فل تثلج❄️مكتملة❄️

❄️الجزء 180❄️

#الجزء_180
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

شرقات الشميسة و طلع الصبح، من بعد ليلة دوزاتها فالجحيم يهدن حريق كرشها تبدا تخمم ... وكلام جيلان فوذنيها ..

* ما عرفتش .. حسيت بحال ايلا ممكن تكون حلمتي ناوية تحقق حيت تعطلات عليك وحنا موالفة تجينا قد قد (تنهدات) قلبي مشا وجا ... *

كاتقول قدر الله ما شاء فعل، ايلا كنت حاملة مرحبا ما عندي ماندير بالحق جيلان شنو موقفها من الموضوع... هي الشاغلة بالها فعز ألامها ..

دخل للبيت حيد الجاكيط رماها فوق الكنابي و تلاح حداها ثاني معنقها، خرج غير وصل جيلان ورجع لعندها ما باغي يمشي فين حتى تفيق على راحتها و يتأكد بلي الامور تمام ...
زير عليها و هو كايبوس راسها حتى داتو عينو، بات فايق حتى هو وكيما تحركات ينوض يتفقدها ... عنقاتو وبقات هكاك حتى صافي وصلات بيها للخر ..
خدات التلفون طللات على الساعة وغير شافتها فاتت العشرة ناضت كاتجر رجليها ...
دخلات للدريسينغ لبسات عليها بالخف وخرجات هزات الفلوس فجيبها ... فتحات باب البيت وهو يوقفها بهضرتو ...

ارون : فين غادية ؟

دار شافت فيه وتبسمات بذبول .. كاتحارب باش تبقا واقفة ...

ساندية : غادي نمشي للفارمسي دغيا دغيا !

ناض واقف بالزربة وهو كايحك فعينيه ..

ارون : نمشيو انا وياك !
ساندية : لا ما كاين لاش ! غير خليك مرتاح ..
ارون : اشمن راحة وانا شايفك هاكا ؟ كون بغيتي تهنينا كون مشينا للطبيب ؟
ساندية : (تنهدات) وحتى نشوف ويكون خير ..
ارون : (بعدم فهم) اش ؟
ساندية : ما عرفتش مخي مركز غير على الحبالة ! واخا حنا ما معوليش واخا واخدين الاحتياطات ممكن !
ارون : (تبسم وشد فيديها) شنو ما كان مرحبا بيه ... واخا نتي بالنسبة ليك باقي الحال انا كانشوف هذا هو الوقت ...
ساندية : (عضات على شفتها و تنهدات) و اكيد مرحبا وما غاديش نقول لا ... ايلا كتبو علينا ربي غادي نفرح بيه ولكن (باسف) جيلان ! باقي ما واجداش وما باغاش نخلق فجوة بيناتنا ... غير ياله هضرنا فهاد الموضوع وطمنتها وهانا دابا ما قادراش نطمن حتى راسي ...
ارون : تتقلق ! تغضب ! تبكي ! غادي دير شنو ما دارت وفاللخر غا تبرد و تهدن وغا تعرف بلي كاتسناها نعمة ...
ساندية : (تبسمات) وهادشي ايلا كان بالصح راني حاملة . .. وايلا لا يعني واقعة شي حاجة
ارون : فالحالات بجوج خاصنا نمشيو للطبيب !
ساندية : (عضات على شفتها) نتأكد ويكون خير ..
ارون : (تبسم) حتى الطبيب قادر يأكد لينا !
سانية : (غمزاتو) فراسي ..

شد فيديها خارجين من البيت ....

ارون : مشينا ؟
ساندية : ياله ..

زاد جوج خطوات ووقف ثاني .. دار لعندها مستغرب وعاد استوعب الوضع ... علا حجبانو ونطق بتساءل ...