها حتى لرجليها خصوصا مع هادية ولكن ما عندها مادير .

جالسة كاتخمم فكلامها وهازة الهم لخلوتهم وعلاقتهم ورا ما يتكاتبو ...

هادية : و هو ما تزوجكش يحطك ديكور طبيعي يبغي حقو، وطبيعي تعطيه ليه !

قفزها التلفون منين صونا ليها وغير لمحات سميتو تزنݣات بحال ايلا سمعها فاش كاتخمم ..

ريا : السلام !
عثمان : وعليكم السلام، لاباس على الدنيا ؟
ريا : الحمدلله ونتا ؟
عثمان : بيخير .. كي داز الكنترول !
ريا : مزيان الحمدلله، كلشي هو هذاك !
عثمان : هادشي لي بغيت ...
ريا : (حنحنات) ومشيت حتى لعند جينيكو ...
عثمان : (عقد حجبانو) علاش !
ريا : (حنحنات) زعما راك عارف !
عثمان : (تبسم) اش عارف ؟
ريا : (تزنكو خدودها) وعثمان !
عثمان : ما كانش عليك ...
ريا : عارفة ، غير قلت نشوف وصافي، حب الاستكشاف !
عثمان : مزيان الالا الله يسخر !
ريا : و ما غاديش تسول ؟
عثمان : (قاطعها) ما كاين لاش نسول ! حتى نكتاشف براسي !
ريا : (حنحنات) عثمـان !
عثمان : (حط يديه على قلبو وتنهد) نعم الدنيا !
ريا : زعما بخصوص الاكتشاف !
عثمان : هممم ؟ شنو نأجلوه ؟
ريا : (تبسمات فرحانة) اه ما كرهتش .. غير بينما كنا واجدين
عثمان : وشكون قال ما واجدينش ؟
ريا : (بلعات ريقها) و ما نعرف ..
عثمان : الا انا عارف، و واجد، و ان شاء الله زن طق خفت زربا النهار اللول ! تخافيش
ريا : ولكن ...

ياله بغات تكمل هضرتها عيطات ليها هادية وهي بالتلفة باغا تهرب منو قطعات عليه ... حطات التلفون وخرجات *

🎞️#عودة🎞️

سلتات يديها من يديه و هو بقا غير كايشوف ... كان متخايل انو بسبب الهضرة لي هضرو فالتلفون وما كملوهاش، حيت من ساعتها تقريبا وهي مبدلة، قال زعما احتمال انو تكون هادي غير الخلعة راكباها ولكن منين وصلات للفراق يعني المشكيل كبير ... حتى منين دابزو قبل الخطبة ما كانتش ردة فعلها بحال هاكا ...
كايحاول ما امكن يحيد الافكار الخايبة من راسو ولكن هي غير ما كاتزيد تلصقهم ليه ... حتى فاش سمعها نهار الكلينيك ما ركزش فكلامها وقال غا الستريس هذاك، ولكن دابا هضرتها كاتعاود فوذنيه .. لدرجة تفصل على العالم الخارجي و كايسمعها غير هي .

🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪

ريا : (نزلو دموعها لي قاومات ما تنزلهمش ونطقات بوهن) كحز عليا عفاك ، بعد مني ... ما بغيتكش تقيصني ... كانعيف راسي .. (شهقات) عفاك طلق مني ... كرهت تقيسني ولا تحط عليا يديك بعد مني الله يخلي ليك ما عز عليك أنا مزاوكة هادشي ما بقاش عندي فين نزيد معاه ... (رخف يديه عليها مخليها تبعد عليه ..) ريا : بحال ايلا هو لي قاسني ...