#الجزء_149
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
فاقت بكري ، لبسات حوايجها الرباضيين و خرجات كاتمشى ... حتى عيات وقلبات الدورة راجعة بحالها ، دازت على المخبزة خدات منها كرواصات للفطور و دخلات للدار ، لقاتهم فاقو حتى هوما صبحات عليهم و دخلات تاخد دوش بينما حطو الطبلة ...
11:00
لبسات كولون و كابيشون اوفر سايز طويل... و خرجات كاتنشف شعرها بالفوطة ...
موالفة تبوس خوتها قبل ما يبداو يفطرو ولكن باش ما تحرجش راسها مع هاينة صبحات عليهم مرة ثانية وصافي جلسات .
هادية : صباح الخير !
ريا : صباح النور ! اش هاد النشاط ؟ اش هاد الحيوية !
هادية : هههههه و اخيرا سالات عطلتي... و غذا غادي نرجع للخدمة .. داكشي لاش راشقة ليا .
حبيب : بغيتي تقنعينا بلي ماشي الخرجة ديال البارح هي لي ردات ليك الموود !
هادية : (تبسمات) يعني، كلشي مشارك فهاد الموود، نتوما هو الخدمة و زيد و زيد .
حبيب : الله يديمها .
هادية : والله يحفظكم ليا !
حبيب : (هز يديها باسها) امين الحنينة ديالي ، امين .
ريا : اهاه علاش انا بوحدي لي قلت ليكم البارح فين مشيت و شنو درت .. .؟
هادية : (دورات عينيها) ايوا !
ريا : نتوما ما شاركتونيش تفاصيل نهاركم !
هادية : و علاش يا ترى ؟ (شاف فحبيب و عاود شافت فيها معلية حجبانها) هممم ؟
ريا : علاش ؟
حبيب : حيت عندنا ختنا منين كاتحمس ماكاتسكتش و تخلي لينا المجال فين نعبرو، وصافي منين جبدتي ديك الموضوع المشوق بدلنا السيرة وصافي !
ريا : (شهقات) انا ما كانسكتش ؟
حبيب : (بسخرية) استغفر الله، شكون قال هادشي...
هادية طبطبات على يديها و خدات لقمة .. مضغاتهغ على خاطرها و حتى خوات فمها عاد هضرات .
هادية : الالا نقول ليك تفاصيل نهاري، مشينا شفنا دارنا (تبسمات) هي راه ماشي دار ، قصر ... زوينة بزاف، و فيها واحد الدفء ما نعاودش ليك ...
ريا : بالصح !
هادية : (هزهزات راسها) بالصح !
هاينة : والله يجعلها عتبة مباركة مسعودة عليكم !
هادية: اللهم امين !
هاينة: قالي ابراهيم غادي يدوز وراي منين يسالي مع بهاء !
هادية : ما غاديش تغداي معانا ؟
هاينة : مرة اخرى ان شاء الله..
هادية : على راحتك.
صونا شي حد فالباب و ناض حبيب يفتح ... كان بهاء واقف .. سلم عليه وخلاه يدخل .
صبح عليهم و باس راس هاينة و هادية ...
بهاء : واجدة ؟
هادية : الا !
بهاء : و ياله ياله نجيو مع 12 .
هادية : وراه قلت ليك ما غادياش .. غير عذبتي راسك وصافي
بهاء : (علا حجبانو) توء ماشي هادشي علاش تافقنا ..
هادية : لا والله هادشي لي انا قلت
بهاء : ولكن انا ما قلتش !
هادية: (هزات كتافها) ايوا اش غا نعملو ! ولينا كلها يدير اش قال ليه راسو !
بهاء : غادي تنوضي تلبسي باش نمشيو .
هادية : (قاطعاتو) ما بغيتش نمشي !
بهاء : ما يمكنش !
هادية : (شربات من قهوتها) لا ممكن ..
بهاء: هادية!
هادية: (ببرود) نعم !
بهاء : (تبسم وهو مفقوص) غادي تنوضي ياك ولا غادي ندير اش كايقولي راسي .
هادية : (وساعت تبسيمتها) بحال ايلا كاتهدد عليا و خوتي جالسين ؟
بهاء : اكيد لا (شاف فيهم وهو كايتبسم) بان ليكم هذا تهديد ؟
ريا : (ضحكات) ابدا !
بهاء : ايوا شفتي .. ياله ياله !
هادية : راني هضرت، صلي على النبي، نعل الشيطان و شوف طريقك
بهاء : واخا .
أنت تقرأ
فل تثلج❄️مكتملة❄️
Любовные романы💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
