#الجزء_190
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
صبح صباح اليوم الموعود من بعد ليلة بيضة طويلة، هي من فرط الحماس و الخوف ما جاهاش المعاس وهوما ما ساخيينش، ساندية وريا استآذنو من رجالهم وباتو معاهم وعلى غير العادة هاينة معاهم و جمعيتهم بربعة هاد المرة ولات بخمسة ... نعسو كلهم على على برا و المشيشات دايرين بيهم ...
حلات عينيها على ريحة النعناع ... ناضت جلسات وهي كاتكسل ... غير جات عينيها على دورة الحنة فيديها تفكرات البكا لي بكات وهي ترسم ابتسامة رضى على شفايفها ونطقات بهمس ..
هادية : ان شاء الله نكونو طبقنا العادة على حقها وطريقها وتكون حققتي حلم الخالة الله يرحمها ...
دارت ناحية حبيب هو الوحيد لي كان باقي ناعس على غير عادتو، قربات لعندو حطات يديها على خدو وهو يدور شفايفو ليها باسها وعينيه باقيين مسدودين ..
هادية : صباح الخير الحنين..
جرها لعندو معنقها ...
حبيب : صباح النور tatlı gelinim (عروستي الزوينة)
هادية : (تبسمات) دابا تعلمتي على قبلي ولا !
حبيب : (حل عينيه فيها وفرن حجبانو) لا والله حتى تبعدي مني الصبح هذا .. ما بقيتيش تعرفي تفلتي الفرصة
هادية : (علات حجبانها) لا ما يمكنش ...
حبيب : (باس يديها ثاني) ولا نقولك خودي راحتك...
هادية : هانا غادة وغا ترتاح ..
حبيب : (هزهز راسو) بالصح غادي ندير العرس ...
هادية : كاع !
حبيب : ونتي لي كاتقولي غا ترتاح .. واش عارفة بلي حاس بحال ايلا بهاء راجل مي ...
هادية : هههههههه قرا وخدم اخويا وخود ثأرك ... هادشي راه ما يمكنش يتسكت عليه
حبيب : طنزي على راحتك !
هادية : لا ديال بالصح ، خاصك ترد ليه الدقة، واش غير هو لي ياخد ليك ختك، لا حتى نتا خود ليه ختو ...
حبيب : ماشي وقتو دابا نوضي ياله نفطرو ...
هادية : (صغرات عينيها) همممم كاتبدل الموضوع !
حبيب : اش بغيتي نقول !
وسعات تبسيمتها كثر و نطقات مبدلة الموضوع ومخلياه على راحتو ...
هادية : كانبغيك ..
حبيب : (باس راسها) كانموت فالتراب ديال رجليك ...
طللات عليهم وغير لمحاتهم صفرات ..
ريا : ايه تحابو وانا رميوني للواد ... ساندية اجي تشوفي ..
خارجة من البيت كاتقاد الونتي فعينيها وكاتهضر ..
ساندية : يالا الهول انها خ*يانة يا ريا ..
ريا : نتي شفتي بعدا ؟
ساندية : (شافت فيها بلا ما تحل عينيها) وصافي جينا معاك كملي فالخط وهنينا ...
ريا : التسليم، فكل مرة كاديري هاكا كاتخلعيني ما عمري قدرت نولفك ..
حلات عينيها و تبسمات ...
ساندية : ومالك، ربي نقص ليا الشوف و زاد ليا السمع ! قادرة نعرف بنادم منين كايهضر معاي... عادي !
ريا : سبحان الله !
ساندية : الحبيب و المحبوبة ديالو... نوضو نفطرو راه عندنا رونديفو مع الكوافورة ..
أنت تقرأ
فل تثلج❄️مكتملة❄️
Romance💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
