فل تثلج❄️مكتملة❄️

❄️الجزء 191❄️

#الجزء_191
#الفـــصــل_التالث : #دعيها_تثلج
#Let_It_Snow ❄️ 
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼

قادوها و بقات جالسة فبلاصتها بينما خرجو هوما استقبلو العريس .. ما غاديش يجلس، غير يطلع وراها وصافي ...
كانو الناس محيحين لتحت من ضياف ابراهيم و انضمو ليهم حتى ضياف هادية لي نزلو قبل منها ...
وقف قدام الباب سلم على حبيب و باس لهاينة راسها موحشها بلا قياس .. مولف هو لي يغبر ماشي هي لي كاتخوي الدار ...

بهاء : حنانتي بيخير !
هاينة : (كاتمسح دموعها) بيخير و ما ناقصني حتى خير اللهم لك الحمد ...
بهاء : هادشي لي بغيت ... (دار شاف فريا) عثمان كايقولك هبطي عندو
ريا : و هادية ؟
ساندية : سيري ها هي جايا ... (قربات كثر همسات) الدعوة تخلطات نزلي شوفي راجلك لا تولي راجعة من العرس بالضرة
ريا : الا ويلي !
ساندية : نزلي راك وليتي فهاد الوقت تخافي على رزقك ...

شافت فحبيب لي غمض عينيه وسدهم باش تمشي، ما عاوداتش وراه الكلام... خدات الفورير ديالها وصاكها ونزلات ..

ساندية : (شدات فارون) وحتى حنا نهبطو ..
جيلان : انا نبقا نعاون هادية فلاغوب ..
هاينة : الله يرضي عليك ابنتي
حبيب : تمام ..
بهاء : ندخل ؟
حبيب : تفضل !

تبسم ليهم و وقف مقابل مع الباب قاد الفيست ديالو وخدا نفس ... سما الله وحط يديه على البوانيي فتحها ...

كانت واقفة مقابلة معاها الفوال نازل على وجهها وكاتسنى غير ايمتا تفتح، الورد ديالها فيد و فالتانية كانت هازة الكاميرا ، ما تقدرش تفلت اهم لقطة، رد فعل المعنى بالامر ...

غير شافها حل عينيه على وسعهم ودار لعند هاينة وحبيب ...

بهاء : واقلة غلطت فالبيت ..
هاينة : (بعدم فهم) همممم ؟
بهاء : (هزهز راسو) غلطت فالبيت، هنا كاينة ملاك ... واخا كاتشبه لمولات الشي ولكن انا بزاف عليا هادشي ..
هاينة : (تبسمات) ياودي نعل الشيطان ... هههههه بهاء !
بهاء : (دار شاف ثاني وعاود شاف فيها) هادشي كامل جاني فحقي !
هاينة : ايلا بغيتي !
بهاء : وهادشي باقي فيه الاسئلة ...
هاينة : وشوف نتا لي باقي كاتسول !

هزهز راسو تالف ونطق ...

بهاء : غا نعلي ليها الفوال !
هاينة : دير لي بغيتي ..
بهاء : نشوفها و نخبيها ...
هاينة : (قهقهات) ياوعدي راك غادي تهربو ليا ابني ..
بهاء : انا براسي ما متيقش راسي ...
هاينة : ودخل ياله ...

سد الباب وراه وثاني خدا نفس .. ما متيقش راسو، بقد ما كان كايشوف هاد النهار بعد بزاف، دابا كايقول غير كايحلم ولا ماشي صاحي ... وهي كاتضحك فبلاصتها على هضرتو ..

بهاء : مولات الشي !
هادية : (تبسمات) نعـم ..
بهاء : والله ايلا ديال بالصح !
هادية : ههههههه وزعما ماشي اول مرة!
بهاء : ولكن هادي ديال بالصح ! لوخرا غير جبنا بيها الفال
هادية : (ضحكات معرية سنيناتها) و الحمدلله...