#الجزء_160
#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
🎞️#𝚏𝚕𝚊𝚜𝚑_𝚋𝚊𝚌𝚔🎞️
⚫🎥⚪
غمضات عينيها و هضرتو سرات مع الدم فعروقها، تبسمات وعنقاتو مزيرة عليه ...
ريا : حتى انا كانبغيك .
شافت فيه ، تقابلو عينيهم مع بعضياتهم و قربهم مخلي انفاسهم تضارب، بلعات ريقها متوترة من نظراتو لي كايتنقلو من عينيها لشفايفها، قرب كثر ، طبع قبلة على جبهتها، و نزل باس منخارها، خلا الفراشات يهربو من معدتها و يجريو فكاع اتجاهات داتها ... حط جبهتو على جبهتها و نيفو على نيفها، و تنهد ... حل عينيه شاف فيها كانت مغمضة عينيها و كاتنفس بالجهد ... عاود غضمهم حتى هو وخدا نفس ...
عثمان : الثالتة وقتها غادي يكون قريب ...
حلات عينيها و الدم مجموع فحناكها حاسة بيهم غادي يطرطقو، حشمانة منو و من الرخية لي رخات راسها، خايفاه غير يقول طالبة عليها.
🎞️#عدنا🎞️
وسط البيت الكبير والسهات سايد فيه، ما مسموع غا صوت دقات قلبهم ... مركز الشوفة فيها خلاها تتوتثر .. باغا غير تخبي وجهها من قدامو، مزال ما سرطات الحشمة ديال شوفتها بحوايج مقزبين كمل ليها فاش جلسها على رجليها ... ما عرفات ما دير حدها حطات جبهتها على جبهتو ما قاداش تخلي عينيهم يتلاقاو وهوما فهاد الوضعية، زاد قرب ليها كثر حتى تخالطو انفاسهم ... تبسم ونطق .
عثمان : جا وقت الثالتة .
بلا ما يزيد يطول فالهضرة خذا شفايفها بين ديالو معبر ليها بقبلتو الحلوة على حبو اللامتناهي .... وبلا ما يحس حط يديه على فخضها وزير .
دقات قلبها زادو فسرعتهم، بحال ايلا جرات 100 كم فجوج دقايق، صدرها كايطلع و ينزل وداتها كلها كاترعد بسبب الخوف لي تملكها، زيرات على عينيها ولا اراديا دموعها نزلو ... خلاتو يحبس وهو ما فاهمش شنو واقع ....
عثمان : م مالك ؟
ناضت بالزربة وهي كاتشعض وترد النفس ... دخلات للحمام وسدات عليها الباب ما راضياش ....
مشا وراها وهو ما عارفش واش يدق يستفسر ولا يخليها على راحتها ... حل فمو باش يهضر وهو شي حد دق فالباب ...
خدا نفس ومشا فتحها حتى كايلمح بهاء عاطيه بالظهر ...
عثمان : ياك لاباس ؟
بهاء : (بلا ما يدور) لا والو غير سقت خبارك شديتي على المدام قلت نبرزطك وصافي
عثمان : لا حول ... ساليتي !
بهاء : صافي .. كانتمنى نكون قطعت عليكم اللحظة فعزها !
زاد مخليه غير كايشوف ... سد الباب ثاني و مشا ناحية الحمام، حط راسو على الباب ونطق ..
عثمان : ريا ! ريا ..
أنت تقرأ
فل تثلج❄️مكتملة❄️
Storie d'amore💎مكتملة💎 •°• #Let_it_Snow •°• •Love is a beautiful kind of fear• بقلم : ❄︎⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❄︎ ...
